ఐకియాలో షాపింగ్ చేస్తుండగా కుప్పకూలిన వ్యక్తి.. అక్కడే ఉన్న డాక్టర్ ఏం చేశాడో చూడండి..
వీడియోలో ఆ వ్యక్తి నేలపై అపస్మారక స్థితిలో పడి ఉండటం మనం చూడొచ్చు. వీడియో షేర్ చేసినప్పటి నుండి రెండు లక్షలకు పైగా వీక్షణలు, తొమ్మిది వేల మంది లైక్‌లు వచ్చాయి.
ప్రముఖ షాపింగ్ మాల్‌ ఐకియాలో షాపింగ్ చేస్తుండగా ఓ వ్యక్తి అకస్మత్తుగా కుప్పకూలిపోయాడు. అది గమనించిన అక్కడే ఉన్న ఓ డాక్టర్ చాకచక్యంగా వ్యవహిరించి అతడికి ప్రాణం పోశాడు. ఉన్నట్టుండి అడ్డం పడిపోయిన వ్యక్తికి ఆ డాక్టర్ వెంటనే CPR చేసాడు. సుమారు 10 నిమిషాల పాటు సాగిన హైటెన్షన్‌ అనంతరం ఆ వ్యక్తి తిరిగి స్పృహలోకి వచ్చాడు. దాంతో అక్కడున్నవాంతా హమ్మయ్యా అనుకుని ఊపిరిపీల్చుకున్నారు. ఈ సంఘటన బెంగళూరులోని IKEA స్టోర్‌లో చోటు చేసుకుంది. ఈ ఘటనకు సంబంధించిన వీడియోను డాక్టర్ కొడుకు ట్విట్టర్‌లో పోస్ట్ చేశాడు. పూర్తి వివరాల్లోకి వెళితే..
బెంగళూరులోని ఐకియా స్టోర్‌లో షాపింగ్ చేస్తున్న వ్యక్తి హఠాత్తుగా గుండెపోటుతో కుప్పకూలిపోయాడు. దాంతో అక్కడే ఉన్న ఓ వైద్యుడు గమనించి రక్షించాడు. అతను సకాలంలో కార్డియోపల్మోనరీ రెససిటేషన్ లేదా CPR చేయడం ద్వారా అతడు తిరిగి కోలుకోగలిగాడు. వైరల్‌ అవుతున్న వీడియోపై నెటిజన్లు ప్రశంసలు కురిపిస్తున్నారు.వీడియోలో ఆ వ్యక్తి నేలపై అపస్మారక స్థితిలో పడి ఉండటం మనం చూడొచ్చు. డాక్టర్ అతనికి CPR చేస్తున్న దృశ్యం కూడా రికార్డ్‌ చేశారు. డాక్టర్‌కు తోడుగా ఇద్దరు IKEA ఉద్యోగులు కూడా సహాయం చేయడం వీడియోలో కనిపించింది.
My dad saved a life. We happen to be at IKEA Bangalore where someone had an attack and had no pulse. Dad worked on him for more than 10 mins and revived him. Lucky guy that a trained orthopedic surgeon was shopping in the next lane. Doctors are a blessing. Respect !!! pic.twitter.com/QXpXTMBOya
— Rohit Dak (@rohitdak) December 29, 2022
డాక్టర్ కుమారు షేర్ చేసిన ఈ వీడియోకి మా నాన్న ఒక ప్రాణాన్ని కాపాడారు. IKEA బెంగళూరులో ఉండగా ఈ ఘటన చోటు చేసుకున్నట్టుగా అతడు క్యాప్షన్‌ రాసుకొచ్చాడు. వీడియో షేర్ చేసినప్పటి నుండి రెండు లక్షలకు పైగా వీక్షణలు, తొమ్మిది వేల మంది లైక్‌లు వచ్చాయి. రోగి పట్ల డాక్టర్ చేస్తున్న కృషి, అంకితభావాన్ని పలువురు కొనియాడారు.
మరిన్ని ట్రెండింగ్ న్యూస్ కోసం ఇక్కడ క్లిక్ చేయండి