New Year: ఈ కొత్తేడాది మీకోసం మీరు ఈ గిఫ్ట్స్ ఇచ్చుకోండి.. కొత్త జీవితానికి వెల్కమ్ చెప్పండి.
కొత్తేడాది కోటి ఆశలతో వచ్చేస్తోంది. ఎన్నో కొత్త అవకాశాలను తీసుకొచ్చేందుకు సిద్ధమైంది. సహజంగా ప్రతీ ఏటా న్యూ ఇయర్కి కొత్తగా తీర్మానాలు తీసుకోవడం సహజమైన విషయమే. అయితే వీటిలో చాలా వరకు కొనసాగించలేరు. తీర్మాలను కొన్ని నెలలే ఫాలో అయ్యి ఆ తర్వాత పక్కన..
కొత్తేడాది కోటి ఆశలతో వచ్చేస్తోంది. ఎన్నో కొత్త అవకాశాలను తీసుకొచ్చేందుకు సిద్ధమైంది. సహజంగా ప్రతీ ఏటా న్యూ ఇయర్కి కొత్తగా తీర్మానాలు తీసుకోవడం సహజమైన విషయమే. అయితే వీటిలో చాలా వరకు కొనసాగించలేరు. తీర్మాలను కొన్ని నెలలే ఫాలో అయ్యి ఆ తర్వాత పక్కన పెట్టేస్తుంటారు. అయితే ఈసారి తీర్మానాలు తీసుకోవడం కాకుండా మీకు మీరు కొన్ని బహుమతులు ఇచ్చుకోండి. ఇవి మీ జీవితాన్ని మళ్లీ కొత్తగా ప్రారంభించేందుకు ఉపయోగపడతాయి. ఇంతకీ మీకు మీరు ఇచ్చుకోవాల్సిన ఆ బహుమతులు ఏంటంటే..
* మీకు పుస్తకాలను చదివే అలవాటు ఉంటే ఈ కొత్తేడాదిలో ఒక మంచి పుస్తకాన్ని మీకు మీరు బహుమతిగా ఇచ్చుకోండి. ఇది మీ మనస్సును ప్రశాంతంగా ఉండేందుకు దోహదపడుతుంది. మీ వ్యక్తిత్వాన్ని మెరుగుపరుస్తుంది. మంచి పుస్తకం స్నేహితుడితో సమానమనే విషయం తెలిసిందే.
* జీవితంలో కొత్త మార్పునకు నాంది పలికేందుకు గాను కొత్త కోర్సును నేర్చుకోండి. ఆ కోర్సు మీ నైపుణ్యాలను మెరుగు పరిచేదై ఉండాలి. మీ జ్ఞానాన్ని పెంపొందించే కోర్సును ఎంచుకోవాలి. ఇది మీకు మీరు ఇచ్చుకునే గొప్ప బహుమతి అవుతుంది.
* మీకు ట్రావెలింగ్ ఇష్టమైతే 2023లో ప్రయాణం చేయడానికి మీకు మీరు సమయాన్ని బహుమతిగా ఇచ్చుకోండి. వీలైతే ఒంటరిగా ప్రయాణించేలా ప్లాన్ చేసుకోండి. ట్రావెలింగ్ ఒత్తిడిని దూరం చేస్తుందని ఎన్నో పరిశోధనల్లో తేలింది. ఒకవేళ ఆర్థిక పరిస్థితి సపోర్ట్ చేయకపోతే కనీసం మీకు దగ్గరల్లో ఉండే ప్రదేశాలనైనా సందర్శించండి.
* జీవితంపై నిత్యం ఆసక్తి ఉండాలంటే కచ్చితంగా ఏదో ఒక లక్ష్యం ఉండాలి. స్థిరమైన ఒక లక్ష్యాన్ని ఎంచుకొని దాని కోసం కృషి చేయండి. వచ్చే ఏడాది మీకు మీరు ఇచ్చుకునే మరో బహుమతి ఈ లక్ష్యమేనని గుర్తుంచుకోండి.
మరిన్ని లైఫ్ స్టైల్ ఆర్టికల్స్ కోసం క్లిక్ చేయండి..