ఈ తేదీల్లో పుట్టిన ఆడపిల్లలు తండ్రికి అదృష్ట దేవతలు! సంఖ్యాశాస్త్రం ఏం చెబుతోందంటే?

సంఖ్యాశాస్త్రం (Numerology) ప్రకారం, పిల్లల పుట్టిన తేదీలు వారి తల్లిదండ్రుల జీవితాలపై, ముఖ్యంగా తండ్రి ఆర్థిక స్థితిపై బలమైన ప్రభావాన్ని చూపుతాయి. కొందరు ఆడపిల్లలు పుట్టడమే తండ్రి పాలిట అదృష్టంగా మారుతుందని, వారు అడుగుపెట్టిన క్షణం నుండి తండ్రి కెరీర్‌లో భారీ మార్పులు వస్తాయని నమ్ముతారు. ముఖ్యంగా రాధాకృష్ణులు, లక్ష్మీదేవి అనుగ్రహం ఎక్కువగా ఉండే కొన్ని నిర్దిష్ట మూలాంకాలకు (పుట్టిన తేదీలకు) చెందిన అమ్మాయిలు తమ తండ్రికి అపారమైన సంపదను, సమాజంలో కీర్తి ప్రతిష్టలను ఎలా తెచ్చిపెడతారో, ఏయే తేదీలు తండ్రికి అత్యంత శుభప్రదమో ఈ ఆసక్తికరమైన వివరాల్లోకి వెళ్దాం..

మూలాంకం 1 (1, 10, 19, 28 తేదీల్లో పుట్టినవారు):

ఏ నెలలోనైనా 1, 10, 19, 28 తేదీల్లో జన్మించిన అమ్మాయిల మూలాంకం 1 అవుతుంది. ఈ సంఖ్యకు అధిపతి సూర్యభగవానుడు. ఈ తేదీల్లో పుట్టిన ఆడపిల్లలు పుట్టుకతోనే నాయకత్వ లక్షణాలను, ఆత్మవిశ్వాసాన్ని కలిగి ఉంటారు. వీరు జన్మించిన తర్వాత తండ్రి సమాజంలో ఉన్నత గౌరవాన్ని, కీర్తి ప్రతిష్టలను అందుకుంటారు. ప్రభుత్వ రంగం లేదా రాజకీయాల్లో ఉన్న తండ్రులకైతే వీరి వల్ల అపారమైన విజయం లభిస్తుంది.

మూలాంకం 3 (3, 12, 21, 30 తేదీల్లో పుట్టినవారు):

3, 12, 21, 30 తేదీల్లో జన్మించిన అమ్మాయిల మూలాంకం 3. దీనికి అధిపతి గురువు (బృహస్పతి). ఈ అమ్మాయిలు చాలా తెలివైనవారు, సంస్కారవంతులుగా ఉంటారు. వీరు అడుగుపెట్టినప్పటి నుండి తండ్రి ఆర్థిక ఇబ్బందులన్నీ తొలగిపోతాయి. ఇంటికి లక్ష్మీ కటాక్షం లభిస్తుంది. తండ్రి చేపట్టే ప్రతి పనిలోనూ విజయం లభించేలా వీరి అదృష్టం తోడ్పడుతుంది.

ఇవి కూడా చదవండి

ఆ రోజుల్లో ఇళ్లకు రెండు రెక్కల తలుపులు ఎందుకు ఉండేవో తెలుసా?

ఇంట్లో కల్పవృక్షం ఫోటో ఉందా..? ఆ దిశలో పెడితే ఐశ్వరం రాశులే!

పర్పుల్ రంగు ధర వింటే షాక్ అవుతారు.. బంగారాన్ని కూడా మించిందట!

వానాకాలం మీ వాటర్ ట్యాంక్‌లో నీరు నీచువాసన వస్తోందా..? ఇలా చేస్తే

మూలాంకం 6 (6, 15, 24 తేదీల్లో పుట్టినవారు):

6, 15, 24 తేదీల్లో జన్మించిన అమ్మాయిల మూలాంకం 6. దీనికి అధిపతి శుక్రాచార్యుడు. శుక్రుడిని సంపద, విలాసాలు, సుఖసంతోషాలకు కారకుడిగా భావిస్తారు. ఈ తేదీల్లో పుట్టిన ఆడపిల్లలు తండ్రి జీవితంలోకి లగ్జరీని, భోగభాగ్యాలను తీసుకువస్తారు. వీరు పెరిగే కొద్దీ తండ్రి ఇల్లు, వాహనాలు వంటి ఆస్తులను కొనుగోలు చేసే అవకాశం పెరుగుతుంది.

మూలాంకం 9 (9, 18, 27 తేదీల్లో పుట్టినవారు):

9, 18, 27 తేదీల్లో జన్మించిన అమ్మాయిల మూలాంకం 9. దీనికి అధిపతి కుజుడు (మంగళుడు). ఈ అమ్మాయిలు ఎంతో ధైర్యవంతులుగా, మొండి పట్టుదల గలవారిగా ఉంటారు. వీరు తండ్రికి మానసిక బలాన్ని ఇస్తారు. వీరు పుట్టిన తర్వాత తండ్రి పాత అప్పుల నుండి విముక్తి పొంది, కెరీర్‌లో స్థిరపడతారు.

పుట్టిన తేదీలు అదృష్టాన్ని సూచించినప్పటికీ, ప్రతి ఆడపిల్ల తన కుటుంబానికి ఒక ప్రత్యేకమైన వరమే. అమ్మాయిలను గౌరవించి, వారి ఎదుగుదలకు తోడ్పడే ప్రతి ఇంట్లోనూ లక్ష్మీదేవి తాండవిస్తుందని పెద్దలు చెబుతుంటారు.

Note : ఈ వార్తలలో చెప్పిన సమాచారం మత విశ్వాసాలపై ఆధారపడి ఉంది. కేవలం పాఠకుల ఆసక్తి మేరకు, పలువురు పండితుల సూచనలు, వారు తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు.

మరిన్ని హ్యుమన్‌ ఇంట్రెస్ట్‌ వార్తల కోసం క్లిక్ చేయండి..