ప్రపంచంలో తరచుగా వింత సంఘటనలు జరుగుతాయి. చాలా సందర్భాలు అకస్మాత్తుగా తలెత్తుతాయి. వాటిని కళ్లారా చూస్తే తప్ప నమ్మడం కష్టం. అమెరికా నుంచి తాజాగా ఇలాంటి కేసు వెలుగుచూసింది. ఒక స్త్రీ తాను గర్భం దాల్చిన విషయం తెలియకుండానే బిడ్డకు జన్మనిచ్చింది. ఎగిరే విమానంలో, ఆమె అకస్మాత్తుగా ఒక బిడ్డకు జన్మనిచ్చింది. ఈ విషయం ప్రజలకు తెలియగానే వారంతా ఆశ్చర్యపోయారు. అయితే, ఆ స్త్రీ మాత్రం సంతోషంలో మునిగిపోయింది. రండి, మొత్తం విషయం ఏమిటో తెలుసుకుందాం.
నివేదిక ప్రకారం, సదరు విమానం సాల్ట్ లేక్ సిటీ నుంచి హోనోలులుకు వెళుతోంది. ఈ విమానంలో లెవినియా మోంగా అనే మహిళ కూడా ప్రయాణిస్తున్నది. తాను గర్భవతినని బిడ్డకు జన్మనిచ్చేవరకు తనకు తెలియదని లెవినియా పేర్కొంది. ఫ్లైట్ గాల్లోకి ఎగిరినప్పుడు, ఆమెకు నొప్పులు ప్రారంభమయ్యాయి. మరికాసేపటికే ఆమె శిశువుకు జన్మనిచ్చింది. లెవినియా 26-27 వారాల క్రితం గర్భం దాల్చి ఉండవచ్చని వైద్యులు చెబుతున్నారు. కొంతమంది ఈ మొత్తం విషయాన్ని కెమెరాలో బంధించారు. ఈ విషయాన్ని సోషల్ మీడియాలోని వివిధ ప్లాట్ఫామ్లలో తెగ షేర్ చేస్తున్నారు .