దేవతా విగ్రహాన్ని విరగగొట్టాడని వృద్దునిపై యువకుల దాడి.. ఎక్కడంటే ?

మధ్యప్రదేశ్ లోని నీముచ్ జిల్లాలో ఓ వృద్దుడు దేవతా విగ్రహాన్ని విరగగొట్టాడన్న ఆరోపణపై అతడిమీద కొందరు యువకులు దాడి చేశారు. దుర్భాషలాడుతూ అతడి జుట్టు పట్టుకుని లాగి కింద పడవేసి ఇష్టమొచ్చినట్టు కొట్టారు. బాధతో ఆ వృద్దుడు కేకలు పెడుతున్నా

Youth Thrashing Eldely Man In Madhya Pradesh

Umakanth Rao | Edited By: Anil kumar poka|
Updated on: Jul 17, 2021 | 5:00 PM

మధ్యప్రదేశ్ లోని నీముచ్ జిల్లాలో ఓ వృద్దుడు దేవతా విగ్రహాన్ని విరగగొట్టాడన్న ఆరోపణపై అతడిమీద కొందరు యువకులు దాడి చేశారు. దుర్భాషలాడుతూ అతడి జుట్టు పట్టుకుని లాగి కింద పడవేసి ఇష్టమొచ్చినట్టు కొట్టారు. బాధతో ఆ వృద్దుడు కేకలు పెడుతున్నా పట్టించుకోకుండా నిర్దాక్షిణ్యంగా రాక్షసంగా ప్రవర్తించారు.. కమల్ దాస్ అనే ఈ వ్యక్తి మానసిక స్థితి సరిగా లేనివాడని..ఎన్నో ఏళ్లుగా దగ్గరలోని శ్మశాన వాటిక వద్ద నివసిస్తుంటాడని పోలీసులు తెలిపారు. మూల్ చంద్ మార్గ్ అనే చోట శుక్రవారం సాయంత్రం ఈ ఘటన జరిగింది. విగ్రహం పగులగొట్టాడన్న కసితో అతని చుట్టూ మూగిన ఈ యువకులు చేసిన దాడి వీడియోకెక్కింది. మెంటల్ గా అతని పరిస్థితి బాగు లేదని తెలిసినా.., అతని వయస్సును చూసి అయినా ఆ యువకులు ఏ మాత్రం జాలి లేకుండా ఎటాక్ కి పాల్పడ్డారు. ఇదంతా చోద్యంలా చూస్తున్న స్థానికుల్లో ఒక్కరైనా వారిని అడ్డుకునేందుకు ముందుకు రాలేదు. ఈ దాడిలో బాధితుని చెయ్యి విరిగినట్టు ఉందని ఓ వ్యక్తి తెలిపాడు.

ఈ వీడియో చూసిన పోలీసులు తమకు తాముగా దీనిపై కేసు పెట్టి ఆ యువకులపై చర్య తీసుకునేందుకు ఉపక్రమించారు. బాధితుడిని ఆసుపత్రికి తరలించారు. మూల్ చంద్ ప్రాంతంలో ఈ యువకుల ఆధిపత్యానికి అడ్డు అంటూ లేకుండా పోయిందని పోలీసులు అంటున్నారు. పరారీలో ఉన్న వీరిని అరెస్టు చేస్తామని అన్నారు. రాష్ట్రంలో ఈ విధమైన ఘటనలు పెరిగి[పోతున్నాయని, అమాయకులపై దాడులు, దౌర్జన్యాలు జరుగుతున్నా ప్రభుత్వం పట్టించుకోవడం లేదని విపక్షాలు ఆరోపిస్తున్నాయి.

Barbaric A mentally unstable old man Madanlal beaten, hair chopped in full public glare over suspicision of desecrating idol at temple in Neemuch @ndtv @ndtvindia @manishndtv @GargiRawat @DGP_MP @ChouhanShivraj @vinodkapri pic.twitter.com/J0PMgbgam7

— Anurag Dwary (@Anurag_Dwary) July 17, 2021