Rajasthan Cabinet: ఎట్టకేలకు కుదిరిన రాజస్థాన్‌ మంత్రివర్గ విస్తరణ ముహూర్తం.. కొత్త మంత్రులు వీరే..

Rajasthan Cabinet Reshuffle: ఎట్టకేలకు రాజస్థాన్‌ మంత్రివర్గ విస్తరణ చేపట్టారు ముఖ్యమంత్రి అశోక్ గెహ్లాట్. ఈ సంధర్బంగా కాంగ్రెస్ నేత సచిన్ పైలట్ మాట్లాడుతూ.. పలుమార్లు చర్చలు అధిష్టానం సంప్రదింపుల అనంతరం తుది జాబితాను ప్రకటించడం జరిగిందన్నారు. కొత్తగా నలుగురు దళిత ముఖాలకు చోటు కల్పించామన్నారు. మా ప్రభుత్వంలో దళిత వర్గాలకు చెందిన వారికి పెద్దఎత్తున పదవులు ఇచ్చామని.. మంత్రివర్గంలో మార్పు రావడంపై సంతోషం వ్యక్తం చేశారు సచిన్ పైలట్. కేబినెట్‌ విస్తరణలో ప్రియాంక గాంధీ ముద్ర కనిపిస్తోంది. ముగ్గురు మహిళలకు మంత్రి పదవులు దక్కాయి.. కాంగ్రెస్ ప్రధాన కార్యదర్శి ప్రియాంక గాంధీ ఆలోచనను ముందుకు తెచ్చామని, ఈ ఆలోచన ప్రకారం ముగ్గురు మహిళలకు మా మంత్రివర్గంలో స్థానం కల్పించామని సచిన్ పైలట్ తెలిపారు. మంత్రివర్గ విస్తరణపై కాంగ్రెస్ హైకమాండ్‌కు, రాజస్థాన్ ముఖ్యమంత్రికి పైలట్ కృతజ్ఞతలు తెలిపారు.

రాజస్థాన్ ముఖ్యమంత్రి అశోక్ గెహ్లాట్ కేబినెట్‌లో 15 మంది ఎమ్మెల్యేలు మంత్రులుగా ప్రమాణ స్వీకారం చేయనున్నారు. ఈ నేపథ్యంలో ఆదివారం నాడు మంత్రివర్గంలో పునర్వ్యవస్థీకరణ జరగనుంది. ఆదివారం సాయంత్రం 4 గంటలకు జరగనున్న ప్రమాణ స్వీకారోత్సవంలో 11 మంది ఎమ్మెల్యేలు కేబినెట్ మంత్రులుగా, నలుగురు రాష్ట్ర మంత్రులుగా ప్రమాణ స్వీకారం చేయనున్నారు. రాష్ట్రంలోని కాంగ్రెస్ ప్రభుత్వ పదవీకాలం వచ్చే నెలలో మూడేళ్లు పూర్తి చేసుకోనుంది. ఈ క్రమంలో ప్రాంతీయ, కులాలతో పాటు మాజీ డిప్యూటీని సమతుల్యం చేయడానికి పార్టీ హైకమాండ్ చేసిన ప్రయత్నంగా కాంగ్రెస్ నేతలు చెప్పుకొచ్చారు. అశోక్ గెహ్లాట్ ముఖ్యమంత్రిగా బాధ్యతలు చేపట్టాక మంత్రివర్గంలో ఇది మొదటి పునర్వ్యవస్థీకరణ.

ముఖ్యమంత్రి కార్యాలయం విడుదల చేసిన జాబితా ప్రకారం హేమరామ్ చౌదరి, మహేంద్రజిత్ మాల్వియా, రాంలాల్ జాట్, మహేశ్ జోషి, విశ్వేంద్ర సింగ్, రమేశ్ మీనా, మమతా భూపేష్, భజన్‌లాల్ జాతవ్, టికారమ్ జూలీ, గోవింద్ రామ్ మేఘ్వాల్, శకుంతలా రావత్‌లు ప్రమాణ స్వీకారం చేయనున్నారు. మంత్రులు. అదే సమయంలో ఎమ్మెల్యేలు జాహిదా ఖాన్, బ్రిజేంద్ర ఓలా, రాజేంద్ర గూడా, మురారీలాల్ మీనా రాష్ట్ర మంత్రులుగా ప్రమాణ స్వీకారం చేయనున్నారు. వీరిలో మమతా భూపేష్, భజన్‌లాల్ జాతవ్, టికారమ్ జూలీ ప్రస్తుతం రాష్ట్ర మంత్రులుగా ఉన్నారు. పదోన్నతి పొంది కేబినెట్ మంత్రిగా ప్రమాణ స్వీకారం చేయనున్నారు. ఈ జాబితాలో హేమారం చౌదరి, మురారీలాల్ మీనా, బ్రిజేంద్ర ఓలా సహా ఐదుగురు ఎమ్మెల్యేలు సచిన్ పైలట్ వర్గానికి చెందినవారు కావడం విశేషం. ఇది కాకుండా, గత ఏడాది ముఖ్యమంత్రి అశోక్ గెహ్లాట్ నాయకత్వానికి వ్యతిరేకంగా తిరుగుబాటు వైఖరిని తీసుకున్న సమయంలో పైలట్‌తో పాటు పదవి నుండి తొలగించబడిన విశ్వేంద్ర సింగ్, రమేష్ మీనాలను తిరిగి మంత్రివర్గంలోకి చేర్చుకుంటున్నారు.

ముఖ్యమంత్రి గెహ్లాట్ శనివారం రాత్రి రాజ్‌భవన్‌లో గవర్నర్ కల్‌రాజ్ మిశ్రాను కలుసుకుని తన కేబినెట్ మంత్రులు రఘు శర్మ, హరీష్ చౌదరి, రాష్ట్ర మంత్రి గోవింద్ సింగ్ దోటసార రాజీనామాలను అందజేయగా, ఆయన ఆమోదించారు. ఈ ముగ్గురు మంత్రులు ఇప్పటికే తమ రాజీనామాలను కాంగ్రెస్ అధ్యక్షురాలు సోనియా గాంధీకి పంపారు.

సీఎం గెహ్లాట్ కొత్త మంత్రులు వీరే…

A total of 15 Rajasthan leaders, including 11 cabinet ministers, to take oath as part of the state cabinet reshuffle pic.twitter.com/1crm8Rzfje

— ANI (@ANI) November 20, 2021

Read Also…. Tiger Tension: కిన్నెరసాని అభయారణ్యంలో అలజడి.. మ్యాన్ ఈటర్ రాకతో జనంలో భయం..!