Bad Cholesterol: బ్యాడ్ కొలెస్ట్రాల్ తగ్గాలంటే ఈ డ్రైఫ్రూట్స్‌ తినాల్సిందే..!
సాధారణంగా శరీరంలో పెరిగే అధిక కొవ్వువల్లే ఈ రోగాలు చుట్టుముడుతుంటాయి. అందుకే చెడు కొవ్వుని తగ్గించుకోవాలి. లేదంటే జీవితాంతం ఇబ్బందులు పడాల్సి ఉంటుంది.
Updated on: Jun 11, 2022 | 1:09 PM
Bad Cholesterol: ప్రస్తుత జీవనశైలిలో చాలా మంది ఆరోగ్యం పట్ల శ్రద్ధ వహించలేకపోతున్నారు. ఉద్యోగాల వల్ల చాలమంది సమయానికి తినలేకపోవడం, వ్యాయామాలు చేయలేకపోవడంతో కొలెస్ట్రాల్, గుండెపోటు, మధుమేహం వంటి వ్యాధులతో బాధపడుతున్నారు. అయితే కొన్ని జాగ్రత్తలు తీసుకుంటే ఈ వ్యాధులకి దూరంగా ఉండవచ్చని నిపుణులు అంటున్నారు. కానీ, చాలామంది పలు వ్యాధుల బారిన పడ్డ తర్వాత బాధపడుతుంటుంటారు. ఒక్కసారి ఈ వ్యాధులు వచ్చాక మందులు కచ్చితంగా వాడాల్సిందే. సాధారణంగా శరీరంలో పెరిగే అధిక కొవ్వువల్లే ఈ రోగాలు చుట్టుముడుతుంటాయి. అందుకే చెడు కొవ్వుని తగ్గించుకోవాలి. లేదంటే జీవితాంతం ఇబ్బందులు పడాల్సి ఉంటుంది. ఒంట్లోని బ్యాడ్ కెలెస్ట్రాల్‌ని ఎలా తొలగించుకోవాలో ఇప్పుడు తెలుసుకుందాం.
మీరు కొన్ని ఆరోగ్యకరమైన డ్రై ఫ్రూట్స్ తినడం ద్వారా పెరిగిన కొలెస్ట్రాల్‌ను తగ్గించుకోవచ్చు. అవేంటంటే?
- వాల్‌నట్‌లు, బాదంపప్పులు, పిస్తాపప్పులని డైట్‌లో చేర్చుకుంటే చాలా మంచిది. కొలెస్ట్రాల్‌ను
- నియంత్రించడానికి మీరు వాల్‌నట్‌లను తినవచ్చు. వీటివల్ల శరీరంలోని చెడు కొలెస్ట్రాల్ తగ్గుతుంది.
- వాల్‌నట్స్‌లో ఒమేగా-3 ఫ్యాటీ యాసిడ్‌లు, మోనోశాచురేటెడ్ కొవ్వులు పుష్కలంగా ఉంటాయి.
- మీ ఆహారంలో బాదంపప్పును చేర్చుకుంటే చాలా మంచిది. ఎందుకంటే ఫిట్‌గా ఉండాలంటే రోజూ బాదంపప్పు తినాలని వైద్యులు సూచిస్తారు.
- బాదంపప్పులో అమినో యాసిడ్స్ ఉంటాయి. ఇవి శరీరంలో నైట్రిక్ ఆక్సైడ్‌ను తయారు చేస్తాయి.
- మీరు రోజూ పిస్తాపప్పులు కూడా తినాలి. కొన్ని పిస్తాపప్పులు తింటే మంచి కొలెస్ట్రాల్ పెరిగి చెడు కొలెస్ట్రాల్ తగ్గుతుంది.
- పెరిగిన కొలెస్ట్రాల్‌ను తగ్గించడానికి పిస్తాపప్పులని డైట్‌లో చేర్చుకుంటే మంచిది. విత్తనాలు మన ఆరోగ్యానికి చాలా మేలు చేస్తాయి.
- పెరిగిన చెడు కొలెస్ట్రాల్‌ను తగ్గించడానికి మీరు అవిసె గింజలను కూడా ఉపయోగించవచ్చు.
గమనిక: ఈ కథనం కేవలం మీ అవగాహన కోసమే అందించాం. ఆరోగ్యానికి సంబంధించిన సమస్యల పట్ల నిర్ణయాలను తీసుకునే ముందు డాక్టర్లను సంప్రదించండి.
