Viral News: “మూడేళ్లకే దున్నేస్తున్నాడు”.. నెట్టింట వైరల్‌గా మారిన బుడ్డోడి వీడియో

ఒక మెతుకు పుట్టించడానికి రైతు పడే కష్టం.. బిడ్డని పుట్టించడానికి తల్లిపడే పురిటినొప్పులకి ఏ మాత్రం తీసిపోదు.! మనషులందరూ భూమి మీద తిరుగుతారంతే.. అదే రైతు మాత్రం.. భూమిని భూజాలపై మోస్తూ తిరుగుతుంటాడు.! ఎవరెంత ఎత్తుకు ఎదిగినా.. నేల మీద ఆధారపడే ఉండాలి… నేల మాత్రం రైతు మీద ఆధరపడే ఉంటుంది.. రైతేప్పుడూ రాజే.! ఈ సిద్ధాంతం పంటను పండించే రైతుకు మాత్రమే.. తెలుసు.. అందుకే.. నమ్ముకున్న భూమి కోసం ఆహర్నిశలు పోరాడుతుంటాడు. ఇక తాజాగా ఓ బుడ్డొడు నాగలి పట్టి, దున్నిన తీరును చూస్తే.. అవుననక మానరు.

ఇప్పటి వరకు ఓ లెక్క.. ఇప్పటి నుంచి ఓ లెక్క అంటూ.. నాగలితో.. హై హై అంటూ దున్నాడు ఓ 3ఏళ్ల బుడ్డొడు. ఇందుకు సంబంధించిన వీడియో ఇప్పుడు సోషల్‌ మీడియాలో తెగ వైరల్‌ అవుతుంది. ఈ ఘటన ఎప్పుడు ఎక్కడ జరిగిందో తెలియనప్పటికీ.. ఈ వీడియోను చూసిన నెటిజన్స్‌ మాత్రం ముక్కున వేలువేసుకుంటున్నారు.

ఇక ఆ బుడ్డొడి ఒంటిపై.. నులుపోగు బట్టలు లేకున్నా.. డోంట్‌ కేర్‌ అంటూ తన పనిలో నిమగ్నమై పొలం దున్నాడు. బురదలో కాస్త దూరం నాగలి దున్నిన ఆ చిన్నోడు.. ఎద్దులతో పాటు నడవలేక.. కింద పడ్డాడు. అయినా పట్టువదలని విక్రమార్కుడిలా.. నాగలి వదలకుండా అలాగే పట్టుకుని.. తిరిగి మళ్లీ లేచి.. దున్నాడు. ఇక ఈ బుల్లి రైతు వీడియోను చూసిన నెటిజన్స్‌ తెగ మెచ్చుకుంటూ కామెంట్స్‌ చేస్తున్నారు. గతంలో కూడా అక్కడక్కడా కనిపించిన ఈ వీడియో.. తాజాగా ఇంటర్నెట్‌లో తెగ సర్కులేట్ అవుతుంది.

Also Read:

 కర్నూలు ప్రమాదంపై దిగ్భ్రాంతికర విషయాలు.. చిన్న పొరపాటుకు 14 మంది బలి..

9 నెలల గర్భంతో ఎన్నికల బరిలోకి.. ఓటు వేసిన అనంతరం బిడ్డకు జననం.. ఆపై విజయం..