School Students: స్కూల్ బస్‌లో స్టూడెంట్స్ బీరు తాగి హల్ చల్.. వీడియో వైరల్.. చర్యలు తీసుకుంటామంటున్న అధికారులు

School Students: అబ్బాయిలతో అమ్మాయిలు చదువులోనూ. విద్య. ఉద్యోగాలు ఇలా  అన్ని రంగాల్లోనూ పోటీపడుతున్నారు. తమ ప్రతిభను చూపిస్తూ.. రాణిస్తున్నారు. అయితే కొంతమంది విద్యార్థినిలు తాము అబ్బాయిలకంటే ఏమి తక్కువ అనుకున్నారేమో.. స్కూల్ యూనిఫామ్ లో ఉండగానే అబ్బాయిలతో సమానంగా తాగారు. ప్రస్తుతం ఈ వీడియో తమిళనాడు(Tamilnadu) లో ఓ రేంజ్ లో వైరల్ అవుతుంది. ఈ వీడియోలో స్కూల్ విద్యార్థి(School students)ని , విద్యార్థులు కలిసి ఓ బస్సులో ప్రయాణిస్తున్నారు. వీరు తిరుక‌జుకుండ్రం నుంచి థాచూర్‌కు వెళ్తున్నారు. ఆ బస్సులో కలిసి మద్యం సేవించారు. అలా తాగిన స్టూడెంట్స్ లో ఒకరు ఈ వీడియోను సోషల్ మీడియాలో అప్ లోడ్ చేసినట్లు తెలుస్తోంది.

ఆ వీడియోలో విద్యార్థినీ, విద్యార్థులు కలిసి..ఓ బీర్ బాటిల్‌ను ఓపెన్ చేసి.. తాగుతున్నట్లు స్పష్టంగా కనిపించింది. వీరంతా చెంగ‌ల్‌ప‌ట్టులోని ఓ ప్ర‌భుత్వ పాఠ‌శాల‌కు చెందిన విద్యార్థినీ విద్యార్థుల‌ని తెలుస్తోంది. మొద‌ట్లో ఇది పాత వీడియో అని అంద‌రూ అనుకున్నారు. కానీ మంగ‌ళ‌వారం రోజే ఇది జ‌రిగింద‌ని ఆ త‌ర్వాత తెలిసింది. ఈ వీడియో చక్కర్లు కొడుతూ.. జిల్లా విద్యాధికారి వద్దకు చేరుకుంది. దీంతో ఆయన వెంటనే స్పందించారు. అధికారులు, పోలీసులు ఈ వీడియో పై ఎంక్వైరీ చేస్తున్నారని తెలిపారు. విచారణ పూర్తయ్యాక తగిన చర్యలు తీసుకుంటామన్నారు. అయితే ఈ స్టూడెంట్స్  చెంగల్‌పట్టులోని ప్రభుత్వ పాఠశాలకు చెందిన వారుగా భావిస్తున్నారు.

Also Read:

తెలంగాణ విద్యాశాఖ సంచలన నిర్ణయం! టెట్‌ అర్హత జీవితకాలం.. ఆ పోస్టులకు బీఈడీ అభ్యర్థులూ అర్హులే..