Movie Updates: భారతీయుడు తాట తీస్తాడే..! మట్కా అప్డేట్..
కమల్ హాసన్ భారతీయుడు 2 జులై 12న విడుదల కానుంది. అరవింద్ కృష్ణ హీరోగా నటిస్తున్న తాజా ప్రాజెక్ట్ ఏ మాస్టర్ పీస్‌. ఆంధ్రప్రదేశ్ రాష్ట్ర అసెంబ్లీ ఎన్నికల్లో హిందూపురం నియోజక వర్గం నుంచి వరసగా మూడోసారి ఎమ్మెల్యేగా పోటీ చేసి విజయం సాధించారు నందమూరి బాలకృష్ణ. వెంకటేష్ పూర్తిగా సేఫ్ గేమ్ ఆడుతున్నారు. బడ్జెట్ ఇష్యూస్ కారణంగా చాలా రోజులుగా ఆగిపోయిన వరుణ్ తేజ్ మట్కా సినిమా షూట్ మళ్లీ మొదలు కాబోతుంది.
కమల్ హాసన్ భారతీయుడు 2 జులై 12న విడుదల కానుంది. దాంతో ప్రమోషన్స్‌లో జోరు పెంచేసారు దర్శక నిర్మాతలు. ఈ క్రమంలోనే తాజాగా ఈ సినిమా నుంచి 'తాత వస్తాడే.. అదరగొట్టి పోతాడే..' అని సాగే లిరికల్ సాంగ్ విడుదల చేశారు. ఈ పాటలో సిద్దార్థ్, ప్రియా భవానీ శంకర్ డాన్సులు హైలైట్‌గా నిలిచాయి.
1 / 5
అరవింద్ కృష్ణ హీరోగా నటిస్తున్న తాజా ప్రాజెక్ట్ ఏ మాస్టర్ పీస్‌. సుకు పూర్వజ్‌ ఈ సినిమాకు దర్శకుడు. తెలుగు సూపర్ హీరోగా వస్తున్న ఈ సినిమా టీజర్ లాంఛ్ కార్యక్రమం జరిగింది. దీనికి చిత్రయూనిట్ అంతా హాజరయ్యారు. ఏ మాస్టర్ పీస్‌లో మనీష్‌ గిలాడా విలన్‌గా నటిస్తున్నారు. స్నేహా గుప్తా ఇందులో హీరోయిన్‌గా నటిస్తున్నారు.
2 / 5
ఆంధ్రప్రదేశ్ రాష్ట్ర అసెంబ్లీ ఎన్నికల్లో హిందూపురం నియోజక వర్గం నుంచి వరసగా మూడోసారి ఎమ్మెల్యేగా పోటీ చేసి విజయం సాధించారు నందమూరి బాలకృష్ణ. ఈ క్రమంలోనే ఆయనకు అభినందనల వెల్లువ కొనసాగుతుంది. తాజాగా టాలీవుడ్ యువ దర్శకులు అనిల్ రావిపూడి, గోపీచంద్ మలినేని, బాబీతో పాటు నిర్మాత నాగవంశీ బాలయ్యను కలిసి శుభాకాంక్షలు తెలిపారు.
3 / 5
వెంకటేష్ పూర్తిగా సేఫ్ గేమ్ ఆడుతున్నారు. సంక్రాంతికి వచ్చిన సైంధవ్ తర్వాత వెంకటేష్ నుంచి ఎలాంటి సౌండింగ్ లేదు. థియేటర్స్‌కు ఆడియన్స్ రాని ఈ నేపథ్యంలో తెలివైన నిర్ణయం తీసుకుంటున్నారు. ఇప్పటికే సెన్సేషన్ క్రియేట్ చేసిన రానా నాయుడు సీజన్ 2 షూట్ ముంబైలో జరుగుతుంది. ఇది సెట్స్‌పై ఉండగానే సీజన్ 3 కూడా ప్రకటించారు మేకర్స్. ఈ లెక్కన సంక్రాంతి కంటే ముందే రానా నాయుడు 2.. సంక్రాంతికి అనిల్ సినిమా.. సంక్రాంతి తర్వాత రానా నాయుడు 3తో ట్రీట్ ఇవ్వనున్నారు వెంకీ.
4 / 5
బడ్జెట్ ఇష్యూస్ కారణంగా చాలా రోజులుగా ఆగిపోయిన వరుణ్ తేజ్ మట్కా సినిమా షూట్ మళ్లీ మొదలు కాబోతుంది. తాజాగా ఈ చిత్ర షూటింగ్‌పై అప్డేట్ ఇచ్చారు మేకర్స్. జూన్ 19 నుంచి మట్కా కొత్త షెడ్యూల్ ప్రారంభం కానుంది. ప్రస్తుతం సినిమా కోసం RFCలో భారీ సెట్ వేస్తున్నారు. ఇందులో 4 డిఫరెంట్ గెటప్‌లలో కనిపించనున్నారు వరుణ్ తేజ్. దేశాన్ని కదిలించిన ఒక యదార్థ సంఘటన ఆధారంగా కథ మట్కా తెరకెక్కిస్తున్నారు దర్శకుడు కరుణ కుమార్.
