నిమ్మ కాయలు త్వరగా ఎండిపోతున్నాయా? ఇలా చేస్తే ఎక్కువ రోజులు జ్యూసీగా ఉంటాయ్
చాలా మంది మార్కెట్లో ఒకటి లేదా రెండు నిమ్మకాయలను కొనడానికి బదులుగా వాటిని పెద్ద మొత్తంలో తీసుకుంటూ ఉంటారు. కానీ మార్కెట్లో కొన్న నిమ్మకాయలు రెండు రోజుల్లోనే ఎండిపోతుంటాయి. నిమ్మ పండ్లు గోధుమ రంగులోకి మారిపోయి పాడైపోతుంటాయి. మీరు కూడా ఇదే సమస్యను ఎదుర్కొంటున్నారా? అయితే..
Updated on: Dec 16, 2025 | 12:59 PM
నిమ్మకాయ వంటగదిలో తరచూ వినియోగించే వాటిల్లో నిమ్మ ముందు వరుసలో ఉంటుంది. నిమ్మ రసం వంట నుంచి చర్మ సంరక్షణ, ఇంటి శుభ్రపరచడం వరకు ప్రతిదానిలోనూ నిమ్మ రసంను విస్తృతంగా ఉపయోగిస్తుంటాం. అందుకే చాలా మంది మార్కెట్లో ఒకటి లేదా రెండు నిమ్మకాయలను కొనడానికి బదులుగా వాటిని పెద్ద మొత్తంలో తీసుకుంటూ ఉంటారు. కానీ మార్కెట్లో కొన్న నిమ్మకాయలు రెండు రోజుల్లోనే ఎండిపోతుంటాయి. నిమ్మ పండ్లు గోధుమ రంగులోకి మారిపోయి పాడైపోతుంటాయి. మీరు కూడా ఇదే సమస్యను ఎదుర్కొంటున్నారా? అయితే ఈ చిట్కాలను పాటించండి. తద్వారా నిమ్మకాయలు త్వరగా చెడిపోకుండా ఎక్కువ రోజులు తాజాగా ఉంటాయి. ఏం చేయాలంటే..
నిమ్మకాయలను ఇలా నిల్వ చేయడం ఎలా..
కొనుగోలు చేసేటప్పుడు తీజుకోవల్సిన జాగ్రత్తలు
నిమ్మకాయలను ఎక్కువ కాలం తాజాగా ఉంచుకోవాలంటే, ముందుగా మార్కెట్ నుంచి సరైన నిమ్మకాయను కొనడం ముఖ్యం. నిమ్మకాయలు గట్టిగా ఉంటే, వానిని కొనకూడదు. కొంచెం మెత్తగా ఉండే నిమ్మకాయను మాత్రమే ఎంచుకోవాలి. అలాగే తాజా నిమ్మకాయలు మంచి వాసన కలిగి ఉంటాయి. అలాంటి వాటిని మాత్రమే కొనాలి.
రిఫ్రిజిరేటర్లో ఎలా నిల్వ చేయాలి?
నిమ్మకాయలను ఎక్కువ కాలం తాజాగా ఉంచడానికి వాటిని నేరుగా రిఫ్రిజిరేటర్లో నిల్వ చేయవద్దు. నిమ్మకాయలను బాగా కడిగి శుభ్రం చేయాలి. ఆ తర్వాత ఒక గాజు సీసాలో నీటిని నింపి, నిమ్మకాయలను ఒక ప్లాస్టిక్ కవర్లో ఉంచి గాలి చొరబడకుండా గట్టిగా కట్టాలి. తర్వాత గాజు సీసాలో ఈ కవర్ ఉంచి గాజు సీసా మూత గట్టిగా మూసివేసి రిఫ్రిజిరేటర్లో నిల్వ చేయాలి. ఇలా చేయడం వల్ల నిమ్మకాయలు త్వరగా చెడిపోవు. ఇదే పద్దతుల్లో నిమ్మరసాన్ని కూడా రిఫ్రిజిరేటర్లో నిల్వ చేయవచ్చు.
రిఫ్రిజిరేటర్ లేకుండా ఎలా నిల్వ చేయాలి?
మీకు రిఫ్రిజిరేటర్ లేకపోయినా నిమ్మకాయలను ఎక్కువ కాలం తాజాగా ఉండేలా నిల్వ చేయవచ్చు. ఇందుకోసం, మొదట నిమ్మకాయలను కడిగి, నీటిని తుడిచి, ఆపై నిమ్మకాయ ఉపరితలంపై తేలికగా నూనె రాయాలి. ఆవాల నూనె లేదా నెయ్యిని ఉపయోగించవచ్చు. దీని తరువాత నిమ్మకాయలను ఒక్కొక్కటిగా టిష్యూ పేపర్లో చుట్టి వాటిని ఒక కంటైనర్లో ఉంచి చల్లని ప్రదేశంలో ఉంచాలి. ఈ విధంగా చేయడం వల్ల నిమ్మ పండ్లు చాలా కాలం పాటు తాజాగా, జ్యుసిగా ఉంటాయి.
గమనిక: ఇందులో ఇచ్చిన సమాచారం సాధారణ అవగాహన కోసం మాత్రమే. వాటిని మేము నిర్ధారించడం లేదు. ఇతర వివరాలకు నిపుణుడిని సంప్రదించడం మంచిది.
మరిన్ని ఆరోగ్య కథనాల కోసం క్లిక్ చేయండి.
