PM Modi Gifts: ప్రధాని మోదీ బహుమతుల ఈ-వేలం.. ఆక్షన్‌లో 1200 వస్తువులు..

ప్రధానమంత్రి నరేంద్రమోదీ 72వ పుట్టినరోజు సందర్భంగా కేంద్ర సాంస్కృతిక మంత్రిత్వ శాఖ ఆయనకు వచ్చిన ప్రతిష్టాత్మకమైన, చిరస్మరణీయమైన బహుమతుల నాలుగో ఎడిషన్ ఈ-వేలాన్ని ప్రారంభించింది. 16 రోజుల పాటు కొనసాగనున్న ఈ-వేలం అక్టోబర్ 2న ముగుస్తుంది.

బహుమతుల ప్రదర్శనను ఢిల్లీలోని నేషనల్ గ్యాలరీ ఆఫ్ మోడరన్ ఆర్ట్ (NGMA)లో నిర్వహిస్తుండగా.. వాటిని అందరూ ఉచితంగా చూడవచ్చునని ప్రభుత్వం తెలిపింది. ఇక ఈ-వేలం ద్వారా సేకరించిన నిధులను గంగను పరిరక్షించడానికి, పునరుజ్జీవింపజేయడానికి దోహదం చేస్తున్న ‘నమామి గంగే’ ప్రాజెక్ట్‌కు వినియోగించనున్నారు.

సుమారు 1200 మెమెంటోలు, బహుమతి వస్తువులను ఈ వేలంలో ఉంచారు. అయోధ్య రామమందిరం, వారణాసిలోని కాశీ-విశ్వనాధ దేవాలయ నమూనాలు, ఆసక్తిని కలిగించే ఇతర బహుమతులు ఈ నాలుగో ఎడిషన్ ఈ-వేలంలో ఉన్నాయి. కాగా, మొదటి ఈ-వేలం 2019లో నిర్వహించగా.. అప్పుడు సుమారు 1,805 బహుమతులను బిడ్డింగ్‌లో ఉంచారు. అటు రెండో ఎడిషన్‌లో 2,772 బహుమతి వస్తువులను వేలంలో ఉంచారు. సెప్టెంబర్ 2021లో జరిగిన మూడవ ఎడిషన్ వేలంలో 1,348 వస్తువులు ఉంచిన విషయం తెలిసిందే.

Attended the curtain-raiser of the #PMMementosAuction2022 in New Delhi.

Visited the @ngma_delhi to review PM Mementos Auction Gallery, which houses the gifts & mementos that PM Sh. @narendramodi received and are being auctioned off for a noble cause. pic.twitter.com/RNwdorI1qE

— G Kishan Reddy (@kishanreddybjp) September 16, 2022