గుడ్డుపై మోజుతో.. భర్తను వదిలేసి.. యూపీలో వింత ఘటన..!!

పచ్చని కాపురాలను నిలబెట్టుకోవడంలో విఫలమవుతున్నారు నేటి దంపతులు. చిన్న చిన్న కారణాలను బూచిగా చూపుతూ.. భార్యాభర్తలు విడిపోతున్న ఘటనలు లెక్కలేనన్ని ఉన్నాయి. అయితే యూపీలో జరిగిన ఓ ఘటనను చూస్తే.. నివ్వెరపోవాల్సిందే. ఎందుకంటే తన భర్తను వదిలించుకుని.. ప్రియుడితో జంప్ అవ్వాలనుకుందో..లేక ఇంకేమైనానో కానీ.. చిన్న విషయంలో తన భర్తతో తగువులాడి.. ప్రియుడితో జంప్ అయ్యింది.

యూపీలోని గోరఖ్‌పూర్‌ జిల్లాలో శనివారం జరిగిన ఓ ఘటన అందర్నీ ఆశ్చర్యానికి గురిచేస్తోంది. తినడానికి కోడిగుడ్లు తేవటంలేదన్న కోపంతో ఓ భార్య, భర్తను విడిచి ప్రియుడితో పారిపోయింది. జిల్లాలోని కంపేర్‌గంజ్‌లో ఈ ఘటన చోటుచేసుకుంది. గ్రామంలోని ఓ మహిళ.. తనకు ప్రతిరోజూ తినడానికి గుడ్లు తేవాలంటూ భర్తతో గొడవపడేది. అయితే తను చేసే పనికి నిత్యం కోడిగుడ్లు తేవడం కుదరదని తేల్చిచెప్పేవాడు. అయితే ఈ విషయంలో శనివారం తీవ్రస్థాయిలో భర్తతో గొడవ పడి.. తన ప్రియుడితో పారిపోయింది.

ఇదే విషయమై భర్త మీడియాతో మాట్లాడుతూ.. తాను ఓ దినసరి కూలినని.. నా ఆదాయంతో ప్రతి రోజూ కుటుంబానికి గుడ్లు తెచ్చిపెట్టే పరిస్థితి లేదంటూ వాపోయాడు. ఈ బలహీనతను అలుసుగా తీసుకుని నా భార్య.. రోజూ గుడ్లు కావాలని గొడవపెట్టుకునేదని.. ఈ నేపథ్యంలోనే ఆమె ప్రియుడితో పారిపోయిందని తెలిపాడు.