dangerous stunt: యమునా నదిలో యువ‌కుడి ప్రమాదకర బైక్ స్టంట్.. షాకింగ్‌ వీడియో వైరల్
ఖరీదైన బైక్, కార్ ఉంటే చాలు పట్టణాల్లో యువత రెచ్చిపోతారు. శివారు ప్రాంతాలను అడ్డాగా చేసుకుని బైక్ రేసింగ్‌లు, ప్రమాదకర విన్యాసాలతో జనాల్ని హడలెత్తిస్తుంటారు. తాజాగా ఓ యువకుడు బైక్‌పై అతి వేగంగా డ్రైవ్ చేస్తూ కాలువలోకి దూసుకెళ్లాడు. నదిలో బైక్ మునిగిపోయింది.
Updated on: Jul 02, 2022 | 6:31 PM
ఖరీదైన బైక్, కార్ ఉంటే చాలు పట్టణాల్లో యువత రెచ్చిపోతారు. శివారు ప్రాంతాలను అడ్డాగా చేసుకుని బైక్ రేసింగ్‌లు, ప్రమాదకర విన్యాసాలతో జనాల్ని హడలెత్తిస్తుంటారు. హైవేలపై మితిమీరిన వేగంతో నువ్వా నేనా అన్న చందంగా వాహనాలను నడిపిస్తుంటారు. ఈ విధంగా రేసులంటూ మితిమీరిన వేగంతో వాహనాలను నడిపిన ఎంతో మంది ప్రమాదాలకు గురై బతుకు జీవుడా అంటూ బయటపడితే, ఇంకొంత మంది తమ ప్రాణాలనే పోగొట్టుకుంటున్నారు. తాజాగా ఓ యువకుడు ఢిల్లీ పార‌ల‌ల్ కెనాల్‌లో బైక్ స్టంట్ వేశాడు.
హ‌ర్యానాలోని పానిప‌ట్‌కు చెందిన ఓ యువకుడు ఢిల్లీ పార‌ల‌ల్ కెనాల్‌లో ప్రమాదకర బైక్ స్టంట్ చేసిన వీడియో నెట్టింట వైర‌ల్‌గా మారింది. యువకుడు బైక్‌పై అతి వేగంగా డ్రైవ్ చేస్తూ కాలువలోకి దూసుకెళ్లాడు. నదిలో బైక్ మునిగిపోగానే అతడు ఈదుకుంటూ బయటకు వచ్చాడు. అక్కడే ఉన్న కొందరు యువత అతడిని ఎంకరేజ్ చేస్తున్నట్టుగా చప్పట్లు ఈలలు వేశారు. 34 సెకన్ల గల ఈ వీడియో సోషల్ మీడియాలో వైరల్ గా మారింది.
ఈ సంఘటనపై పోలీసులు వివిధ సెక్షన్ల కింద కేసు నమోదు చేసి దర్యాప్తు చేస్తున్నారు. 1973లోని 144 సెక్షన్ ప్రకారం యమునా నదిలో బట్టలు ఉతకడం, స్నానం చేయడంలాంటివి నిషేధం విధించింది. అయినా, ఈ ఆదేశాల‌ను యువ‌కులు పాటించ‌డం లేదు.
మరిన్ని జాతీయ వార్తల కోసం ఇక్కడ క్లిక్ చేయండి
