Lifestyle: రోజూ ఈ మూడు పనులు చేస్తే.. గుండె జబ్బులను జయించినట్లే..

Heart

ప్రస్తుతం గుండె సమస్యలు సర్వసాధారణంగా మారిపోయాయి. ఒకప్పుడు వయసు పెరిగిన వారిలో మాత్రమే కనిపించే ఈ సమస్యలు ఇప్పుడు పాతికేళ్లు కూడా నిండని వారిలో కనిపిస్తున్నాయి. గుండె సంబంధిత సమస్యల ద్వారా అకాల మరణం పొందుతున్న వారి సంఖ్య పెరిగిపోతోంది. అయితే చాలా వరకు గుండె సమస్యలకు మారుతోన్న జీవినశైలి, తీసుకుంటున్న ఆహారంలో మార్పులే కారణమని నిపుణులు చెబుతున్నారు. శరీరంలో కొలెస్ట్రాల్‌ స్థాయిలు పెరగడంతో పాటు వ్యాయామం తగ్గడం వంటి కారణాలు వల్ల గుండె పోటు వస్తుందని నిపుణులు చెబుతున్నారు. రోజురోజుకీ పెరుగుతోన్న గుండె సమస్యల నుంచి బయటపడాలంటే జీవనశైలిలో కచ్చితంగా కొన్ని రకాల మార్పులు చేసుకోవాలని నిపుణులు సూచిస్తున్నారు. ముఖ్యంగా రోజువారీ జీవితంలో మూడు రకాల పనులు చేయడం వల్ల గుండె సమస్యలు వచ్చే ప్రమాదం నుంచి బయటపడొచ్చని చెబుతున్నారు. ఇంతకీ అవేంటంటే..

* కచ్చితంగా ప్రతీ రోజూ సూర్య నమస్కార్‌ను అలవాటుగా మార్చుకోవాలని నిపుణులు సూచిస్తున్నారు. యోగాలో ఒక భాగమైన సూర్య నమస్కార్ వల్ల మొత్తం 12 రకాల వ్యాయామాలు చేసినట్లు అవుతుంది. ఉదయాన్నే కనీసం 20 నిమిషాలు ఈ ఆసనాలు వేయాలని సూచిస్తున్నారు. వీటివల్ల గుండె, ఊపిరితిత్తులు బలోపేతమవుతాయి.

* ఇక గుండె ఆరోగ్యాన్ని కాపాడడంలో వాకింగ్ కూడా కీలక పాత్ర పోషిస్తుందని నిపుణులు చెబుతున్నారు. రోజులో కనీసం 30 నిమిషాలు వేగంగా నడవాలని చెబుతున్నారు. వేగంగా నడవడం వల్ల కండరాలు బలంగా మారడమే కాకుండా, గుండె రక్తాన్ని పంప్‌ చేసే సామర్థ్యం కూడా పెరుగుతుంది.

* హృద్రోగాలు దరిచేరకుండా ఉండాలన్నా, గుండె స్ట్రాంగ్‌గా మారాలన్నా కచ్చితంగా సైకిల్ తొక్కడాన్ని అలవాటు చేసుకోవాలని నిపుణులు చెబుతున్నారు. వారంలో 4 నుంచి 5 రోజులైనా రోజుకు కనీసం 30 నిమిషాలు సైకిల్ తొక్కడాన్ని అలవాటు చేసుకోవాలని చెబుతున్నారు. దీనివల్ల గుండె, ఊపిరితిత్తుల సామర్థ్యాన్ని మెరుగుపరుస్తుంది.

నోట్‌: పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.

మరిన్ని లైఫ్ స్టైల్ వార్తల కోసం క్లిక్ చేయండి..