చర్మంపై మొటిమలు, మచ్చలు పోగొట్టే బెస్ట్ ఫేస్ ప్యాక్..! ట్రై చేసి చూడండి.. అద్భుతం జరుగుతోంది..!

Diy Face Packs

ముఖంపై మొటిమలు కనిపిస్తే చాలా మంది వాటిని గిల్లేసే అలవాటు చేసుకుంటారు. కానీ ఇలా చేయడం వల్ల సమస్య ఇంకా పెరుగుతుంది. చర్మం సహజంగా క్లీన్, ఫ్రెష్‌గా ఉండాలంటే నిమ్మ తొక్కను ఉపయోగించాలి. నిమ్మ తొక్కలో యాంటీబాక్టీరియల్ గుణాలు, విటమిన్ C ఉంటుంది. ఇవి చర్మానికి తగిన పోషణను అందించి మొటిమలను తగ్గిస్తాయి.

నిమ్మ తొక్కతో ఫేస్ ప్యాక్

• నిమ్మ తొక్కను పొడి చేసుకుని ఒక చిన్న గిన్నెలో తీసుకోండి.
• అందులో కొద్దిగా తేనె, శనగపిండి కలపాలి.
• ఈ మిశ్రమాన్ని బాగా మిక్స్ చేసి ముఖానికి అప్లై చేయాలి.
• మెల్లగా చేతులతో రుద్దుతూ 10-15 నిమిషాల పాటు వదిలేయాలి.
• ఆపై చల్లటి నీటితో ముఖాన్ని శుభ్రంగా కడిగితే మంచి ఫలితం కనిపిస్తుంది.

పొడి చర్మం

• పొడి చర్మం కలిగిన వారు నిమ్మ తొక్క పొడిని రోజ్ వాటర్‌తో కలిపి పేస్ట్‌లా తయారు చేసుకోవాలి.
• ఈ మిశ్రమాన్ని ముఖానికి అప్లై చేసి 5 నిమిషాల తర్వాత కడిగేయాలి.
• ఇలా చేస్తే చర్మం పొడిబారకుండా తేమతో మెరుస్తూ ఉంటుంది.

చర్మంపై మచ్చలు, పిగ్మెంటేషన్

• నిమ్మ తొక్క పొడిలో కొద్దిగా బేకింగ్ సోడా కలపాలి.
• ఈ మిశ్రమాన్ని ముఖానికి రాసుకుని మెల్లగా స్క్రబ్ చేయాలి.
• మృతకణాలు తొలగి, చర్మం తాజాగా మెరిసిపోతుంది.
• కొన్ని వారాలు ఇలా చేస్తే ముఖంపై డార్క్ స్పాట్స్ తగ్గిపోతాయి.

నిత్యం నిమ్మ తొక్కను చర్మ సంరక్షణలో భాగంగా ఉపయోగించడం ద్వారా మొటిమలు, చర్మంపై పేరుకున్న మురికి తొలగించుకోవచ్చు. సహజమైన చిట్కాలు పాటించడం వల్ల ఎటువంటి దుష్ప్రభావాలు ఉండవు. కాబట్టి మొటిమలు రాకుండా చూసుకోవాలంటే ఈ సింపుల్ హోం రెమెడీని తప్పకుండా ట్రై చేయండి. నిమ్మ తొక్క లేదా ఇతర పదార్థాలను ముఖానికి ఉపయోగించే ముందు చేతి వెనుక భాగంలో లేదా చెవి వెనుక చిన్నపాటి పాచ్ టెస్ట్ చేసుకోవడం మర్చిపోవద్దు.