Raw Potato Side Effects: పచ్చి బంగాళాదుంపను ముఖానికి రాసే ముందు ఈ జాగ్రత్తలు తీసుకుంటున్నారా..?

పచ్చి బంగాళాదుంపను ముఖంపై రుద్దడం వల్ల కొందరికి ఎరుపు, మంట, దురద వంటి సమస్యలు రావచ్చు. ముఖ్యంగా సున్నితమైన చర్మం ఉన్నవారికి ఇది ఎక్కువగా జరుగుతుంది. బంగాళాదుంపలోని కొన్ని పదార్థాలు చర్మంపై తాత్కాలికంగా ప్రతికూల ప్రభావం చూపవచ్చు. ఇది అలర్జీకి సంబంధించినది కూడా కావచ్చు.

బంగాళాదుంప ముక్కలను లేదా రసాన్ని ముఖంపై ఎక్కువసేపు ఉంచితే చర్మం రంగు మారే అవకాశం ఉంటుంది. ముఖ్యంగా నలుపు డార్క్ పిగ్మెంటేషన్ ఏర్పడవచ్చు. దీన్ని నిర్లక్ష్యంగా ఎక్కువసేపు వాడటం వల్ల ముఖ చర్మం స్పష్టత తగ్గే ప్రమాదం కూడా ఉంది.

బంగాళాదుంప రసంలో ఉండే కొన్ని రసాయన లక్షణాలు చర్మాన్ని సూర్యరశ్మికి మరింత సున్నితంగా చేస్తాయి. ఫలితంగా సూర్యకిరణాల ప్రభావం ఎక్కువగా పడి స్కిన్ టానింగ్, సన్ బర్న్ వంటి సమస్యలు వచ్చే అవకాశం ఉంటుంది. వేసవి కాలంలో దీనిని జాగ్రత్తగా వాడాలి.

బంగాళాదుంపలోని ఆస్ట్రింజెంట్ గుణాలు ముఖంపై సహజంగా ఉండే నూనెను తొలగిస్తాయి. జిడ్డు చర్మం ఉన్నవారికి ఇది కొంతవరకు ఉపయోగపడుతుంది. కానీ పొడి చర్మం ఉన్నవారికి ఇది చర్మాన్ని మరింత పొడిగా మారుస్తుంది. ముఖం పొడిగా మారడం వల్ల చర్మం గరుకుగా అనిపించవచ్చు.

మీ చర్మం సున్నితమైనదైతే బంగాళాదుంప వాడకానికి ముందు పూర్తిగా ఆలోచించాలి. ఎలాంటి సహజ పదార్థమైనా మీ చర్మానికి ఎలా స్పందిస్తుందో తెలుసుకోవడం అవసరం. ప్రతి ఒక్కరికీ ఒకేలా పని చేయదు అన్నది గుర్తుంచుకోవాలి.

ఇంట్లో లభించే పదార్థాలన్నీ శరీరానికి మేలు చేస్తాయని ఊహించి వాడకూడదు. మీ చర్మానికి ఏది సరిపోతుందో.. ఏది తక్కువ ప్రభావం చూపుతుందో తెలుసుకోవడం ముఖ్యం. ఎలాంటి సమస్యలు తలెత్తినా.. వైద్యుల సలహా తీసుకోవడం మంచిది. ఇంటి చిట్కాలను సైతం జాగ్రత్తగా వాడాలి.

ముఖంపై నేరుగా వాడక ముందు చేతి పైభాగం లేదా చెవి వెనుక భాగంలో ప్యాచ్ టెస్ట్ చేయడం చాలా అవసరం. దాంతో మీకు ఎలాంటి ప్రతికూలతలు వస్తాయా లేదా అన్నదాన్ని ముందే అంచనా వేసుకోవచ్చు. కనీసం ఆ ప్రాంతాన్ని కొంతసేపు గమనించి తర్వాతే ముఖానికి అప్లై చేయాలి.