బాలకృష్ణ కెరీర్ 50 ఏళ్ళు పూర్తైన సందర్భంగా చేసుకున్న ఈవెంట్కు చిరంజీవి, వెంకటేష్ సహా చాలా మంది ప్రముఖులు హాజరయ్యారు. ఈ వేడుకకు ఎంతమంది వచ్చినా.. చిరు, బాలయ్య జోడీ హైలైట్ అయింది. ఇదిలా ఉంటే.. చిరంజీవి స్పీచ్, మధ్యలో దర్శకులకు ఆయన విసిరిన ఛాలెంజ్ ఇప్పుడు వైరల్ అవుతున్నాయి.
చిరంజీవి ప్రస్తుతం అయ్యప్ప మాలలో ఉన్నారు. బాలయ్య ఈవెంట్కు వచ్చిన మెగాస్టార్ ఆసక్తికరమైన వ్యాఖ్యలు చేసారు. తనకు బాలయ్యతో కలిసి నటించాలని ఉందని చెప్పుకొచ్చారు.
లైన్ కూడా చిరంజీవే ఇచ్చారు. ఇండస్ట్రీలో ఎవరైనా దర్శకులు, రచయితలు ఇంద్రసేనారెడ్డి, సమరసింహారెడ్డి కారెక్టర్స్ను తీసుకుని కథ రాస్తే బాగుంటుందని ఈ వేడుకలో అన్నారు మెగాస్టార్.
ఇంద్ర, సమరసింహారెడ్డి కారెక్టర్స్తో సీక్వెల్ చేస్తే నటించాలని ఉందని.. నీకు ఓకేనా బాలయ్య అంటూ పక్కనే ఉన్న NBKను కూడా అడిగారు చిరు. దానికి బాలయ్య కూడా సై అన్నారు.
బోయపాటితో పాటు అక్కడున్న చాలా మంది దర్శకులను పేరు పెట్టి మరీ సవాల్ విసిరారు చిరంజీవి. అన్నీ కుదిరి.. ఈ కాంబో సెట్ అయితే మాత్రం హైప్తోనే థియేటర్స్ తగలబడిపోతాయేమో..?