గుడ్డు తింటే దగ్గు, జలుబు నుంచి ఉపశనం పొందొచ్చా? ఇందులో నిజమెంత..

గుడ్లను క్రమం తప్పకుండా తీసుకోవడం వల్ల అనేక ఆరోగ్య ప్రయోజనాలు ఉన్నాయి. అందుకే గుడ్లను సూపర్‌ఫుడ్‌లు అంటారు. గుడ్డు తినేందుకు రుచిగా ఉండటంతో పాటు, అవి శరీరానికి అవసరమైన పోషకాలను కూడా అందిస్తాయి. గుడ్డులోని తెల్ల భాగం, పచ్చసొన దేనిని విడిచి పెట్టకుండా మొత్తం గుడ్డు తినడం ఆరోగ్యానికి మేలు చేస్తుందని ఆరోగ్య నిపుణులు అంటున్నారు. గుడ్డులోని తెల్ల భాగంలో ప్రోటీన్ అధికంగా ఉంటుంది. ఇక పచ్చసొనలో ప్రోటీన్, కొవ్వు, విటమిన్లు, ఖనిజాలు ఉంటాయి. ఈ ప్రయోజనాలన్నింటితో పాటు గుడ్లు దగ్గు, జలుబు వంటి ఆరోగ్య సమస్యల నుంచి బయటపడటానికి సహాయపడుతుంది అని చాలా మంది నమ్ముతారు.

నిజానికి గుడ్లు దగ్గు,జలుబు నుండి ఉపశమనం పొందడంలో ప్రత్యక్షంగా సహాయపడకపోయినా అవి పరోక్షంగా కూడా సహాయపడతాయి. గుడ్లు రోగనిరోధక శక్తిని పెంచుతాయి. అవి దగ్గును త్వరగా నయం చేయడంలో సహాయపడతాయి. గుడ్లలో ప్రోటీన్ అధికంగా ఉండటం వల్ల, ఇవి శరీరానికి అవసరమైన శక్తిని అందిస్తాయి. ఇవి దగ్గు, జలుబుకు వ్యతిరేకంగా పోరాడటానికి శరీరానికి సహాయపడతాయి. గుడ్లలో విటమిన్ డి, బి12 లతో పాటు శరీరానికి అవసరమైన ఇతర పోషకాలు అందిస్తాయి. ఇవి శరీరానికి శక్తిని అందిస్తాయి. ఈ పోషకాలు శరీరాన్ని సహజంగా రక్షించడంలో కూడా సహాయపడతాయి. అందువల్ల అధిక దగ్గు, జలుబు ఉన్నప్పుడు గుడ్లు తినడం సురక్షితమని నిపుణులు కూడా చెబుతున్నారు.

గుడ్లు తినేటప్పుడు గొంతును తేమగా ఉంచడానికి, దగ్గు వల్ల కలిగే అసౌకర్యాన్ని తగ్గించడానికి పుష్కలంగా నీళ్లు తాగాలి. దీనితోపాటు పసుపు, తేనెతో వెచ్చని పాలు లేదా తులసి, తేనె మిశ్రమం కలిపిన నీళ్లు తాగడం వల్ల దగ్గు నుంచి మరింత ఉపశమనం లభిస్తుంది. దగ్గు తీవ్రంగా ఉంటే లేదా జ్వరం, శ్వాస తీసుకోవడంలో ఇబ్బంది, ఇతర తీవ్రమైన లక్షణాలు కనిపిస్తే వెంటనే వైద్యుడిని సంప్రదించడం మర్చిపోకూడదు.

ఇవి కూడా చదవండి

ఇంటర్ హాల్‌టికెట్ల 2026లో తప్పులు దొర్లాయా? ఇలా సరిచేసుకోండి

పట్టపగలు దారుణం.. బిజీ రోడ్డుపై సినీ ఫక్కీలో యువతి కిడ్నాప్‌!

తిండి పెట్టని కొడుకులు.. ఆస్తి మొత్తం పంచాయతీకి రాసిన తండ్రి!

బడి పిల్లలకు తీపికబురు.. స్కూళ్లకు మరో 4 రోజులు వరుస సెలవులు?

మరిన్ని ఆరోగ్య కథనాల కోసం క్లిక్‌ చేయండి.