Viral Video: నువ్వేం మనిషివిరా.. అంబులెన్స్కు దారి ఇవ్వకుండా ఏం చేశాడో చూడండి..
రోడ్డుపై వెళ్తున్నప్పుడు సడెన్గా అంబులెన్స్ వస్తే ఎవరైన దారి ఇస్తారు. వీఐపీల నుంచి సామాన్యుల వరకు దీన్ని తప్పక ఫాలో అవుతారు. కానీ ఓ వ్యక్తి మాత్రం అంబులెన్స్ దారి ఇవ్వకుండా పిచ్చి చేష్ఠలకు పాల్పడ్డాడు. ఎంత హారన్ కొట్టినా దారి ఇవ్వలేదు. దీనికి సంబంధించిన వీడియో సోషల్ మీడియాలో వైరల్గా మారింది.
జమ్మూలో ఒక షాకింగ్ ఇన్సిడెంట్ జరిగింది.. ఒక వ్యక్తి చేసిన పనికి నెటిజన్లు ఫైర్ అవుతున్నారు. ఎందుకంటే అత్యవసరంగా రోగిని తీసుకెళ్తున్న అంబులెన్స్కు దారి ఇవ్వకుండా ఒక కారు డ్రైవర్ మొండిగా అడ్డుకున్నాడు. ఈ వీడియో ఇప్పుడు సోషల్ మీడియాలో వైరల్ అవుతోంది. జమ్మూలోని నాగ్రోటా ప్రాంతంలో ఓ కారు అంబులెన్స్కు అడ్డుపడింది. ఆ అంబులెన్స్ రోగిని కత్రాలోని ఆసుపత్రికి తీసుకెళ్తుంది. అయితే అంబులెన్స్ డ్రైవర్ ఎంత హారన్ కొట్టినా, ఆ కారు పదేపదే దారి ఇవ్వకుండా అడ్డుకుంది. దీనిని అంబులెన్స్లోని వ్యక్తి రికార్డ్ చేసి సోషల్పె మీడియాలో పెట్టడంతో వైరల్గా మారింది.
వీడియో వైరల్ అయిన కొద్దిసేపటికే జమ్మూ పోలీసులు రంగంలోకి దిగారు. ఈ ఘటనను సీరియస్గా తీసుకుని నాగ్రోటా పోలీస్ స్టేషన్లో కేసు నమోదు చేశారు. ఆ వాహనాన్ని సీజ్ చేసి.. నిర్లక్ష్యంగా వ్యవహరించిన కారు డ్రైవర్ను వెంటనే అరెస్ట్ చేశారు. అత్యవసర సేవలకు అడ్డుపడటం చట్టప్రకారం పెద్ద నేరం. అందుకే పోలీసులు ఆ డ్రైవర్కు తగిన శిక్ష పడేలా చర్యలు తీసుకుంటున్నారు. నెటిజన్లు మాత్రం అంబులెన్స్కు దారి ఇవ్వడం మనందరి బాధ్యత అని గుర్తు చేస్తున్నారు.