Budamkaya: బుడంకాయతో ఆరోగ్య ప్రయోజనాలు బోలెడు.. ఇక, రుచి చూస్తే అసలు వ‌ద‌ల‌రు..!
బుడంకాయలో క్యాల‌రీలు తక్కువగా ఉండి నీటి శాతం ఎక్కువ‌గా ఉంటుంది. వీటిని ఆహారంగా తీసుకోవ‌డం వల్ల జీర్ణశ‌క్తి మెరుగుప‌డ‌డంతోపాటు శ‌రీరానికి ఎంతో మేలు క‌లుగుతుంది. బుడం కాయ‌ల‌లో పొటాషియం, కాల్షియం, ప్రోటీన్స్, విటమిన్ సి, విటమిన్ కె, ఫైబ‌ర్ ల‌తోపాటు యాంటీ ఆక్సిడెంట్లు కూడా అధికంగా ఉంటాయి. బుడంకాయ‌ల‌తో ప‌ప్పును, కూర‌ను, ప‌చ్చ‌డిని కూడా తయారు చేసుకోవ‌చ్చు. బుడంకాయ‌ల‌తో చేసే ప‌చ్చ‌డి చాలా రుచిగా ఉంటుంది.
మీరు అనేక రకాల కూరగాయలను చూస్తుంటారు. తింటారు. కానీ మీరు ఎప్పుడైనా పుచ్చకాయలా కనిపించే ఈ కూరగాయను తిన్నారా..? ఈ కూరగాయల పేరు బుడంకాయ. ఈ చిన్న కూరగాయలో పోషకాల సంపద నిండి ఉంది. బుడంకాయతో అనేక ఆరోగ్య ప్రయోజనాలు ఉన్నాయి. మ‌న‌కు చాలా తక్కువగా ల‌భించే కూర‌గాయ‌ల‌ల్లో బుడం కాయ‌లు కూడా ఒక‌టి. ఇవి గ్రామాల‌లో ఎక్కువ‌గా ల‌భిస్తూ ఉంటాయి. బుడం కాయ‌లు దొండ‌కాయల లాగా చిన్న‌గా ఉంటాయి. ఇవి చూడ‌డానికి దోస‌కాయ‌ల లాగా ఉండ‌డం వల్ల వీటిని బుడం దోస‌కాయ‌లు అని కూడా అంటుంటారు. ఇవి కూడా దోస‌కాయ జాతికి చెందిన‌వే. వీటినే కొన్ని ప్రాంతాల్లో అడవి పుచ్చకాయ అని కూడా పిలుస్తారు. ఇది పుచ్చకాయ లాగా ఉంటుంది. కానీ పరిమాణంలో చాలా చిన్నది. ఆరోగ్య ప్రయోజనాలు మాత్రం బోలేడు.. !
బుడంకాయలో క్యాల‌రీలు తక్కువగా ఉండి నీటి శాతం ఎక్కువ‌గా ఉంటుంది. వీటిని ఆహారంగా తీసుకోవ‌డం వల్ల జీర్ణశ‌క్తి మెరుగుప‌డ‌డంతోపాటు శ‌రీరానికి ఎంతో మేలు క‌లుగుతుంది. బుడం కాయ‌ల‌లో పొటాషియం, కాల్షియం, ప్రోటీన్స్, విటమిన్ సి, విటమిన్ కె, ఫైబ‌ర్ ల‌తోపాటు యాంటీ ఆక్సిడెంట్లు కూడా అధికంగా ఉంటాయి. బుడంకాయ‌ల‌తో ప‌ప్పును, కూర‌ను, ప‌చ్చ‌డిని కూడా తయారు చేసుకోవ‌చ్చు. బుడంకాయ‌ల‌తో చేసే ప‌చ్చ‌డి చాలా రుచిగా ఉంటుంది.
బుడంకాయ తినడం వల్ల ఆకలి పెరుగుతుంది. ఆకలి తక్కువగా ఉన్నవారు ఈ కూరగాయలను తినడం ప్రయోజనకరంగా ఉంటుంది. తరచూ ఈ బుడం దోసకాయను మీ ఆహారంలో చేర్చుకోవటం వల్ల ఆకలి స్థాయిలను మెరుగుపరచడంలో సహాయపడుతుంది. బుడం దోసకాలో మూత్రవిసర్జన గుణాలు ఉన్నాయి. ఇది మూత్ర ఉత్పత్తిని ప్రోత్సహిస్తుంది. శరీరం నుండి విషాన్ని తొలగించడంలో సహాయపడుతుంది. మీ కిడ్నీలు ఎల్లప్పుడూ ఆరోగ్యంగా ఉండాలని మీరు కోరుకుంటే, మీరు తరచూగా ఈ బుడంకాయను తింటూ ఉండాలంటున్నారు నిపుణులు.
బుడంకాయలో తక్కువ గ్లైసెమిక్ ఇండెక్స్ కలిగి ఉంటుంది. దీన్ని తింటే రక్తంలో చక్కెర స్థాయి పెరగదు. అంతే కాకుండా ఇందులో మెగ్నీషియం కూడా పుష్కలంగా లభిస్తుంది. ఇది గ్లూకోజ్, ఇన్సులిన్ జీవక్రియలో నేరుగా పాల్గొనే ఒక ఖనిజం. అటువంటి పరిస్థితిలో డయాబెటిస్ సమస్య ఉన్నవారు ఎలాంటి అపోహా లేకుండా ఈ కూరగాయలను తినవచ్చు. బడంకాయలోని విటమిన్ సి, నీరు, కొల్లాజెన్ ఉత్పత్తిని ప్రోత్సహిస్తాయి. ఇది గాయాలను త్వరగా నయం చేస్తుంది. సూర్య కిరణాల వల్ల కలిగే నష్టాలను తొలగిస్తుంది.
బుడంకాయలో మెగ్నీషియం, జింక్ పుష్కలంగా ఉంటాయి. ఈ రెండు ఖనిజాలు మానసిక ఆరోగ్యాన్ని ఆరోగ్యంగా ఉంచుతాయి. మెగ్నీషియం, జింక్ రెండూ న్యూరోట్రాన్స్మిటర్ల ఉత్పత్తిలో పాల్గొంటాయి. ఇవి మానసిక స్థితిని ప్రభావితం చేస్తాయి. మీరు బయట తయారు చేసిన అనారోగ్యకర ఆహారాలు తినడం ద్వారా డిప్రెషన్, ఆందోళన వంటి కొన్ని మూడ్ సంబంధిత రుగ్మతల నుండి కూడా సురక్షితంగా ఉండవచ్చు.
మరిన్ని లైఫ్ స్టైల్ న్యూస్ కోసం క్లిక్ చేయండి..