Onion for Skin Care: ముఖానికి ఉల్లిరసం రాస్తే ఏమవుతుందో తెలుసా..? నిపుణులు ఏం చెబుతున్నారంటే..
ఇలా అప్లై చేసిన 10 నిమిషాల తర్వాత నార్మల్ వాటర్ తో కడిగేసుకోవాలి. ఇది మీ చర్మం అందంగా, కాంతివంతంగా మెరవడానికి సహాయపడుతుంది. అయితే, ఈ ప్యాక్‌ వాడేందుకు ముందుగా ప్యాచ్‌ టెస్ట్‌ తప్పనిసరిగా చేసుకోవాలి. ఏదైనా ప్రతి చర్య ఉంటే ముఖానికి వాడటం మానేయాలని నిపుణులు చెబుతున్నారు.
Updated on: Apr 17, 2025 | 8:54 PM
ముఖం మీద తెల్ల మచ్చలు, నల్ల మచ్చలు, మొటిమలు వంటివి చాలా మందికి వస్తుంటాయి. ఇవి ముఖం అందాన్ని తగ్గిస్తాయి. కానీ ఇలా వస్తే మహిళలు ఊరుకుంటారా? తెగ టెన్షన్ పడుతూ మార్కెట్లోని ఏవేవో ఉత్పత్తులు ఉపయోగిస్తారు. ఈ మచ్చలు అందాన్ని తగ్గిస్తాయి అని మరికొందరు ఉల్లిరసాన్ని కూడా ముఖానికి అప్లై చేస్తుంటారు. అయితే, చర్మ సౌందర్యానికి ఉల్లి రసం వాడటం మంచిదేనా..? చర్మ సంరక్షణ నిపుణులు చెబుతున్నారంటే…
చర్మం సున్నితంగా ఉన్న వారికి ఉల్లిరసం రాస్తే చర్మం మీద మంట, చికాకు వంటి సమస్యలు వస్తాయి. దద్దుర్లు కూడా వస్తాయి. ముఖ సమస్యలు మాత్రమే కాదు కంటి ఇన్ఫెక్షన్లు కూడా వస్తాయి అంటున్నారు నిపుణులు. ముఖానికి ఉల్లి రసం అప్లై చేయటం వల్ల స్కిన్ అలర్జీ వచ్చే అవకాశం ఉందని నిపుణులు చెబుతున్నారను. అందుకే ముఖానికి నేరుగా ఉల్లిరసం పూయటం సరైనది కాదని అంటున్నారు.
అయితే, ఉల్లి రసంలో కొన్ని రకాల పదార్థాలను కలిపి అప్లై చేయటం వల్ల ఫలితం ఉంటుందని నిపుణులు చెబుతున్నారు. ఇందుకోసం ఉల్లిపాయ రసంలో నిమ్మరసం లేదా పెరుగు మిక్స్ చేసి ఆ మిశ్రమాన్ని చర్మానికి అప్లై చేయాలని చెబుతున్నారు. ఇలా అప్లై చేసిన 10 నిమిషాల తర్వాత నార్మల్ వాటర్ తో కడిగేసుకోవాలి. ఇది మీ చర్మం అందంగా, కాంతివంతంగా మెరవడానికి సహాయపడుతుంది. అయితే, ఈ ప్యాక్‌ వాడేందుకు ముందుగా ప్యాచ్‌ టెస్ట్‌ తప్పనిసరిగా చేసుకోవాలి. ఏదైనా ప్రతి చర్య ఉంటే ముఖానికి వాడటం మానేయాలని నిపుణులు చెబుతున్నారు.
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)
మరిన్ని లైఫ్ స్టైల్ న్యూస్ కోసం క్లిక్ చేయండి..
