పర్ఫెక్ట్ ఉప్మా సీక్రెట్: ఉప్మా జిగటగా కాకుండా, హోటల్ స్టైల్‌లో సాఫ్ట్‌గా రావాలంటే ఈ చిట్కాలు పాటించండి!

ఉప్మా భారతదేశంలో అత్యంత ప్రజాదరణ పొందిన బ్రేక్‌ఫాస్ట్ రెసిపీలలో ఒకటి. ఇది చేయడం చాలా తేలికైనప్పటికీ, చాలామందికి ఉప్మా ముద్దగా మారిపోవడం లేదా జిగటగా అవ్వడం వంటి సమస్యలు ఎదురవుతుంటాయి. పర్ఫెక్ట్ టెక్స్చర్‌తో, పొడిపొడిగా ఉండే ఉప్మాను తయారు చేయడానికి రవ్వను ఎలా వేయించాలి, నీరు, రవ్వ నిష్పత్తి ఎంత ఉండాలి, ఏ సమయంలో నెయ్యి లేదా నూనెను వేయాలో వంటి కొన్ని ముఖ్యమైన వంట చిట్కాలు (Cooking Tips) చాలా అవసరం. కొన్ని సులభమైన టిప్స్ పాటిస్తే, మీ ఇంట్లో కూడా ప్రతిరోజూ సాఫ్ట్ అండ్ ఫ్లఫ్ఫీ ఉప్మాను చాలా ఈజీగా తయారు చేసుకోవచ్చు. అదేలాగో ఇప్పుడు చూద్దాం..

రవ్వను సరిగ్గా వేయించడం (Roasting is Key):

ఉప్మా ముద్దగా కాకుండా పొడిపొడిగా రావడానికి అత్యంత ముఖ్యమైన మొదటి అడుగు రవ్వను బాగా వేయించడం. ప్యాకెట్ పైన రోస్టెడ్ రవ్వ అని రాసి ఉన్నప్పటికీ, వండే ముందు ఒక చెంచా నెయ్యి లేదా నూనె వేసి తక్కువ మంటపై రవ్వను సువాసన వచ్చే వరకు 4 నుండి 5 నిమిషాలు వేయించాలి. ఇలా చేయడం వల్ల రవ్వలోని తేమ పోయి, ఉప్మా సాఫ్ట్‌గా వస్తుంది.

నీరు, రవ్వ నిష్పత్తి (Water Ratio):

ఉప్మా పర్ఫెక్ట్ కాన్‌సిస్టెన్సీలో రావడానికి నీటి కొలత చాలా ముఖ్యం. సాధారణంగా ఒక కప్పు ఉప్మా రవ్వకు (ఉప్మా మరీ గట్టిగా కాకుండా, సాఫ్ట్‌గా రావాలంటే) 2.5 కప్పుల నుండి 3 కప్పుల నీటిని ఉపయోగించాలి. నీరు తక్కువైతే ఉప్మా గట్టిగా పగుళ్లు వస్తుంది, ఎక్కువైతే ముద్దగా మారిపోతుంది.

ఇవి కూడా చదవండి

పచ్చ ద్రాక్ష,నల్ల ద్రాక్షల్లో ఏది ఆరోగ్యానికి ఎక్కువ మేలు చేసేది?

మీ ఇంట్లోని శంఖు పుష్పం మొక్క పూలు పూయడం లేదా?ఈ ట్రిక్‌తో పూల వరద

కొత్తగా ఉద్యోగం వచ్చి మంచి జీతం అందుకుంటున్నారా?మనీ మేనేజ్‌మెంట్

భార్య బర్త్‌డే వేడుకల కోసం ఫ్లైఓవర్ బ్లాక్.. రెడ్ కార్పెట్ హంగామా

మరుగుతున్న నీటిలో రవ్వను వేసే పద్ధతి:

పోపు వేసి, నీరు బాగా మరిగిన తర్వాత మంటను పూర్తిగా తగ్గించాలి. ఒక చేత్తో రవ్వను కొద్దికొద్దిగా నీటిలో వేస్తూ, మరో చేత్తో గరిటెతో నిరంతరం కలుపుతూ ఉండాలి. ఇలా చేయడం వల్ల రవ్వ ఎక్కడా గడ్డలు (Lumps) కట్టకుండా నీటిలో సమానంగా కలిసిపోతుంది. రవ్వ వేసిన వెంటనే మూత పెట్టి తక్కువ మంటపై ఉడికించాలి.

నెయ్యి లేదా నూనె ముగింపు:

ఉప్మా పూర్తిగా ఉడికిన తర్వాత దించే ముందు పైనుంచి ఒక చెంచా నెయ్యి లేదా కొబ్బరి నూనె వేసి కలపాలి. ఇది ఉప్మాకు మంచి రుచిని ఇవ్వడమే కాకుండా, రవ్వ ఒకదానికొకటి అంటుకోకుండా సాఫ్ట్ టెక్స్చర్‌ను ఇస్తుంది. అలాగే, ఉప్మాలో క్యారెట్, బఠానీ వంటి కూరగాయలు, కొద్దిగా నిమ్మరసం చేరిస్తే రుచి మరింత పెరుగుతుంది. ఈ చిన్నపాటి వంట చిట్కాలను పాటిస్తే, మీ ఇంట్లో ఉప్మా ఎప్పుడూ ముద్దగా మారదు. బ్యాచిలర్స్ సైతం ఎంతో రుచికరమైన, పర్ఫెక్ట్ హోటల్ స్టైల్ ఉప్మాను నిమిషాల్లో తయారు చేసుకోవచ్చు.

మరిన్ని హ్యుమన్‌ ఇంట్రెస్ట్‌ వార్తల కోసం క్లిక్ చేయండి..