Sitting Danger Alert! ఎక్కువ టైం కూర్చుంటే.. మీ శరీరంకు రహస్య ప్రమాదం ఏమిటో తెలుసా?!
Prolonged Sitting: ఎక్కువసేపు కూర్చునే వారు ఆరోగ్య సమస్యలకు గురి అవుతారు. పరిశోధనల ప్రకారం.. రోజుకు 12 గంటలకు పైగా కూర్చున్నవారికి గుండె సంబంధిత సమస్యలు వచ్చే అవకాశం. మరణానికి రిస్క్ రెండు రెట్లు పెరుగుతుంది. కదలికలు లేకపోవడం వలన రక్తంలోని చక్కెర, కొవ్వు స్థాయిలు పెరుగుతాయి, ఫలితంగా గుండెపై ఒత్తిడి కూడా ఎక్కువ అవుతుంది.
Updated on: Mar 26, 2026 | 8:21 PM
సుదీర్ఘంగా కూర్చోవడం, శారీరక శ్రమ లేకపోవడం గుండె సమస్యలు, రక్తనాళాల సమస్యలు, మరణానికి కూడా కారణం కావచ్చు. ఒక అధ్యయనంలో ఛాతీ నొప్పితో ఆసుపత్రిలో చేరిన 609 మంది రోగులను పరిశీలించినప్పుడు, వారిలో రోజుకు 12 గంటల కంటే ఎక్కువ కూర్చున్నవారికి, ఒక సంవత్సరం లోపు గుండె సమస్యలు వచ్చే అవకాశం రెండింతలుగా ఉంది. 09 గంటలు కూర్చున్నవారితో పోలిస్తే.. అంతకంటే ఎక్కువ సమయం కూర్చున్నవారికి ఆరోగ్య సమస్యలు ఎక్కువగా ఉన్నాయి.
కదలికల వల్ల లాభం
చిన్న చిన్న కదలికలు కూడా గుండె ఆరోగ్యానికి చాలా ఉపయోగకరంగా ఉంటాయి. రోజుకు 30 నిమిషాల వేగంగా నడక లేదా రన్నింగ్ → గుండె సమస్యలు 62% వరకు తగ్గుతాయి. 30 నిమిషాలు కూర్చుని ఉండటం బదులు నడక లేదా ఇంటి పనులు చేయడం వల్ల గుండెపోటు/మరణం 50% తగ్గుతుంది. 30 నిమిషాలు కూర్చోవడం బదులు పడుకోవడం వల్ల గుండె సమస్యలు 14% వరకు తగ్గుతాయి.
ప్రతి సంవత్సరం, ప్రపంచవ్యాప్తంగా సుమారు 90 లక్షల మంది ఛాతీ నొప్పితో ఆసుపత్రిలో చేరుతున్నారు. ఆసుపత్రి నుంచి డిశ్చార్జ్ అయిన తర్వాత కూడా ఛాతీ నొప్పి ఉంటే, అది గుండె సమస్యకు సంకేతం కావచ్చు.
వ్యాయామం చేయడం కష్టంగా అనిపించేవారు.. చిన్న చిన్న కదలికలు చేయడం కూడా ఆరోగ్యానికి చాలా మంచివి. శరీర కదలికలు చక్కెర, కొవ్వు స్థాయిలను నియంత్రిస్తాయి. రక్తనాళాలను ఆరోగ్యంగా ఉంచుతాయి, గుండెను బలంగా చేస్తాయి.
మొత్తంగా చెప్పాలంటే చాలా సమయంపాటు కూర్చోకండి. రోజూ చిన్న కదలికలు చేయండి. చిన్న నడకలు, పనులు, వ్యాయామాలు గుండె, రక్తనాళాలు, శరీర ఆరోగ్యం కోసం అత్యంత ముఖ్యమేనని ఆరోగ్య నిపుణులు కూడా చెబుతున్నారు.
(గమనిక: ఈ సమాచారం కేవలం అవగాహన కోసం మాత్రమే. ఆరోగ్య సమస్యల కోసం వైద్యుల సలహా తీసుకోండి)
