బిర్యానీ మసాలా జాపత్రితో బంగారంలాంటి ఆరోగ్యం..ఎన్ని లాభాలో తెలిస్తే..
మన వంటిల్లు ఒక ఔషధ నిది.. మన పొపుల పెట్టెలోని ప్రతి సుగంధ ద్రవ్యం ఒక అద్బుతమైన ఆరోగ్య నిధి. వాటితో ఎన్నో రకాల రోగాలను నయం చేసుకోవచ్చు. అలాంటి ఒక దివ్యౌషధం జాపత్రి..ఇది జాజికాయ విత్తనం. దీని ఆరోగ్యప్రయోజనాలు తెలిస్తే ఔరా అనాల్సిందే..జీర్ణక్రియ మొదలు గుండె ఆరోగ్యం వరకు జాపత్రి చేసే మ్యాజిక్ అంతా ఇంతా కాదు.. ఆ వివరాలేంటో ఇక్కడ చూద్దాం...
Updated on: Nov 11, 2025 | 2:32 PM
జాపత్రిలో కిడ్నీల్లో రాళ్లను సైతం కరిగించే గుణం ఉంటుందని ఆయుర్వేద ఆరోగ్య నిపుణులు చెబుతున్నారు. అంతేకాదు ఇది జీర్ణసమస్యలకు కూడా చెక్ పెడుతుంది. జాపత్రిలోని యాంటీ డయాబెటిక్ గుణాలు రక్తంలో చక్కెర స్థాయిలను పెరగనివ్వవు. జాపత్రిలో ఉండే శోథ నిరోధక లక్షణాలు అర్థరైటిస్ తో బాధపడేవారికి ప్రయోజనాన్నిస్తాయి. కీళ్లనొప్పులకు మంచి ఉపశమనంగా పనిచేస్తాయి. బరువు తగ్గాలనుకునేవారికి కూడా బెస్ట్ మెడిసిన్గా పనిచేస్తుంది.
జాపత్రిని డైట్లో చేర్చుకుంటే ఎక్కువ సేపు ఆకలివేయదు. దీంతో బరువు పెరుగుతామనే భయం ఉండదు. జాప్రతిలోని ఔషధ గుణాలు అజీర్ణం, అపాన వాయువు వంటి జీర్ణ సమస్యలను తగ్గించేందుకు దీనిని ఉపయోగిస్తారు. అలాగే జీర్ణ క్రియను ఉత్తేజ పరచడంలో కూడా జాపత్రి సహకరిస్తుంది. జాపత్రిలో ఉండే మాసిలిగ్నన్ అల్ట్రా వైలెట్ రేస్ నుంచి మన చర్మాన్ని కాపాడుతుంది.
జాపత్రిని తీసుకోవడం వల్ల ఆరోగ్యకరమైన చర్మ నిగారింపు కలుగుతుంది. ఇందులోని యాంటీఆక్సిడెంట్లు ఎక్కువ కాలం యవ్వనంగా ఉండే విధంగా సహకరిస్తాయి. ఇందులోని యాంటీ ఆక్సిడెంట్లు వ్యాధులు, ఇన్ఫెక్షన్లతో పోరాడుతాయి. కడుపులో గ్యాస్ రాకుండా కాపాడే అంశాలు జాపత్రిలో పుష్కలంగా ఉంటాయి. దీంతో మీ జీర్ణక్రియ మెరుగవుతుంది. బలమైన రక్త ప్రసరణను అందించడంలో ఆరోగ్యకరమైన గుండెకు జపత్రి సహాయం చేస్తుంది. ఇది కడుపు నొప్పి, అసౌకర్యాన్ని కూడా తగ్గిస్తుంది. ప్రేగులలో మంటను తగ్గిస్తుంది. రోగనిరోధక శక్తిని పెంచుతుంది.
గమనిక: ఇక్కడ అందించిన సమాచారం, పరిష్కారాలు సాధారణ అవగాహన కోసం మాత్రమే. మేము వాటిని నిర్దారించడం లేదు. వాటిని స్వీకరించే ముందు ఆరోగ్య నిపుణుడిని సంప్రదించడం మంచిది.
మరిన్ని ఆరోగ్య కథనాల కోసం క్లిక్ చేయండి.
