Hallmark jewellery: పసిడి ప్రియులకు ముఖ్య గమనిక..త్వరలో గోల్డ్‌ హాల్మార్కింగ్ నియమాల్లో మార్పులు.. ప్రభుత్వ రూల్స్‌ ఇలా..
తొలి దశలో 256 జిల్లాల్లో హాల్మార్కింగ్ తప్పనిసరి చేశారు. రెండో దశలో మరో 32 నగరాలను జాబితాలో చేర్చారు. మొత్తం జిల్లాల సంఖ్య 288 అవుతుంది
బంగారు ఆభరణాల కొనుగోలు నిబంధనలలో కేంద్ర ప్రభుత్వం గణనీయమైన మార్పులు చేసింది. హాల్‌మార్క్ యూనిక్ ఐడెంటిఫికేషన్ తప్పనిసరి. ఏప్రిల్ 1, 2023 నుండి, ఆరు అంకెల ఆల్ఫాన్యూమరిక్ హాల్మార్కింగ్ ఉన్న బంగారు ఆభరణాలను మాత్రమే విక్రయించడానికి అనుమతించబడుతుంది. ఈ మేరకు వినియోగదారుల వ్యవహారాల మంత్రిత్వ శాఖ నోటిఫికేషన్‌ విడుదల చేసింది. మార్చి 31 తర్వాత, హాల్‌మార్క్ యూనిక్ ఐడెంటిఫికేషన్ లేని బంగారు ఆభరణాలను విక్రయించడానికి అనుమతించబోమని వినియోగదారుల వ్యవహారాల మంత్రిత్వ శాఖ ప్రకటించింది. కేంద్ర మంత్రి పీయూష్ గోయల్ అధ్యక్షతన జరిగిన బ్యూరో ఆఫ్ ఇండియన్ స్టాండర్డ్స్ సమీక్ష సమావేశం అనంతరం ఈ నిర్ణయం తీసుకున్నారు.
HU ID అంటే ఏమిటి?
హాల్‌మార్క్ ప్రత్యేక గుర్తింపు లేదా HUID అనేది ఆల్ఫా-న్యూమరిక్ కోడ్. వినియోగదారుల వ్యవహారాల మంత్రిత్వ శాఖ ప్రకారం, వినియోగదారులు తాము కొనుగోలు చేస్తున్న బంగారం యొక్క ప్రామాణికత, స్వచ్ఛతను గుర్తించగలుగుతారు. అన్ని నగలు ఈ నంబర్‌ను కలిగి ఉండాలి.
ఈ నంబర్‌తో దీనికి సంబంధించిన అన్ని వివరాలను పొందవచ్చు. ప్రస్తుతం దేశంలో 1338 హాల్మార్కింగ్ సెంటర్లు ఉన్నాయి. HUIDని ఉపయోగించడం ద్వారా, నగల వ్యాపారులు కస్టమర్‌లను మోసం చేయలేరు. తొలి దశలో 256 జిల్లాల్లో హాల్మార్కింగ్ తప్పనిసరి చేశారు. రెండో దశలో మరో 32 నగరాలను జాబితాలో చేర్చారు. మొత్తం జిల్లాల సంఖ్య 288 అవుతుంది.
మరిన్ని జాతీయ వార్తల కోసం..