టాలీవుడ్‌లో కొత్త ట్రెండ్.. అందరి చూపు అటువైపే..!

టాలీవుడ్‌లో ప్రస్తుతం సరికొత్త కథా ట్రెండ్ నడుస్తోంది. ఒకప్పుడు యాక్షన్, ఫ్యాక్షన్, కామెడీ, రొమాంటిక్ చిత్రాలకు ప్రాధాన్యత ఉండేది. ఇప్పుడు దర్శకులు, హీరోల చూపు సైన్స్ ఫిక్షన్, టైమ్ ట్రావెల్ కథల వైపు మళ్లింది. ప్రేక్షకుల అభిరుచికి తగ్గట్టుగా మేకర్స్ కొత్త కొత్త లోకాలను సృష్టించే ప్రయత్నం చేస్తున్నారు. శర్వా ఒకే ఒక జీవితం చిత్రంతో టైమ్ ట్రావెల్ విజయాన్ని అందుకున్నారు. తాజాగా శ్రీను వైట్లతో మరో సైన్స్ ఫిక్షన్ ఎంటర్‌టైనర్ చేస్తున్నారు. నాగ్ అశ్విన్ దర్శకత్వంలో రూపొందుతున్న కల్కి సైతం సైన్స్, టైమ్ ట్రావెల్, ఇతిహాసాల కలయికతో వస్తోంది. రాజమౌళి వారణాసి కూడా టైమ్ ట్రావెల్‌ను ప్రధానాంశంగా చేసుకుని రామాయణ కాలానికి తీసుకెళ్లే ఫాంటసీ డ్రామాగా తెరకెక్కుతోంది. అల్లు అర్జున్-అట్లీ కాంబినేషన్‌లో వస్తున్న రాకాలో సైతం సైన్స్ ఫిక్షన్ డ్రామా ఉంది. చిరంజీవి నటిస్తున్న విశ్వంభరలో 14 లోకాల నేపథ్యంలో సాగే ఫాంటసీ, టైమ్ ట్రావెల్ అంశాలున్నాయి. స్టార్ హీరోలతో పాటు సుమ కుమారుడు రోషన్ కనకాల కూడా సైన్స్ ఫిక్షన్ పాయింట్‌తో సినిమా చేస్తున్నారు. ఒకప్పుడు ఆదిత్య 369 మాత్రమే ఇలాంటి కాన్సెప్ట్‌తో రాగా, ఇప్పుడు దర్శకులు ప్రేక్షకులను కొత్త ప్రపంచాలకు తీసుకువెళ్లడానికి సిద్ధమవుతున్నారు. ఇది టాలీవుడ్‌లో విజయవంతమైన కొత్త ఫార్ములాగా మారింది.

మరిన్ని వీడియోల కోసం ఇక్కడ క్లిక్ చేయండి

Also Watch:

ఇంట్లో చోరీకి వచ్చి ఆ దొంగ చేసిన పనికి.. నవ్వకుండా ఉండలేరు!

రోడ్డు పై పులి ప్రత్యక్షం.. సెల్ఫీల కోసం ఎగబడిన జనం

హాస్టల్‌లో దెయ్యం..! భయంతో ఖాళీ చేసి వెళ్లిపోయిన విద్యార్ధినిలు

ప్రభుత్వ పాఠశాలల్లో ఇక ఇడ్లీ-సాంబార్‌..

అంగారకుడిపై నీళ్లే కాదు.. రత్నాలు కూడా.. బయటపడ్డ రహస్యం..