పార్లమెంటులో ‘ దిశ ‘ ప్రతిధ్వని.. రేపిస్టులకు ఉరే సరి అంటున్న పార్టీలు

పార్లమెంటులో ' దిశ  ' ప్రతిధ్వని.. రేపిస్టులకు ఉరే సరి అంటున్న పార్టీలు

తెలంగాణ డాక్టర్ దిశ రేప్, మర్డర్ ఉదంతం సోమవారం పార్లమెంటును కుదిపివేసింది. లోక్ సభ, రాజ్యసభ రెండింటిలోను పాలక, ప్రతిపక్ష పార్టీలు ఈ అంశంపై వాయిదా తీర్మానాలను సమర్పించాయి. దీనిపై వెంటనే చర్చ జరగాలని డిమాండ్ చేశాయి. దిశ హత్యాచార ఘటనపై రాజ్యసభలో స్వయంగా చైర్మన్, ఉపరాష్ట్రపతి వెంకయ్యనాయుడు కొద్దిసేపు ఉద్వేగంగా ప్రసంగిస్తూ.. ఈ దారుణ ఘోరానికి పాల్పడినవారికి కఠిన శిక్షలు విధించాలని, క్షమా భిక్ష పనికిరాదని అన్నారు. ఈ విధమైన నేరాలను అరికట్టడానికి ‘ బిల్లు […]

Anil kumar poka

| Edited By: Srinu Perla

Dec 02, 2019 | 4:39 PM

తెలంగాణ డాక్టర్ దిశ రేప్, మర్డర్ ఉదంతం సోమవారం పార్లమెంటును కుదిపివేసింది. లోక్ సభ, రాజ్యసభ రెండింటిలోను పాలక, ప్రతిపక్ష పార్టీలు ఈ అంశంపై వాయిదా తీర్మానాలను సమర్పించాయి. దీనిపై వెంటనే చర్చ జరగాలని డిమాండ్ చేశాయి. దిశ హత్యాచార ఘటనపై రాజ్యసభలో స్వయంగా చైర్మన్, ఉపరాష్ట్రపతి వెంకయ్యనాయుడు కొద్దిసేపు ఉద్వేగంగా ప్రసంగిస్తూ.. ఈ దారుణ ఘోరానికి పాల్పడినవారికి కఠిన శిక్షలు విధించాలని, క్షమా భిక్ష పనికిరాదని అన్నారు. ఈ విధమైన నేరాలను అరికట్టడానికి ‘ బిల్లు ‘ కాదు.. గట్టి రాజకీయ అభిమతం ఉండాలి అన్నారు. ఢిల్లీ, రాజస్థాన్, తమిళనాడు.. ఇలా ఏ రాష్ట్రంలో చూసినా.. మహిళలపై అత్యాచారాలు, ఘోరాలు పెరిగిపోతున్నాయని, వీటిని తక్షణమే అరికట్టాల్సిన అవసరం ఉందని పేర్కొన్నారు. అటు-తెలంగాణ డాక్టర్ పై హత్యాచారం తీవ్రంగా ఖండించదగినదని, మృగాళ్లను బహిరంగంగా ఉరి తీయాలని ఎంపీ జయబచ్చన్ డిమాండ్ చేశారు. ఇప్పటికే జరిగింది చాలు.. ఇకనైనా మేల్కొందాం.. రేపిస్టులపై ఏ మాత్రం జాలి పనికి రాదు.. అంతా ఒక్కటై ఆ కీచకులకు మరణ శిక్ష పడేలా చూద్దాం అని ఆమె అన్నారు. ఇక ఈ కేసు విషయంలో జాప్యం లేకుండా నిందితులకు కఠిన శిక్షలు విధించాలని టీడీపీ ఎంపీ కనకమేడల రవీంద్ర కుమార్ కోరారు. లోక్ సభలో ఈ అంశాన్ని లేవనెత్తిన కాంగ్రెస్ నేత గులాం నబీ ఆజాద్.. కేవలం చట్టాలతో ఈ విధమైన ఘటనలకు అడ్డుకట్ట వేయలేమని, అంతా కలిసికట్టుగా ఒక్క తాటిపైకి వస్తే దేశంలో ఇలాంటి మృగాళ్లకు చెక్ పెట్టవచ్ఛునని అన్నారు. ఈ అంశంపై చర్చకు అనుమతిస్తున్నట్టు స్పీకర్ ఓం బిర్లా పేర్కొన్నారు. దిశపై హత్యాచారం చేసిన నలుగురిని డిసెంబరు 31 లోగా ఉరి తీయాలని, మరణించేంత వరకు ఉరే సరి అని అన్నా డీఎంకే సభ్యుడు విజిల సత్యానంద్ ఆవేశంగా వ్యాఖ్యానించారు.

Follow us on

Related Stories

Most Read Stories

Click on your DTH Provider to Add TV9 Telugu