రీల్స్ వల్ల పిల్లల మెదడు ఎలా ప్రభావితమవుతుందో తెలుసా..? పిల్లల కోసం తల్లిదండ్రులు ఇలా చేయాల్సిందే..!

Kids Screen Time

ప్రస్తుత రోజుల్లో సోషల్ మీడియా ప్రభావం అందరిపై ఉంది. ముఖ్యంగా చిన్న పిల్లలు రీల్స్ లాంటి షార్ట్ వీడియోలపై ఎక్కువ ఆకర్షితులవుతున్నారు. రోజుకి గంటల కొద్దీ వాటిని చూస్తున్నారు. ఇది నెమ్మదిగా ఒక రకమైన వ్యసనంగా మారుతోంది. అలాంటి పరిస్థితిలో తల్లిదండ్రుల బాధ్యత మరింత పెరుగుతుంది.

ఎందుకు ఇలా జరుగుతోంది..?

పిల్లలు సహజంగానే పొగడ్తలు, గుర్తింపు కోరుకుంటారు. సుమారు 10 ఏళ్లకే వాళ్లు పక్కన వాళ్లు తమని యాక్సెప్ట్ చేయాలని చూస్తారు. ఈ టైంలో అమ్మానాన్నల నుంచి సరైన అటెన్షన్, ఆమోదం దొరక్కపోతే ఆ లోటును సోషల్ మీడియాలో వెతుక్కుంటారు. రీల్స్ చూస్తూ హ్యాపీ అవుతూ తమ వాల్యూను అక్కడే చూసుకుంటారు. ఇలా చేయడం వల్ల వాళ్లలో కాన్ఫిడెన్స్ తగ్గి.. టెన్షన్, బయటి ప్రపంచం పట్ల ఇంట్రెస్ట్ తగ్గడం పెరుగుతాయి.

పిల్లలు రీల్స్‌ తోనే ఎక్కువ టైం గడిపితే.. దాని ఎఫెక్ట్ వాళ్ల మెదడు పనితీరు మీద పడుతుంది. అవసరం లేని విషయాలన్నీ మెదడులో చేరి ఆలోచనా శక్తి తగ్గిపోతుంది. ఎక్కువసేపు స్క్రీన్లు చూస్తే కళ్ల సమస్యలు, మెదడు అలిసిపోవడం, జ్ఞాపకశక్తి తగ్గడం, నిద్ర సరిగా పట్టకపోవడం లాంటి ప్రాబ్లమ్స్ వస్తాయి.

అంతేకాదు టెన్షన్, యాంగ్జైటీ లాంటి మానసిక సమస్యలు కూడా పెరుగుతాయి. ఇంకో పెద్ద ఇష్యూ ఏంటంటే ఊబకాయం (లావు అవడం). ఫిజికల్ యాక్టివిటీ లేకపోవడం వల్ల చిన్న వయసులోనే బరువు పెరిగిపోవడం, షుగర్ లాంటి ఆరోగ్య సమస్యలు కూడా వస్తున్నాయి.

పిల్లలను బయట ప్రపంచంలోకి తీసుకురావాలంటే..

• ఒకేసారి వాళ్ళ చేతుల్లోంచి మొబైల్ లాగేసే ప్రయత్నం అస్సలు చేయొద్దు. అలా కాకుండా ప్రతిరోజూ కొద్ది కొద్దిగా స్క్రీన్ టైమ్ తగ్గించండి.
• ప్రతి పిల్లవాడిలోనూ ఓ స్పెషల్ టాలెంట్ ఉంటుంది. ఆ టాలెంట్‌ని కనిపెట్టి ఎంకరేజ్ చేయండి. డ్రాయింగ్, డ్యాన్స్, మ్యూజిక్, కథలు రాయడం, ఆటలు ఆడటం లాంటి వాటిల్లో వాళ్ళను బిజీగా ఉంచండి.
• బయటి ఆటలకు ప్రాధాన్యత ఇవ్వండి. స్కేటింగ్, బ్యాడ్మింటన్, సైక్లింగ్, చెస్, యోగా, గార్డెనింగ్ లాంటి వాటిల్లో వాళ్ళను పార్టిసిపేట్ చేయించండి.
• మీరు ఎగ్జాంపుల్ గా ఉండటం చాలా ఇంపార్టెంట్. మీరు మొబైల్‌ కు దూరంగా ఉంటే.. పిల్లలు కూడా అదే ఫాలో అవుతారు. ఫోన్‌ ను తక్కువగా వాడండి.
• కథలు, కబుర్లు వాళ్ళకు చాలా అవసరం. పడుకునే ముందు వాళ్లకు కథలు చెప్పండి, వాళ్ళ ఫీలింగ్స్ వినండి. మంచి నైతిక విలువలతో వాళ్ళను పెంచండి.

తల్లిదండ్రులకు ముఖ్యమైన సూచనలు

• పిల్లలకు సేఫ్, లవింగ్ ఎన్విరాన్‌ మెంట్ క్రియేట్ చేయండి.
• ప్రతిరోజూ వాళ్ళతో మాట్లాడండి.
• వాళ్ళ ఫీలింగ్స్‌ ను తక్కువ చేయకుండా వినండి.
• సోషల్ మీడియా వల్ల కలిగే మంచి, చెడుల గురించి వాళ్లకు ఈజీగా అర్థమయ్యేలా చెప్పి బోధించండి.
• తల్లిదండ్రులే మొదటి గురువులు అన్న విషయం ఎప్పుడూ గుర్తుంచుకోండి.

పిల్లల లైఫ్‌ ని రీల్స్‌ లో కాకుండా రియల్ లైఫ్‌ లో బ్యూటిఫుల్‌ గా మార్చాలంటే తల్లిదండ్రుల గైడెన్స్ చాలా అవసరం. మీరు వాళ్లలో కాన్ఫిడెన్స్ నింపితే.. వాళ్లు మళ్లీ మన ప్రపంచంలోకి వస్తారు.

మరిన్ని లైఫ్ స్టైల్ న్యూస్ కోసం క్లిక్ చేయండి..