PM Modi Mann Ki Baat: ప్రధాని మోదీ ‘మన్ కీ బాత్’ ప్రయాణం.. రాష్ట్రపతి ముర్ముకు 100 ఎపిసోడ్ల పుస్తకం అందజేత..
ప్రధానమంత్రి నరేంద్ర మోదీ ‘మన్ కీ బాత్’ రేడియో కార్యక్రమం ప్రజలకు ఎంతగానో దగ్గరైంది. దేశ ప్రజలతో మమేకం కావాలనే లక్ష్యంతో ప్రారంభించిన ఈ రేడియో కార్యక్రమం ద్వారా ప్రధాని మోదీ ప్రజలతో పలు విషయాలపై ప్రతినెలా చివరి ఆదివారం ప్రసంగిస్తారు. అంతర్జాతీయ విషయాలతోపాటు.. దేశంలోని మారుమూల ప్రాంతాల్లో జరిగే అంశాలు..
ప్రధానమంత్రి నరేంద్ర మోదీ ‘మన్ కీ బాత్’ రేడియో కార్యక్రమం ప్రజలకు ఎంతగానో దగ్గరైంది. దేశ ప్రజలతో మమేకం కావాలనే లక్ష్యంతో ప్రారంభించిన ఈ రేడియో కార్యక్రమం ద్వారా ప్రధాని మోదీ ప్రజలతో పలు విషయాలపై ప్రతినెలా చివరి ఆదివారం ప్రసంగిస్తారు. అంతర్జాతీయ విషయాలతోపాటు.. దేశంలోని మారుమూల ప్రాంతాల్లో జరిగే అంశాలు.. భారతీయులు సాధించిన విజయాలు సహా అనేక విషయాలను ప్రధాని మోదీ ప్రజలతో పంచుకుంటారు. మోదీ ప్రతిష్టాత్మకంగా నిర్వహించే ఈ ‘మన్ కీ బాత్’ రేడియో ప్రోగ్రామ్ పలు మైలురాళ్లను సైతం అందుకుంది. ఇటీవలనే ‘మన్ కీ బాత్’ 100 ఎపిసోడ్లు సైతం పూర్తయ్యాయి. దీనికి సంబంధించి వెస్ట్ల్యాండ్, బ్లూక్రాఫ్ట్ డిజిటల్ ఫౌండేషన్ సంకలనాన్ని ప్రచురించాయి.
ప్రధాని నరేంద్ర మోదీ రేడియో ప్రసారం ‘మన్ కీ బాత్’ పై వెస్ట్ల్యాండ్ ప్రచురించిన పుస్తకాన్ని రాష్ట్రపతి ద్రౌపది ముర్ము అందుకున్నారు. నవంబర్ 10న ‘ఇగ్నైటింగ్ కలెక్టివ్ గుడ్నెస్: మన్ కీ బాత్@100’ కాపీని బ్లూక్రాఫ్ట్ సీఈఓ అఖిలేష్ మిశ్రా రాష్ట్రపతి ముర్ముకు అందజేశారు. ఈ మేరకు రాష్ట్రపతి భవన్లో ప్రెసిడెంట్ ముర్ముతో అఖిలేష్ మిశ్రా సమావేశమయ్యారు.మన్ కీ బాత్ రేడియో షో యొక్క 100 ఎపిసోడ్లను పురస్కరించుకుని, ప్రధాని నరేంద్ర మోడీ జాతిని ఉద్దేశించి ప్రసంగించిన సందర్భంగా ఈ పుస్తకం రూపొందించారు. ఈ పుస్తకం రేడియో షో ప్రయాణానికి సంబంధించి అన్ని అంశాలతో రూపొందించారు.
రాష్ట్రపతి కార్యాలయం ట్వీట్..
President Droupadi Murmu received a copy of book ‘Igniting Collective Goodness: Mann ki Baat@100’ compiled by BlueKraft Digital foundation and published by Westland books. Shri Akhilesh Mishra, CEO of BlueKraft Digital Foundation led his team members to meet the President at… pic.twitter.com/Yf5YqVr4Fp
— President of India (@rashtrapatibhvn) November 10, 2023
‘ఇగ్నైటింగ్ కలెక్టివ్ గుడ్నెస్: మన్ కీ బాత్ @100’ విలువైన అంతర్దృష్టులను అందిస్తుంది. విస్తృతమైన రంగాలు, ప్రాంతాలను కవర్ చేసే సమగ్రమైన, అధ్యాయాల వారీ విశ్లేషణను అందిస్తుంది. మొదటి విభాగం తనకు.. దేశానికి మధ్య సమర్థవంతమైన రెండు-మార్గం కమ్యూనికేషన్ను ఏర్పాటు చేయడానికి ప్రధాని మోదీ అనుసరించిన ప్రత్యేక విధానాన్ని హైలైట్ చేస్తుంది. రెండవ విభాగం, సామాజిక మార్పు కోసం ప్రధాని మోదీ చేసిన విజ్ఞప్తి దేశ పౌరులకు ఎలా ప్రతిధ్వనిస్తుంది. మూడవ విభాగం భారతదేశం నాగరికత, గొప్పతనాన్ని, నాల్గవ చివరి విభాగం ప్రముఖ రేడియో కార్యక్రమాలకు సంబంధించిన గణాంక డేటాను ప్రదర్శిస్తుంది. అదనంగా, ఈ విభాగం ప్రేక్షకుల, ఎపిసోడ్ కంటెంట్ గుణాత్మక, పరిమాణాత్మక విశ్లేషణను కూడా అందిస్తుంది.
‘ఇగ్నైటింగ్ కలెక్టివ్ గుడ్నెస్: మన్ కీ బాత్ @100’ పుస్తకం ఇప్పుడు ఆన్లైన్లో కూడా అందుబాటులో ఉంది. దీనికి ప్రధాని మోదీ రాసిన ప్రత్యేక ముందుమాట ఉంది.
మరిన్ని జాతీయ వార్తల కోసం ఇక్కడ క్లిక్ చేయండి..