Salt Side Effects: పరిమితికి మించి ఉప్పు వాడకంతో గుండెపోటు ప్రమాదం.. రోజుకు ఎంత ఉప్పు వాడాలో తెలుసా?

ముఖ్యంగా ఉప్పులోని సోడియం రక్తపోటును మరింత పెంచుతుంది. గత వారంలో, ప్రపంచ ఆరోగ్య సంస్థ సోడియం తీసుకోవడం ఎందుకు తగ్గించాలనే విషయంపై మొదటి-రకం నివేదికను వెల్లడించింది, 2025 నాటికి 30 శాతం సోడియం వినియోగాన్ని తగ్గించడంలో కృషి చేయాలని అన్ని దేశాలకు సూచనలు ఇచ్చింది.

Salt

Nikhil |
Updated on: Mar 22, 2023 | 11:00 AM

ఉప్పు మన గుండె ఆరోగ్యానికి ప్రధాన ప్రమాద కారకం అని వైద్యులు ఎప్పుడూ చెబుతూ ఉంటారు. ఎందుకంటే ఉప్పు అధికంగా తింటే శరీరం ఎక్కువ నీటిని నిలుపుకుంటుంది. ఇది రక్త పరిమాణాన్ని పెంచుతుంది. దీంతో గుండె మరింత పని చేసేలా బలవంతం చేస్తుంది. తద్వారా రక్తపోటు స్థాయిలపై ప్రభావం పడుతుంది. ముఖ్యంగా ఉప్పులోని సోడియం రక్తపోటును మరింత పెంచుతుంది. గత వారంలో, ప్రపంచ ఆరోగ్య సంస్థ సోడియం తీసుకోవడం ఎందుకు తగ్గించాలనే విషయంపై మొదటి-రకం నివేదికను వెల్లడించింది, 2025 నాటికి 30 శాతం సోడియం వినియోగాన్ని తగ్గించడంలో కృషి చేయాలని అన్ని దేశాలకు సూచనలు ఇచ్చింది. అయితే పలు దేశాలు తమ సూచనలు పట్టించుకోవడం లేదని భవిష్యత్ ఇది విపరీత పరిణామాలకు దారి తీస్తుందని హెచ్చరించింది. ప్రతి సంవత్సరం ప్రపంచవ్యాప్తంగా 1.89 మిలియన్ల మరణాలు సోడియం అధికంగా తీసుకోవడంతో సంబంధం కలిగి ఉన్నాయని డబ్ల్యూహెచ్‌ఓ వెల్లడించింది. పెద్దవారిలో రోజుకు గరిష్టంగా 2,000 ఎంజీ కంటే తక్కువ సోడియం లేదా రోజుకు 5 గ్రాముల కంటే తక్కువ ఉప్పు తీసుకోవాలని సిఫార్సు చేసింది. అయితే, ప్రపంచంలో సగటున రోజుకు 4,310 ఎంజీ సోడియం తీసుకుంటున్నారని ఓ అంచనా. అంటే రోజుకు ఓ వ్యక్తి సగటున 10.78 గ్రాముల ఉప్పు తింటున్నాడని వెల్లడించింది. ప్యాకెజ్డ్ ఆహారంతో సహా ఇతర పానీయాల ఉత్పత్తి, వినియోగాన్ని సవరించడానికి తక్షణ చర్య అవసరం అని డబ్ల్యూహెచ్ఓ సిఫార్సు చేసింది.

అధిక ఉప్పు వినియోగం వల్ల వచ్చే సమస్యలు

ఉప్పును అధికంగా వినియోగిస్తే గుండెపోటు ప్రమాదం మరింత పెంచుతుంది. 2014లో వెల్లడైన ఓ అధ్యయనం ప్రకారం సోడియం మూత్ర ఉత్పత్తిని కొలవడం ద్వారా ఉప్పు తీసుకోవడం వల్ల వచ్చే ప్రభావాన్ని అంచనా వేశారు. రోజుకు 3 గ్రాముల నుంచి 6 గ్రాముల మధ్య సోడియం తీసుకోవడం వల్ల హృదయ సంబంధ సంఘటనలతో సంబంధం కలిగి ఉంటుంది. రోజుకు 1.50 గ్రాముల కంటే తక్కువ ఉన్న పొటాషియం విసర్జనతో పోలిస్తే హృదయనాళ సంఘటనల తక్కువ ప్రమాదంతో ముడిపడి ఉంటాయి. అధిక-సోడియం ఆహారాలు సాధారణంగా మొత్తం కొవ్వు, కేలరీలలో ఎక్కువగా ఉంటాయి. ఇది ఊబకాయం సంబంధిత సమస్యలకు దారితీయవచ్చు. సోడియం తీసుకోవడం వల్ల బోలు ఎముకల వ్యాధి వచ్చే ప్రమాదం ఉంది. ముఖ్యంగా ఇది క్యాన్సర్‌కు కారకంగా నిలుస్తుంది. చాలా కాలం పాటు ఉప్పగా ఉండే ఆహారాన్ని తీసుకుంటే మీరు రుచికి అలవాటు పడతారు. అయితే కొన్ని రోజు ఉప్పు వాడకాన్ని తగ్గిస్తే కూడా అధిక ఉప్పు ఉన్న ఆహారాన్ని దరిచేరనీయరని నిపుణులు వాదన. ముఖ్యంగా ప్యాకేజ్డ్ ఆహారంలో అధిక ఉప్పు ఉంటుంది. తద్వారా అధిక సోడియం శరీరానికి అందుతుంది. ఒక్కోసారి ఉప్పు తక్కువ ఉన్న ఉత్పత్తుల్లో కూడా సోడియం పరిమాణం అధికంగా ఉంటుంది. ముఖ్యంగా ఇంటి ఆహారం కంటే బయట ఆహారం వల్ల 70 శాతం సోడియం మనం శరీరానికి అందిస్తున్నామనే విషయం గుర్తు ఉంచుకోవాలి. కాబట్టి రక్తపోటు అదుపులో ఉంచుకోవాలంటే ఉప్పు వాడకాన్ని కూడా అదుపులో ఉంచుకోవాలని నిపుణులు సూచిస్తున్నారు.

(నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)

ఇవి కూడా చదవండి