Chicken: చికెన్ లెగ్ Vs చికెన్ చెస్ట్.. ఎందులో ప్రోటీన్ ఎక్కువగా ఉంటుంది..? ఆరోగ్యానికి ఏది మంచిదో తెలసా..?

చికెన్ అంటే చాలా మంది ఇష్టంగా తింటారు. చికెన్‌లో ఎన్నో పోషకాలు ఉన్నాయి. కాబట్టి ఇది ఆరోగ్యానికి చాలా మంచిది. కానీ చికెన్‌లో ఏ పార్ట్‌లో ఎక్కువ పోషకాలు ఉంటాయి అనేది చాలా మందికి తెలియదు. ఆ విషయాలు ఈ స్టోరీలో తెలుసుకుందాం..

Chicken Breast Vs Leg

Krishna S |
Updated on: Sep 12, 2025 | 8:33 PM

చికెన్ అంటే ఎవరికీ ఇష్టం ఉండదు. అందరూ లొట్టలు ఏసుకుంటూ తింటారు. అసలు చికెన్ ముక్క లేనిదే ముద్ద పెట్టనివారు చాలా మంది ఉన్నారు. అటు ఆరోగ్యానికి సైతం చికెన్ చాలా మంది. సహజంగా లభించే ప్రోటీన్ కోసం చికెన్ ఒక అద్భుతమైన ఎంపిక. ముఖ్యంగా కండరాలను పెంచుకోవాలనుకునే వారికి, బరువు తగ్గాలనుకునే వారికి, అలాగే ఆరోగ్యకరమైన జీవనశైలిని పాటించే వారికి చికెన్ చాలా సహాయపడుతుంది. కానీ చికెన్‌లోని అన్ని భాగాలు ఒకే రకమైన పోషకాలను కలిగి ఉండవు. ఏ భాగాన్ని ఎలా వండుకొని తింటే ఆరోగ్యానికి మంచిదో ఇప్పుడు తెలుసుకుందాం.

చికెన్: ఏ భాగంలో ఎక్కువ ప్రోటీన్..?

మీరు బరువు తగ్గడం లేదా కండరాలను పెంచుకోవాలని అనుకుంటున్నారా..? అయితే చికెన్ ఏ భాగంలో ప్రోటీన్ ఎక్కువ ఉంటుందో తెలుసుకోవడం అవసరం. 100 గ్రాముల చికెన్‌లో ఉండే పోషకాలు ఈ కింది విధంగా ఉంటాయి:

చికెన్ బ్రెస్ట్: ఇందులో 31 గ్రాముల ప్రోటీన్, 3.6 గ్రాముల కొవ్వు, 165 కేలరీలు ఉంటాయి. బరువు తగ్గాలనుకునే వారికి, కండరాలను కాపాడుకోవాలనుకునే వారికి ఇది ఉత్తమమైన ఎంపిక.

చికెన్ లెగ్స్: ఇందులో 26 గ్రాముల ప్రోటీన్, 10.9 గ్రాముల కొవ్వు, 209 కేలరీలు ఉంటాయి.

చికెన్ వింగ్స్: ఇందులో 30.5 గ్రాముల ప్రోటీన్, 8.1 గ్రాముల కొవ్వు, 290 కేలరీలు ఉంటాయి.

చికెన్ డ్రమ్ స్టిక్: ఇందులో 28 గ్రాముల ప్రోటీన్, 5.7 గ్రాముల కొవ్వు, 175 కేలరీలు ఉంటాయి.

మీ లక్ష్యం ప్రకారం ఎంచుకోండి

బరువు తగ్గే వారికి: చికెన్ బ్రెస్ట్ ఉత్తమ ఎంపిక. ఇందులో ప్రోటీన్ ఎక్కువగా, కొవ్వు, కేలరీలు చాలా తక్కువగా ఉంటాయి. ఇది కండరాల నిర్వహణకు, బరువు తగ్గడానికి సహాయపడుతుంది.

జిమ్ చేసే వారికి: చికెన్ థైస్, వింగ్స్, డ్రమ్ స్టిక్స్ మంచివి. వీటిలో కేలరీలు, కొవ్వు ఎక్కువగా ఉంటాయి. ఇది కండరాల పెరుగుదలకు, బరువు పెరగడానికి సహాయపడుతుంది.