Hair Loss: ఈ ఆహారాలు తింటే బట్టతల గ్యారెంటీ..! కాస్త చూస్కోండి

విటమిన్ డి ఇన్ఫెక్షన్లతో పోరాడటానికి సహాయపడుతుంది. దీని లోపం తల దురద, జుట్టు రాలడానికి కారణమవుతుంది. ఈ లోపాన్ని అధిగమించడానికి మీరు సప్లిమెంట్లను తీసుకోవాల్సి ఉంటుంది.

నేటి రోజుల్లో చాలా మంది ఎదుర్కొంటున్న అతి పెద్ద సమస్య జుట్టు రాలడం. అధిక నూనె, రసాయన షాంపూల వాడకం, ఒత్తిడి, పేలవమైన జీవనశైలి ఇవన్నీ ఈ సమస్యకు ప్రధాన కారణాలు. దీనితో పాటు తీసుకునే ఆహారం కూడా జుట్టు రాలడానికి ఒక కారణం. అవును.. కొన్ని ఆహార పదార్థాలను అధికంగా తీసుకోవడం వల్ల జుట్టు మూలాలు బలహీనపడి జుట్టు రాలడం సమస్య పెరుగుతుంది. ఆ ఆహారాలు ఏమిటో ఇక్కడ తెలుసుకుందాం..

జుట్టు రాలడానికి కారణమయ్యే ఆహారాలు ఇవే..

చక్కెర

జుట్టు రాలడానికి చక్కెర ఎక్కువగా తీసుకోవడం కూడా ఒక కారణం. చక్కెర ఎక్కువగా తీసుకోవడం వల్ల రక్తంలో చక్కెర స్థాయిలు పెరుగుతాయి. ఇది శరీరంలో ఇన్సులిన్, ఆండ్రోజెన్ హార్మోన్ల అసమతుల్యతకు దారితీస్తుంది. ఈ హార్మోన్లు జుట్టు కుదుళ్లను కుదించుతాయి. ఇది జుట్టు రాలడానికి, జుట్టు పెరుగుదలను కుదిస్తుంది.

జంక్ ఫుడ్

ఫాస్ట్ ఫుడ్, వేయించిన ఆహారాలలో అధిక మొత్తంలో అనారోగ్యకరమైన కొవ్వులు ఉంటాయి. ఇవి జుట్టును బలహీనపరుస్తాయి. జుట్టు రాలే ప్రమాదాన్ని పెంచుతాయి.

ఉప్పు

ఉప్పు ఎక్కువగా తీసుకోవడం వల్ల శరీరం డీహైడ్రేట్ అవ్వడమే కాకుండా తల చర్మం కూడా బలహీనపడుతుంది. దీనివల్ల జుట్టు మూలాలు బలహీనపడి జుట్టు రాలడం జరుగుతుంది.

ఆల్కహాల్

ఆల్కహాల్ డీహైడ్రేషన్‌ను పెంచుతుంది. శరీరంలో జింక్, ఇతర ముఖ్యమైన పోషకాల తగ్గుదలకు దారితీస్తుంది. జింక్ లోపం జుట్టు పెరుగుదలను అడ్డుకుంటుంది. జుట్టు రాలడాన్ని పెంచుతుంది.

ప్రాసెస్ చేసిన ఆహారాలు

ప్రాసెస్ చేసిన కార్బోహైడ్రేట్ ఆహారాలు DHT (డైహైడ్రోటెస్టోస్టెరాన్) హార్మోన్ స్థాయిలను పెంచుతాయి. ఈ హార్మోన్ జుట్టు మూలాలను బలహీనపరుస్తుంది. జుట్టు రాలడానికి దారితీస్తుంది.

కెఫిన్ ఎక్కువగా తీసుకోవడం

కెఫిన్ ఎక్కువగా తీసుకోవడం వల్ల డీహైడ్రేషన్ కూడా వస్తుంది. దీని వల్ల తల చర్మం పొడిబారిపోతుంది. జుట్టు పెరుగుదలను ప్రతికూలంగా ప్రభావితం చేస్తుంది.

మరిన్ని ఆరోగ్య కథనాల కోసం క్లిక్‌ చేయండి.