Anty Aging Diet: వయసు పెరిగినా నవయవ్వనంగా ఉండాలంటే.. రోజూ ఉదయాన్నే ఇలా చేయండి
వృద్ధాప్యం అనేది ఆపలేని ప్రక్రియ. వృద్ధాప్య సంకేతాలు చర్మం, ఆరోగ్యంపై స్పష్టంగా కనిపిస్తాయి. చర్మంలోని కొల్లాజెన్ ఉత్పత్తి తగ్గడం వల్ల చర్మం వదులుగా మారడం, ముడతలు ఏర్పడటం ప్రారంభమవుతుంది. దీనితో పాటు ఆరోగ్యంలో కూడా తేడా కనిపిస్తుంది. త్వరగా అలసిపోవడం, బరువు పెరగడం, కీళ్ళు..
వృద్ధాప్యం అనేది ఆపలేని ప్రక్రియ. వృద్ధాప్య సంకేతాలు చర్మం, ఆరోగ్యంపై స్పష్టంగా కనిపిస్తాయి. చర్మంలోని కొల్లాజెన్ ఉత్పత్తి తగ్గడం వల్ల చర్మం వదులుగా మారడం, ముడతలు ఏర్పడటం ప్రారంభమవుతుంది. దీనితో పాటు ఆరోగ్యంలో కూడా తేడా కనిపిస్తుంది. త్వరగా అలసిపోవడం, బరువు పెరగడం, కీళ్ళు – కండరాలలో నొప్పి… వంటివి వృద్ధాప్యాన్ని ఆపలేకపోయినా, దాని లక్షణాలను చాలా వరకు నియంత్రించవచ్చు. రొటీన్ డైట్ మధ్య సరైన సమన్వయం ఉంటే, వయస్సు పెరుగుతున్నప్పటికీ చర్మం బిగుతుగా ఉంటుందంటున్నారు నిపుణులు. దీంతో శరీరంలో కూడా ఫిట్‌గా ఉంటుంది. ఆహారంతో పాటు, వ్యాయామం, నిద్ర, మొదలైనవాటిని నియంత్రించినట్లయితే, వయస్సు పెరిగే కొద్దీ, ముఖం యవ్వనంగా కనిపించడమే కాకుండా, వయస్సు సంబంధిత ఆరోగ్య సమస్యలకు కూడా దూరంగా ఉండవచ్చు. అయితే ఆహారంలో ఏయే వాటిని చేర్చుకోవాలో ఇక్కడ తెలుసుకుందాం..
నానంబెట్టిన బాదం
రోజును నానబెట్టిన బాదంతో ప్రారంభించాలి. మూడు నుండి నాలుగు బాదంపప్పులు, వాల్‌నట్‌లను రాత్రంతా నానబెట్టాలి. వీటిని ఉదయాన్నే తినాలి. వాటిలో విటమిన్ ఇ ఉంటుంది. ఇది చర్మానికి చాలా మేలు చేస్తుంది. ఈ గింజల్లో ప్రోటీన్ పుష్కలంగా ఉంటుంది. ఇవి మిమ్మల్ని శారీరకంగా, మానసికంగా ఆరోగ్యంగా ఉంచుతుంది.
సిట్రస్‌ పండ్లు
వయసు పెరిగే కొద్దీ యవ్వనంగా ఉండాలంటే, మీ ఆహారంలో తప్పనిసరిగా యాపిల్ ఉంచుకోవాలి. ఇది గుండెకు చాలా ఉపయోగకరంగా ఉంటుంది. ఎముకలను ఆరోగ్యంగా ఉంచే కాల్షియం ఇందులో అధికంగా ఉంటుంది. దీనితోపాటు ఆహారంలో బెర్రీలు, అవకాడో, ఆరెంజ్, నిమ్మ, ద్రాక్ష, కివీ వంటి పుల్లని పండ్లను చేర్చుకోవాలి. వీటిల్లో విటమిన్ సి, ఇ అధికంగా ఉంటాయి. ఇవి చర్మాన్ని ఆరోగ్యంగా ఉంచడంలో సహాయపడతాయి.
పాలు
వయసు పెరిగే కొద్దీ కండరాలు, ఎముకలు దృఢంగా ఉండాలంటే, కీళ్ల నొప్పులు మొదలైన వాటిని నివారించాలంటే, రోజూ ఒక గ్లాసు పాలను తాగాలి. బరువు పెరగడం గురించి ఆందోళన చెందుతున్నవారు కొవ్వు లేని వారు పాలను తాగవచ్చు.
కొల్లాజెన్ కాఫీ
కాఫీ ఆరోగ్యానికి మేలు చేస్తుందని అందరికీ తెలుసు. అదే సమయంలో ఇది వృద్ధాప్య సమస్యలతో కూడా పోరాడుతుంది. చర్మం ఆరోగ్యంగా ఉండాలంటే, కొల్లాజెన్ కాఫీని తాగాలి. కాఫీలో ఒక స్పూన్‌ కొల్లాజెన్ పౌడర్‌ని కలిపి త్రాగవచ్చు. ఒక వేళ మీరు శాకాహారి అయితే, బాదం పాలతో కొల్లాజెన్ కాఫీని తయారు చేసుకుని తాగవచ్చు. అయితే, రెగ్యులర్ కొల్లాజెన్ కాఫీని తీసుకోవాలనుకుంటే, ముందుగా వైద్యుడిని సంప్రదించాలి.
పోషకాలు అధికంగా ఉండే వాటిని ఆహారంలో చేర్చుకోవచ్చు, అయితే అనారోగ్యకరమైన వాటిని తినడం మానుకోవాలి. అలాగే ధ్యానం, యోగా, నడక వంటి చిన్నపాటి ఎక్సర్‌సైజ్‌లు కూడా చేస్తూ ఉండాలి. ప్రతిరోజూ వీటిని చేయడం వల్ల బరువు కూడా అదుపులో ఉంచుతుంది.
