PM-Kisan: సోమవారమే రైతుల ఖాతాల్లోకి ప్రధాన మంత్రి కిసాన్ నిధులు.. చెక్ చేసుకోవడం ఇలా..

దేశంలోని రైతన్నలకు కేంద్రప్రభుత్వం శుభవార్త చెప్పింది. ప్రధాన మంత్రి కిసాన్ సమ్మాన్ నిధి (PM-KISAN) కింద 9వ విడత నిధులు విడుదల చేయనున్నారు.

Pm Kisan

Updated on: Aug 08, 2021 | 7:46 PM

PM-Kisan: దేశంలోని రైతన్నలకు కేంద్రప్రభుత్వం శుభవార్త చెప్పింది. ప్రధాన మంత్రి కిసాన్ సమ్మాన్ నిధి (PM-KISAN) కింద 9వ విడత నిధులు విడుదల చేయనున్నారు. ప్రధాని కార్యాలయం నుంచి ట్విట్టర్ లో ఒక ట్వీట్ చేశారు. దీని ప్రకారం పీఎం కిసాన్ సమ్మాన్ నిధి ద్వారా తదుపరి విడత ఆర్ధిక ప్రయోనాన్ని ప్రధాన మంత్రి నరేంద్ర మోడీ రేపు అంటే సోమవారం ఆగస్ట్ 9న మధ్యాహ్నం 12:30 గంటలకు వీడియో కాన్ఫరెన్స్ ద్వారా విడుదల చేస్తారు. ఈ పథకం ద్వారా 9.75 కోట్లకు పైగా రైతు కుటుంబాలకు లబ్ది చేకూరుతుంది. వీరికి 19,500 కోట్లు ఈ కార్యక్రమం కింద విడుదల కానున్నాయి. ఇక రైతులకు సొమ్ములు విడుదల చేసే కార్యక్రమం అనంతరం ప్రధాని మోడీ రైతు లబ్ధిదరుఅల్థో సంభాశిస్తారు. అదేవిధంగా ఆయన దేశాప్రజాలను ఉద్దేశించి ప్రసంగించే అవకాశం ఉంది.

ప్రధాన మంత్రి కిసాన్ సమ్మాన్ నిధి (PM-KISAN) అంటే..

ప్రధాన మంత్రి కిసాన్ సమ్మాన్ నిధి (PM-KISAN) పథకం కింద, సంవత్సరానికి 6000/- రూపాయల ఆర్థిక ప్రయోజనం అర్హత కలిగిన లబ్ధిదారు రైతు కుటుంబాలకు అందిస్తారు. ఈ మొత్తాన్ని మూడు సమానమైన వాయిదాలలో అంటే నాలుగు నెలలకు ఓసారి 2000 రూపాయల చొప్పున రైతులకు అందిస్తారు. ఈ మొత్తం నేరుగా లబ్ధిదారుల బ్యాంకు ఖాతాలకు బదిలీ చేస్తారు. ఈ పథకంలో, ఇప్పటివరకూ 1.38 లక్షల కోట్లు రైతు కుటుంబాలకు బదిలీ చేయడం జరిగింది.

ప్రధానమంత్రి కార్యాలయం చేసిన ట్వీట్ ఇదే..

PM ⁦@narendramodi⁩ to release next instalment of PM-KISAN on 9th Aug. https://t.co/ocpHm21GeA

via NaMo App pic.twitter.com/kCLJ6NP9KS

— PMO India (@PMOIndia) August 8, 2021