లిప్ లాక్‌లు నేటి సినిమాలలో సాధారణమే అంటోన్న యంగ్ బ్యూటీ.. బాలీవుడ్‌లో ఈ సంస్కృతి ముప్పై ఏళ్ల క్రితమే..

లిప్ లాక్‌లు నేటి సినిమాలలో సాధారణం అయిపోయాయని చెబుతోంది డర్టీహరి సినిమా హీరోయిన్ సిమ్రన్ కౌర్. బాలీవుడ్‌లో ఈ సంస్కృతి ముప్పై ఏళ్ల క్రితమే మొదలైందని అంటోంది ఈ అమ్మడు. తను నటించిన ఈ సినిమా ఈ నెల 18న ప్రైడే మూవీస్ ఏటీటీ యాప్ ద్వారా విడుదల కాబోతుంది. దీంతో సినిమా విశేషాలను మీడియాకు వెల్లడించింది సిమ్రన్.

ఈ సినిమాలో క్రిస్టియన్ అమ్మాయిగా, బోల్డ్‌గా తన క్యారెక్టర్ ఉంటుందని చెప్పింది. రెగ్యులర్‌ కమర్షియల్‌ సినిమాలతో పోలిస్తే ఈ సినిమా చాలా కొత్తగా ఉంటుందని పేర్కొంది. పరిచయం సినిమా తర్వాత నటనకు దూరమవ్వాలనుకున్నానని కానీ ఎం.ఎస్‌.రాజు ‘డర్టీహరి’ కథతో నన్ను సంప్రదించారని తెలిపింది. కానీ లిప్‌లాక్‌లు ఉన్నాయని చెప్పగానే చేయనని చెప్పానని, కానీ క్యారెక్టర్‌ను మాత్రమే దృష్టిలో పెట్టుకొని నటించు. నీకు మంచి పేరుతెచ్చిపెడుతుంది’ అని ఎం.ఎస్‌.రాజు సలహా ఇవ్వడంతో ఈ సినిమా చేశానని చెప్పుకొచ్చింది. ఈ సినిమాలో రెండు పేజీల డైలాగ్‌లు చెప్పే ఓ సన్నివేశం కోసం ఇరవై టేక్‌లు తీసుకున్నానని, ఆ సమయంలో తాను ఈ సినిమా చేయలేనేమోనని కన్నీళ్లు పెట్టుకున్నానని చెప్పింది. కానీ ఎం.ఎస్‌.రాజు మాత్రం ఇవన్నీ సహజమని చెప్పి నన్ను పోత్సహించారని తెలిపింది.