Fire Accident: కోవిడ్ ఆసుపత్రిలో భారీ అగ్ని ప్రమాదం.. 13 మంది రోగుల సజీవ దహనం..

Fire Accident

Fire Accident in COVID-19 hospital: మహారాష్ట్రలోని ఆసుపత్రుల్లో వరుస ప్రమాదాలు ఆందోళనకు గురిచేస్తున్నాయి. రెండురోజుల క్రితం ఆసుపత్రిలో ఆక్సిజన్ లీక్ కావడంతో దాదాపు 20 మందికి పైగా మరణించారు. ఈసంఘటన మరిచిపోకముందే.. మరో కోవిడ్‌ ఆస్పత్రిలో భారీ అగ్నిప్రమాదం సంభవించింది. ఈ అగ్ని ప్రమాదంలో 13 మంది కరోనా బాధితులు సజీవదహనమయ్యారు. ఇంకా మరణాల సంఖ్య పెరిగే అవకాశముంది. చాలామంది గాయాలపాలయ్యారు ఈ సంఘటన పాల్ఘర్‌ జిల్లా వసాయ్‌ వీరార్ పరిధిలోని విజయ్‌ వల్లభ కోవిడ్ కేర్ ఆసుపత్రిలో సంభవించింది.

షార్ట్ సర్క్యూట్‌తో ఆసుపత్రిలోని ఐసీయూ వార్డులో మంటలు చెలరేగాయి. దీంతో ఐసీయూలో చికిత్స పొందుతున్న 13 మంది రోగులు మరణించారు. ఇంకా చాలామంది బాధితులను ఇతర ఆసుపత్రులకు తరలించారు. అధికారులు, పోలీసులు చేరుకొని రెస్క్యూ నిర్వహిస్తున్నారు. ఈ ఘటనకు సంబంధించి మరిన్ని వివరాలు తెలియాల్సి ఉంది.

Also Read:

• Medical Oxygen: ప్రాణ వాయువు కోసం పరితపిస్తున్న కరోనా బాధితులు.. ఆక్సిజన్ కోసం విశాఖ కేజీహెచ్ అధికారులు వినూత్న ప్రయోగం

• Gold Price Today: పెరుగుతున్న బంగారం ధరలు.. ప్రధాన నగరాల్లో రేట్లు ఎలా ఉన్నాయంటే..?