Health Tips: ఈ సమస్యలు ఉన్నాయా.. అయితే మర్చిపోయి కూడా వీటిని తినకండి.. లేదంటే ప్రమాదంలో పడతారు..
బంగాళదుంపను అందరూ ఇష్టపడుతుంటారు. ఎందుకంటే బంగాళదుంపలో ఎన్నో పోషకాలు ఉంటాయి. కానీ, కొన్ని ఆరోగ్య సంబంధిత సమస్యలు ఉంటే మాత్రం వీటిని మాత్రం తినొద్దు..
బంగాళాదుంప(Potatoes) ప్రతి ఒక్కరికీ చాలా ఇష్టం. దీనిని ఎక్కువగా ప్రతి కూరగాయలతో కలిపి వండుతుంటుంటారు. ఎందుకంటే బంగాళాదుంప తినడానికి రుచికరంగా ఉంటుంది. ఆరోగ్యాని(Health Tips)కి కూడా మేలు చేస్తుంది. విటమిన్ ఎ, పొటాషియం, విటమిన్ సి, మెగ్నీషియం, ఫాస్పరస్, జింక్, ఐరన్ వంటి అనేక ప్రయోజనకరమైన పోషకాలు బంగాళదుంపలో పుష్కలంగా ఉన్నాయి. దీనితో పాటు, కార్బోహైడ్రేట్లు, ప్రోటీన్లు, గ్లూకోజ్, అమైనో ఆమ్లాలు కూడా కనిపిస్తాయి. బంగాళదుంపలో అనేక ఔషధ గుణాలు ఉన్నాయని, ఇది అనేక సమస్యలను దూరం చేస్తుందని ఆయుర్వేదం చెబుతోంది. కానీ, బంగాళదుంపలు తినడం కొన్ని సమస్యలలో చాలా హానికరం అని చెబుతుంటారు. బంగాళాదుంపలను ఏ సమస్యలలో తినకూడదో ఇప్పుడు తెలుసుకుందాం.
ఎసిడిటీ – బంగాళదుంపల వినియోగం ఆమ్లత్వంలో హానికరంగా పరిగణిస్తున్నారు. మీరు బంగాళాదుంపలను క్రమం తప్పకుండా తీసుకుంటే, దీని కారణంగా ఎసిడిటీ సమస్య మరింత పెరుగుతుంది. ఇది కాకుండా, బంగాళాదుంపలను తినడం వల్ల గ్యాస్ ఏర్పడే సమస్య కూడా వస్తుంది. కొంతమంది బంగాళాదుంపలను అధికంగా తీసుకోవడం వల్ల ఉబ్బరం సమస్యను కూడా ఎదుర్కోవలసి ఉంటుంది. దీని కారణంగా వైద్యులు ఇలాంటి వారిని బంగాళాదుంపలను తినొద్దని చెబుతుంటారు.
షుగర్- షుగర్ పేషెంట్లు బంగాళదుంపలను తినకూడదు. టైప్ 2 డయాబెటిస్ లేదా హై బ్లడ్ షుగర్ ఉన్నవారు బంగాళాదుంపలను తినకూడదు. బంగాళాదుంపలో గ్లైసెమిక్ ఇండెక్స్ ఎక్కువగా ఉంటుంది. దాని వినియోగం రక్తంలో చక్కెరను అంటే శరీరంలో గ్లూకోజ్ మొత్తాన్ని పెంచుతుంది. దీని వల్ల చక్కెర సమస్య పెరిగే ప్రమాదం ఉంది.
రక్తపోటు- రక్తపోటు ఉన్న రోగులు బంగాళాదుంపలను తక్కువ పరిమాణంలో తీసుకోవాలి. ఎక్కువ బంగాళదుంపలు తినడం వల్ల రక్తపోటు అధికమయ్యే ఛాన్స్ ఉంది. కాబట్టి, అలాంటి వారు బంగాళదుంపలను తక్కువ పరిమాణంలో మాత్రమే తినాలి.
ఊబకాయం- ఊబకాయం సమస్యతో బాధపడుతుంటే మాత్రం.. బంగాళదుంపలు చాలా హానికరంగా మారతాయి. బంగాళదుంపల్లో పిండి పదార్ధాలు అధికంగా ఉంటాయి. దీని కారణంగా బరువు వేగంగా పెరిగే ఛాన్స్ ఉంటుంది. బరువు తగ్గాలనుకుంటే మాత్రం తక్కువ పరిమాణంలో బంగాళదుంపలు తినడం మంచింది.
గమనిక: ఈ కథనంలో పేర్కొన్న పద్ధతులు కేవలం సూచనలుగా మాత్రమే తీసుకోండి. ఇటువంటి చికిత్స/మందు/ఆహారం అనుసరించే ముందు తప్పకుండా వైద్యుడిని సంప్రదించి, సరైన నిర్ణయం తీసుకోండి.
Also Read: Coconut Water Benefits: వేసవిలో కొబ్బరి నీళ్లు తాగితే ఎన్నో ప్రయోజనాలు.. తెలిస్తే ఔరా అనాల్సిందే..
Sleep Attack: స్లీప్ అటాక్.. ఈ వ్యాధి చాలా డేంజర్ గురూ.. ఈ లక్షణాలు ఉంటే జాగ్రత్త..!
