Sankranthi Films: సంక్రాంతి బరిలో సీనియర్ హీరోలు.. స్నేహితుల మధ్య యుద్ధం తప్పదా.?
ఇప్పుడు చాలా మంది ఈ ఏడాది మీద ఫోకస్‌ పెట్టడం మానేశారు. దసరాకు ఎవరూ లేరు.. దీపావళికి ఎవరూ లేరు.. రావాలనుకున్నవారు డిసెంబర్‌ మీద ఫోకస్‌ చేస్తున్నారు.. ఇయర్‌ ఎండ్‌ గేమ్‌ ఫిక్స్.. మరి న్యూ ఇయర్‌లో... సంక్రాంతికి ఎవరెవరు వస్తున్నారు అంటూ ఆరా తీయడం మొదలైంది. అందులో ఇప్పటికి ముగ్గురు సీనియర్ హీరోలు సీట్‌ కన్‌ఫర్మ్ చేసుకున్నారు.. వారెవరూ....
నందమూరి బాలకృష్ణ ఎప్పుడొస్తారు? లాస్ట్ ఇయర్‌ భగవంత్‌ కేసరితో బరిలోకి దిగారు. ఈ ఏడాది ఎన్నికల పుణ్యమా అని నందమూరి అందగాడి సినిమా షూటింగ్‌ పోస్ట్ పోన్‌ అయింది. రీసెంట్‌గా మళ్లీ షూటింగ్‌ మొదలుపెట్టి మేజర్ పార్ట్ కంప్లీట్‌ చేశారు. ఇంతకీ రిలీజ్‌ ఎప్పుడు?
అన్నీ అనుకున్నట్టే జరిగి ఉంటే దసరాకో, దీపావళికో విడుదల కావాల్సింది ఎన్‌బీకే 109. కానీ ఇప్పుడు పరిస్థితి మారింది కాబట్టి, డిసెంబర్‌ బరిలోకి వచ్చేస్తారని అంతా అనుకున్నారు.
కానీ చివరి నెలలో రష్‌ ఎక్కువగా ఉండటంతో, కలిసొచ్చే సంక్రాంతికే ఫిక్స్ అవుదామని అనుకుంటున్నారట నందమూరి నటసింహ బాలయ్య. ఆల్రెడీ అక్కడ ఇద్దరు సీనియర్ హీరోలు రెడీగా ఉన్నారు...
పొల్లాచ్చిలో బిజీగా ఉన్నారు విక్టరీ వెంకటేష్‌. అనిల్‌ రావిపూడి డైరక్షన్‌లో తెరకెక్కుతోంది ఈ సినిమా. సంక్రాంతికి రావడం పక్కా అని ఎప్పుడో ఫిక్స్ అయ్యారు అనిల్‌. సందడంటే ఎలా ఉంటుందో మేం చూపిస్తామని అంటోంది వెంకీ అండ్‌ టీమ్‌.
మెగాస్టార్‌ చిరంజీవి హీరోగా వశిష్ట డైరక్షన్‌లో తెరకెక్కుతున్న విశ్వంభర 2025 సంక్రాంతి బరిలో దూకనుంది. ఆల్రెడీ షూటింగ్‌ దాదాపు పూర్తయింది. విజువల్‌ ఎఫెక్ట్స్, డబ్బింగ్‌ పనులు కూడా స్టార్ట్ అయ్యాయి. సో.. ఈ సారి బాలయ్య, వెంకీ, అండ్‌ చిరు కలిసి సంక్రాంతికి సందడి చేయబోతున్నారన్నమాట.