అరటికాయ, కొబ్బరి వేపుడు ఇలా వండితే.. తస్సాదియ్యా.. ఏ నాన్ వెజ్ కూరలు పనికిరావంతే
Raw banana coconut fry recipe in telugu: అరటికాయతో ఏ కూర చేసిన రుచిగా ఉంటాయి. వాటిలో పచ్చి అరటి కొబ్బరి వేపుడు అయితే చెప్పాల్సిన అవసరమే లేదు. అయితే, దీనిని సరైన కొలతలతో చేస్తే ఇంట్లో అందరికీ నచుతుంది. అయితే, ఇక ఎందుకు లేట్ ఈ అరటికాయ, కొబ్బరి వేపుడును ఎలా తయారు చేయాలో తెలుసుకుందాం..
కావాల్సిన పదార్దాలు: పచ్చి అరటికాయ, అర టేబుల్ స్పూన్ పసుపు, ఆవాలు, జీలకర్ర, కరివేపాకు, రుచికి సరిపడా ఉప్పు, రెండు టేబుల్ స్పూన్ కారం పొడి, ఒక టేబుల్ స్పూన్ ధనియాల పొడి, ఒక టేబుల్ స్పూన్ గరం మసాలా, కొత్తిమీరను తీసుకోవాలి.
ముందుగా పచ్చి అరటిని తీసుకుని దానిని కడిగి చిన్న ముక్కలుగా కట్ చేసి అర టేబుల్ స్పూన్ పసుపు, ఉప్పుతో 10 నిముషాలు ఉడికిస్తే కూర టేస్టీగా ఉంటుంది. ఆ తర్వాత పాన్ నూనె వేసి అది వేడి అయినా తర్వాత అర టేబుల్ స్పూన్ ఆవాలు, జీలకర్ర, కరివేపాకు వేసి ముందుగా ఉడికించిన అరటికాయ ముక్కలు వేసి బాగా వేయించాలి.
ఆ తర్వాత కొబ్బరి పొడిని వేసి ఒక చిన్న గరిటేతో మిక్స్ అయ్యేలా కలుపుకోవాలి. కొబ్బరి పొడి వలన వల్ల అరటికాయ వేపుడు రుచిగా ఉంటుంది. అంతే కాదండోయ్ సువాసన కూడా వస్తుంది.
ఆ తర్వాత రెండు లేదా ఒక టేబుల్ స్పూన్ కారం పొడి, అర టేబుల్ స్పూన్ ధనియాల పొడి, గరం మసాలా కూడా వేసి మిక్స్ అయ్యేలా కలపాలి. అరటికాయ ముక్కలకు మసాలాలు పట్టనిస్తే అద్భుతమైన రుచిని ఇస్తాయి.
చివర్లో కొత్తిమీర, ఒక టేబుల్ స్పూన్ నిమ్మరసం చల్లితే టేస్ట్ నెక్స్ట్ లెవెల్. ఇలా చేసి మీ ఇంట్లో వాళ్ళకి పెడితే, వాళ్ళు మళ్ళీ మళ్ళీ కావాలని అడుగుతారు. అంతేకాదు, ఈ మాంసం కూరలను కూడా తలదన్నేలా ఉంటుంది.