Winter Diet: శీతాకాలంలో ఒంట్లో చలిని తరిమేసే సూపర్ స్నాక్స్.. రుచితోపాటు ఆరోగ్యం కూడా
చలికాలంలో రోగాలు పొంచి ఉంటాయి. పైగా వాతారణం చల్లగా ఉండటం వల్ల ఆరోగ్యం కూడా త్వరగా క్షీణించి, ఒంట్లో శక్తి హరిస్తుంది. ఈ కాలంలో ఈ కింది ఆహారాలు తీసుకుంటే నోటికి రుచిగా ఉండటంతోపాటు ఆరోగ్యం కూడా హాయిగా ఉంటుంది. ఏమేం తీసుకోవాలో ఇక్కడ తెలుసుకుందాం..
Updated on: Dec 20, 2024 | 8:20 PM
చాలా మంది ఫిట్గా ఉండాలని కోరుకుంటారు. ఇందుకోసం సరైన ఆహారం తీసుకోవడం చాలా ముఖ్యం. అలాగే చలికాలంలో ఆరోగ్యం మరింత జాగ్రత్తగా ఉండేలా చూసుకోవాలి. చలికాలంలో సరైన ఆహారం తీసుకుంటే శరీరానికి సహజమైన తాజాదనాన్ని, శక్తిని అందిస్తాయి. అలాగే చలికాలంలో ఫిట్గా, ఆరోగ్యంగా ఉండటానికి కూడా సహాయపడతాయి. కాబట్టి ఈ కాలంలో ఏయే ఆహారాలు తీసుకోవాలో ఇక్కడ తెలుసుకుందాం..
స్వీట్లు
చలికాలంలో స్వీట్లను తినాలనిపించడం సర్వసాధారణం. దీని కోసం చక్కెరకు బదులుగా బెల్లం వాడితే మంచిది. బెల్లం తీపి రుచిని మాత్రమేకాకుండా, శరీరానికి మేలు చేసే ఐరన్, ఖనిజాలను కలిగి ఉంటుంది. శరీరానికి పోషకాలను అందించే ఖర్జూరం, అంజీర్ పండ్లు, కొబ్బరి వంటి సహజ పదార్థాల ద్వారా స్వీట్లను తయారు చేసుకోవచ్చు. శాతం 70 కంటే ఎక్కువ కోకో ఉన్న డార్క్ చాక్లెట్ కూడా మంచి ఎంపికే.
హెర్బల్ టీలు
తులసి, అల్లం, దాల్చిన చెక్క, చమోమిలే వంటి హెర్బల్ టీలు శరీరాన్ని వేడిగా ఉంచడమే కాకుండా జీర్ణక్రియను కూడా మెరుగుపరుస్తాయి. తులసి, అల్లంతో చేసిన టీ రోగనిరోధక శక్తిని పెంచుతుంది. దాల్చిన చెక్క, చమోమిలే టీ ఒత్తిడిని తగ్గిస్తుంది. నిద్రను మెరుగుపరుస్తుంది. గొంతుకు ఉపశమనం కలిగించడానికి, జలుబు, దగ్గును నివారించడానికి టీలో కొంచెం తేనె కలుపుకోవాలి.
డ్రై ఫ్రూట్స్, నట్స్
వాల్ నట్స్, జీడిపప్పు, బాదం, ఎండుద్రాక్ష వంటి డ్రై ఫ్రూట్స్ చలికాలంలో తింటే మంచిది. వీటిల్లో ఒమేగా -3 కొవ్వు ఆమ్లాలు, ప్రోటీన్, ఫైబర్ అధికంగా ఉంటాయి. ఇది శరీరానికి శక్తిని ఇవ్వడమే కాకుండా చర్మానికి తేమను, మెరుపును ఇస్తుంది. అంతేకాకుండా, డ్రై ఫ్రూట్స్ శరీరానికి వేడిని అందిస్తాయి. వీటి వినియోగం ముఖ్యంగా చలికాలంలో శరీరంలోని రోగనిరోధక శక్తిని బలపరుస్తుంది.
వేడి సూప్
చలికాలంలో వేడి సూప్ శరీరాన్ని వెచ్చగా ఉంచుతుంది. జీర్ణవ్యవస్థను నయం చేస్తుంది. ఆహారంలో మిక్స్డ్ వెజిటబుల్ సూప్ లేదా బఠానీ సూప్ను చేర్చుకోవచ్చు. ఈ సూప్లలో శరీరానికి అవసరమైన పోషకాలు శక్తిని అందిస్తాయి. సూప్లో కొన్ని అల్లం, వెల్లుల్లి ముక్కలు జోడించడం వల్ల ఇది మరింత ప్రయోజనకరంగా ఉంటుంది. ఎందుకంటే ఈ రెండు పదార్థాలు జలుబు, దగ్గు నుండి రక్షించడంలో సహాయపడతాయి.
సూపర్ ఫుడ్స్
మిల్లెట్ లడ్డూలు చలికాలంలో ఆరోగ్యకరం. రాగి లడ్డులో ఫైబర్, ఐరన్ ఉంటాయి. ఇవి ఎముకలను బలోపేతం చేయడానికి సహాయపడుతాయి. మిల్లెట్ లడ్డూలలో శక్తిని పెంచే ప్రోటీన్ ఉంటుంది. ఈ లడ్డూలు తింటే రుచిగా ఉండటమే కాకుండా శరీరం వెచ్చగా ఉంటుంది.
మిల్లెట్ చిప్స్, బీట్రూట్ చిప్స్
మిల్లెట్ చిప్స్, బీట్రూట్ చిప్స్ వంటి రుచికరమైన స్నాక్స్ చలికాలంలో తినడానికి చాలా బాగుంటాయి. మిల్లెట్ చిప్స్ జీర్ణక్రియలో సహాయపడే అధిక ఫైబర్, ఖనిజాలు సహజంగా లభిస్తాయి. బీట్రూట్ చిప్స్లో యాంటీఆక్సిడెంట్లు కూడా ఉంటాయి. ఇవి రక్తహీనతను తొలగించడంలో సహాయపడతాయి.
