డయాబెటిస్‌తో బాధపడేవారు ఆహారం విషయంలో అధిక జాగ్రత్తలు తీసుకోవాలి. లేదంటే రక్తంలో చక్కెర స్థాయిలు వేగంగా పెరిగిపోతాయి. అయితే చాలా మందికి డయాబెటిస్ రోగులు ఖర్జూరాలు తినొచ్చా? తినకూడదా? అనే సందేహం ఉంది.. నిపుణులు ఏం చెబుతున్నారంటే..
నేటి జీవనశైలి కారణంగా చాలా మంది డయాబెటిస్‌తో బాధపడుతున్నారు. చిన్న పిల్లల నుండి పెద్దల వరకు అన్ని వయసుల వారిని ఇది ప్రభావితం చేస్తుంది. ఈ సమస్యను పూర్తిగా నిర్మూలించగల వైద్యం లేనప్పటికీ, దానిని అదుపులో ఉంచుకోవడానికి అనేక మార్గాలు ఉన్నాయి. సకాలంలో గుర్తించి నియంత్రించాలి. లేదంటే ఇతర అవయవాలపై ప్రభావం చూపుతుంది.
1 / 5
కాబట్టి మధుమేహ వ్యాధిగ్రస్తులు తీసుకునే ఆహారం విషయంలో చాలా జాగ్రత్తలు తీసుకోవాలి. స్వీట్స్ ఎక్కువగా తీసుకోకూడదు. అయితే మధుమేహ వ్యాధిగ్రస్తులు ఖర్జూరం తినవచ్చా లేదా అనే సందేహం చాలా మందికి ఉంటుంది. ఖర్జూరంలో పోషకాలు పుష్కలంగా ఉంటాయి. చాలా మంది దీన్ని రోజూ తినడానికి ఇష్టపడతారు. ఖర్జూరంలో ఫైబర్, ఐరన్, కాల్షియం, మెగ్నీషియం, జింక్, విటమిన్లు ఎ, కె, బి-కాంప్లెక్స్ విటమిన్లు పుష్కలంగా ఉంటాయి. ఇందులో మెగ్నీషియం, పొటాషియం కూడా పుష్కలంగా ఉంటాయి. ఇవి రక్తపోటును నియంత్రించడంలో సహాయపడతాయి.
2 / 5
మధుమేహ వ్యాధిగ్రస్తులు రోజుకి 2 లేదా 3 ఖర్జూరాలు తింటే రక్తపోటు అదుపులో ఉంటుందని ఆరోగ్య నిపుణులు అంటున్నారు. ఖర్జూరంలోని ఫైబర్ కంటెంట్ కొలెస్ట్రాల్‌ని తగ్గించి గుండెను ఆరోగ్యంగా ఉంచుతుంది. ఖర్జూరాలు తియ్యగా ఉంటాయి. కానీ కొలెస్ట్రాల్ లేకపోయినప్పటికీ తక్కువ గ్లైసెమిక్ ఇండెక్స్ ఉంటుంది. అందుకే ఖర్జూరాలు రక్తంలో గ్లూకోజ్ స్థాయిలను పెంచవు. ఖర్జూరంలో గ్లైసెమిక్ ఇండెక్స్ 43 నుంచి 55 శాతం వరకు ఉంటుంది. అందువల్ల, రక్తంలో గ్లూకోజ్ స్థాయి త్వరగా పెరిగదు.
3 / 5
ఖర్జూరంలోని పీచు పదార్థం రక్తంలోని చక్కెరను నెమ్మదిగా గ్రహిస్తుంది. రక్తంలో చక్కెర స్థాయిలు పెరగకుండా చేస్తుంది. బరువు పెరిగే ప్రమాదం కూడా ఉండదు. ఖర్జూరంలో ఉండే క్యాల్షియంతో పాటు మినరల్ కంటెంట్ ఎక్కువగా ఉండటం వల్ల ఎముకలకు బలం చేకూరుతుంది.
4 / 5
ఇందులో విటమిన్ సి, ఎ, ఇ, ఇతర విటమిన్లు ఉంటాయి. ఇవి కళ్ళు, రక్తానికి మేలు చేస్తాయి. ఖర్జూరాలు శరీరంలోని ఇన్‌ఫ్లమేషన్‌ను తగ్గించడానికి, రోగనిరోధక శక్తిని పెంచడానికి కూడా సహాయపడతాయి. కాబట్టి దీన్ని ప్రతిరోజూ తినవచ్చని నిపుణులు చెబుతున్నారు. అయితే అతిగా తీసుకుంటే మాత్రం ప్రమాదం. ఇందులోని కార్బోహైడ్రేట్ల వల్ల దుష్ప్రభావాలు వచ్చే అవకాశం ఉంది. అందుకే మధుమేహ వ్యాధిగ్రస్తులు రోజుకు 2 ఖర్జూరాలు తీసుకుంటే మంచిది. వీటిని తీసుకునే ముందు వైద్యుల సలహా తీసుకోవడం మర్చిపోకూడదు.
