Mann Ki baat: ప్రధాని మోదీ ‘మాన్ కీ బాత్’ ఎంతమంది వింటున్నారో తెలుసా ?

ప్రతినెల చివరి ఆదివారం ప్రధాని మోదీ మన్‌కీ బాత్ పేరుతో నిర్వహించే ఓ ప్రత్యేక కార్యక్రమం గురించి అందరికీ తెలిసిందే. అందులో ఆయన దేశ పురోగతిపై, వివిధ ప్రాంతాలకు చెందిన వ్యక్తుల విజయాలపై.. అలాగే సామాజిక, సాంకేతిక, సైన్యం ఇలా అన్నిరంగాలకు సంబంధించిన విషయాలను తెలియజేస్తారు.

Pm Modi

Aravind B | Edited By: Ravi Kiran|
Updated on: Apr 29, 2023 | 1:25 PM

ప్రతినెల చివరి ఆదివారం ప్రధాని మోదీ మన్‌కీ బాత్ పేరుతో నిర్వహించే ఓ ప్రత్యేక కార్యక్రమం గురించి అందరికీ తెలిసిందే. అందులో ఆయన దేశ పురోగతిపై, వివిధ ప్రాంతాలకు చెందిన వ్యక్తుల విజయాలపై.. అలాగే సామాజిక, సాంకేతిక, సైన్యం ఇలా అన్నిరంగాలకు సంబంధించిన విషయాలను తెలియజేస్తారు. అయితే మరీ ఈ మన్‌కీ బాత్ కార్యక్రమాన్ని ఎంతమంది వింటున్నారో తెలుసా ?. ఈ విషయాన్నే రోహ్‌తక్‌లోని ‘ఇండియన్‌ ఇన్‌స్టిట్యూట్‌ ఆఫ్‌ మేనేజ్‌మెంట్‌’ (ఐఐఎం) తమ అధ్యయనంలో వెల్లడించింది. ప్రతి నెల చివరి ఆదివారం ఈ కార్యక్రమాన్ని దాదాపు 23 కోట్ల మంది వినేవారు ఉన్నారని.. వారిలో 65 శాతం మంది హిందీలో ఉంటున్నారని తెలిపింది. అలాగే 44.7% మంది దీనిని టీవీ ఛానళ్లలో వింటున్నారని పేర్కొంది.

వచ్చే ఆదివారంతో ఈ కార్యక్రమం 100 నెలలు పూర్తి చేసుకోనుంది. దాదాపు 100 కోట్ల మంది ప్రజలు ఒక్కసారైనా ఈ కార్యక్రమాన్ని విన్నారని, 41 కోట్ల మంది అప్పుడప్పుడు వింటున్నారని ఐఐఎం రోహ్‌తక్‌ డైరెక్టర్‌ ధీరజ్‌ పి.శర్మ తెలిపారు. 22 భారతీయ భాషలు, 29 మాండలికాలతో పాటు చైనీస్‌, అరబిక్‌, ఫ్రెంచ్‌ వంటి 11 విదేశీ భాషల్లోనూ ఈ కార్యక్రమం ప్రసారమవుతోందని ప్రసారభారతి సీఈవో గౌరవ్‌ ద్వివేది పేర్కొన్నారు. దాదాపు 10వేల మందిపై ఈ సర్వే నిర్వహించారు. ప్రభుత్వ పనితీరు, దేశ పురోగతిపై వీరిలో సుమరు 73% మంది ఆశాభావంతో ఉన్నారు. కేంద్ర ప్రభుత్వంపై విశ్వాసం పెరిగిందని 59% మంది తెలిపారు.

ఇవి కూడా చదవండి