ధోనీ ఫేవరెట్ బట్టర్ చికెన్ మసాలా..! రెస్టారెంట్ స్టైల్ రెసిపీ..!

ఇంకా ఇష్టమైన మరో రెసిపీ కూడా ఉంది. అదే బట్టర్ చికెన్ మసాలా రెసిపీ.. ఇది ఎమ్.ఎస్ ధోనీకి ఫేవరెట్ ఫుడ్. ఇంట్లోనే ఈ స్పెషల్ డిష్ ని తయారు చేసుకోవచ్చు. రుచికరమైన గ్రేవీ, మృదువైన చికెన్ ముక్కలతో ఈ రెసిపీ రెస్టారెంట్ స్టైల్ టేస్ట్ ఇస్తుంది. ఇంట్లోనే ఈ రెసిపీని సులభంగా తయారు చేసి మీ కుటుంబ సభ్యులతో ఆస్వాదించండి.

మారినేషన్ కోసం కావాల్సిన పదార్థాలు

• చికెన్ – ½ కిలో
• పెరుగు – 4 టేబుల్ స్పూన్లు
• రెడ్ చిలీ పొడి – ¾ టీ స్పూన్
• గరం మసాలా – ½ టీ స్పూన్
• అల్లం-వెల్లుల్లి పేస్ట్ – 2 టీ స్పూన్లు
• పసుపు – చిటికెడు
• ఉప్పు – 1 టీ స్పూన్

గ్రేవీ కోసం కావాల్సిన పదార్థాలు

• బట్టర్ – 2 టేబుల్ స్పూన్లు
• ఉల్లిపాయ – 2 (సన్నగా తరిగినవి)
• టమోటా గుజ్జు – 1 ½ కప్పు
• కాజూ – 6
• బాదం – 5
• గరం మసాలా – ½ టీ స్పూన్
• ధనియాల పొడి – 1 టీ స్పూన్
• బిర్యానీ ఆకు – 1
• ఏలకులు – 3
• లవంగాలు – 3
• దాల్చిన చెక్క – 1 చిన్న ముక్క
• అల్లం-వెల్లుల్లి పేస్ట్ – 1 టీ స్పూన్
• కాశ్మీరి మిర్చి – 3 (చిన్న ముక్కలుగా కట్ చేయాలి)
• ఫ్రెష్ క్రీమ్ – 3 టేబుల్ స్పూన్లు
• కొత్తిమీర – గార్నిష్‌కి

తయారీ విధానం

ముందుగా చికెన్‌ను పై చెప్పిన అన్ని పదార్థాలతో బాగా కలిపి కనీసం 4-6 గంటలు ఫ్రిడ్జ్‌లో ఉంచాలి. మరింత రుచిగా కావాలంటే ఒక రాత్రంతా మారినేట్ చేయడం మంచిది.

ఇప్పుడు గ్రేవీ సిద్ధం చేసేందుకు పాన్‌లో 1 టేబుల్ స్పూన్ బట్టర్ వేసి ఉల్లిపాయలను ముదురు రంగు వచ్చే వరకు వేయించాలి. అందులో టమోటా గుజ్జు వేసి 5 నిమిషాలు ఉడికించి.. కాజూ, బాదం వేసి మరో 2 నిమిషాలు వేయించాలి. దీనికి ధనియాల పొడి, గరం మసాలా వేసి బాగా కలిపి ఒక కప్పు నీరు పోసి మగ్గించాలి. స్టవ్ ఆఫ్ చేసి ఈ గ్రేవీ చల్లారిన తర్వాత మిక్సీలో బ్లెండ్ చేయాలి.

మరో పాన్‌లో 1 టేబుల్ స్పూన్ బట్టర్ వేసి బిర్యానీ ఆకు, లవంగాలు, ఏలకులు, దాల్చిన చెక్క, అల్లం-వెల్లుల్లి పేస్ట్, కాశ్మీరి మిర్చి వేసి వేయించాలి. మారినేట్ చేసిన చికెన్‌ను వేసి 5 నిమిషాలు వేయించాలి. చివరగా మిక్సీలో బ్లెండ్ చేసిన గ్రేవీని ఈ మిశ్రమంలో వేసి బాగా కలిపి చిన్న మంటపై ఉడికించాలి. చికెన్ పూర్తిగా ఉడికిన తర్వాత ఫ్రెష్ క్రీమ్ కలిపి కొత్తిమీరతో గార్నిష్ చేసి వేడిగా సర్వ్ చేయాలి. మీరు ఒక్కసారి ఈ వంటకాన్ని తయారు చేయండి.. మీ కుటుంబ సభ్యులతో ఆస్వాదించండి.