Kitchen Hacks: ఘాటైన ఉల్లి వాసనను భరించలేకున్నారా? అయితే ఈ సింపుల్ వంటింటి చిట్కాలు ఫాలో అయిపోండి చాలు..

Kitchen Hacks

ఉల్లిపాయ లేదా ఉల్లిగడ్డ లేని కూర ఉండదు. మన దేశంలో వీటి వాడకం చాలా ఎక్కువ. ఇవి లేని వంటగది ఉండదంటే అతిశయోక్తి కాదేమో. కూర ఏది అయిన దానిలో ఉల్లి మాత్రం తప్పక ఉండాల్సిన పదార్థం. అందుకే అవి పెట్టే కన్నీళ్లు భరిస్తూనే వాటిని వంటల్లో వేస్తూ ఉంటారు. అయితే ఉల్లిపాయలు కోసిన తర్వాత మన చేతులు ఓ రకమైన వాసనను కలిగిస్తాయి. అలాగే వంట వండిన పాత్రలు కూడా అదో రకమైన వాసనను ఇస్తాయి. దానిని అలాగే వదిలేస్తే మీ వంట గది వాతావరణాన్ని ఒక్కోసారి పాడుచేయవచ్చు. వంట గదిలో సరైన వాసన లేకుంటే ఇబ్బందులు పడతారు. అందుకే పాత్రల నుంచి వచ్చే ఉల్లిపాయల వాసనను పోగొట్టే వంటింటి చిట్కాలు మీకు తెలియజేస్తున్నాం. ఇవి పాటించండి చాలు..

బేకింగ్ సోడాతో కడగడండి.. మనం ఏదైనా శుభ్రం చేయాలని అనుకున్నప్పుడల్లా ముందుగా గుర్తుకు వచ్చేది బేకింగ్ సోడా. ఇది అసాధారణమైన శుభ్రపరిచే లక్షణాలను కలిగి ఉంటుంది. మీ పాత్రల నుంచి ఉల్లిపాయ వాసనను కూడా వదిలించుకోవడానికి సహాయపడుతుంది. పాత్రను కొద్దిగా నీళ్లతో నింపి, అందులో కొంచెం బేకింగ్ సోడాను చిలకరించాలి. అనంతరం కొన్ని నిమిషాల పాటు అలాగే వదిలేసి తర్వాత కడిగేసుకోవాలి.

లెమన్ వాటర్.. బేకింగ్ సోడా లాగానే నిమ్మకాయ కూడా అద్భుతమైన క్లీనింగ్ ఏజెంట్. దీనిలోని అధిక యాసిడ్ కంటెంట్ కారణంగా అన్ని రకాల ఘాటైన వాసనలను తొలగించే సామర్థ్యాన్ని కలిగి ఉంటుంది. మీరు నేరుగా మీ పాత్రలను నిమ్మకాయ నీటితో నింపవచ్చు. లేదా వాటిపై నేరుగా నిమ్మ తొక్కలను స్క్రబ్ చేయవచ్చు. మీరు దీన్ని ఎలా ఉపయోగించాలని నిర్ణయించుకున్నా ఫర్వాలేదు; ఉల్లిపాయ వాసనను తొలగించడానికి ఇది బాగా పని చేస్తుంది.
వైట్ వెనిగర్.. ఇది కూడా మీ వంటగదిలో సులభంగా లభ్యమయ్యేదే. ఎసిడిటీని జోడించడానికి ఇది సాధారణంగా వివిధ వంటకాలలో ఉపయోగించబడుతున్నప్పటికీ, మీరు అవాంఛిత వాసనలను తొలగించడానికి కూడా దీనిని ఉపయోగించవచ్చు. మీ పాత్రలను శుభ్రం చేయడానికి, మీరు చేయాల్సిందల్లా మొదట వాటిని నీటితో కడగడం. ఇప్పుడు వాటిలో కొంచెం వెనిగర్ పోయాలి. కొద్దిసేపటి తర్వాత, మళ్లీ శుభ్రం చేయాలి. అంతే ఉల్లి వాసన అసలు ఉండదు.

దాల్చిన చెక్క.. మషాలా దినుసుల్లో వాడే దాల్చిన చెక్కను ఉల్లిపాయ వాసనను పోగొట్టడానికి కూడా ఉపయోగించవచ్చని మీకు తెలుసా? నిజం అండి.. దాల్చినచెక్క బలమైన వాసన కలిగి ఉంటుంది. ఇది ఘాటైన వాసనలను తొలగించడానికి కడానికి బాగా పనిచేస్తుంది. అంతేకాక దాల్చినచెక్కలో యాంటీ బాక్టీరియల్ లక్షణాలు ఉన్నాయి, ఇది క్రిములను చంపడానికి కూడా సహాయపడుతుంది. మీరు పాత్రలలో కొన్ని దాల్చిన చెక్కలను ఉడకబెట్టవచ్చు. లేదా దాల్చిన చెక్క పొడిని ఉపయోగించవచ్చు.

కాఫీ పౌడర్.. ప్రియమైన కాఫీ ఉల్లిపాయ వాసనను వదిలించుకోవడానికి మీకు సహాయపడుతుంది. కాఫీలో నైట్రోజన్ ఉంటుంది. అందుకే ఈ సమస్యకు ఇది ఎఫెక్టివ్ రెమెడీగా పనిచేస్తుంది. కాఫీ పౌడర్‌ని నీటితో కలపండి. దానితో మీ పాత్రను నింపండి. కొంత సమయం అలాగే వదిలేసి తర్వాత కడిగేయండి.

మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి..