Anjeer Laddu: ఈ చిన్న లడ్డూతో కొండంత ఆరోగ్యం..! శీతాకాలంలో రోజూ ఒక్కటి తిన్నారంటే తిరుగుండదు..

శీతాకాలంలో అంజీర్ లడ్డూ మనకు ఆరోగ్యానికి అనేక రకాలుగా మేలు చేస్తుంది. ఇది మన శరీరాన్ని లోపలి నుంచి వెచ్చగా ఉంచేందుకు సహాయపడుతుంది. అలాగే రక్తహీనత , జీర్ణక్రియ , మలబద్ధకం , పేగు ఆరోగ్యం , కండరాల ఆరోగ్యం , బరువు నియంత్రణ , చర్మం, జుట్టు ఆరోగ్యానికి చికిత్స చేయడంలో సహాయపడుతుంది. ఈ లడ్డును పిల్లల నుండి పెద్దల వరకు అందరూ ఇష్టపడతారు . శీతాకాలంలో ఈ లడ్డూను రోజుకూ ఒకటి తినడం వల్ల ఇది మనల్ని అనేక వ్యాధుల భారీ నుంచి రక్షిస్తుంది. అలాగే రోగనిరోధక శక్తిని పెంచుతుంది.

అంజీర్ లడ్డు తయారీకి కావలసిన పదార్థాలు

• ఎండిన అంజూర పండ్లు – 1 కప్పు (10 నుండి 15 ముక్కలు)
• తరిగిన ఖర్జూరాలు – 1 కప్పు
• తరిగిన బాదం – ¼ కప్పు
• జీడిపప్పు – ¼ కప్పు
• పిస్తాపప్పులు – 2 టేబుల్ స్పూన్లు
• వాల్‌నట్స్ – 2 టేబుల్ స్పూన్లు
• నెయ్యి – 1 టేబుల్ స్పూన్
• ఏలకుల పొడి – ½ టీస్పూన్

అంజీర్ లడ్డు ఎలా తయారు చేయాలి

• అంజీరా లడ్డూ తయారు చేసేకునేందుకు ముందుగా అంజీర్, ఖర్జూరాలను చిన్న ముక్కలుగా కట్‌చేయండి. ఇప్పుడు స్టవ్ మీద పాన్ పెట్టి నెయ్యి వేసి వేడి చేయాలి. తరువాత బాదం, జీడిపప్పు, పిస్తా, వాల్ నట్స్ వేసి కాసేపు వేయించాలి.
• తరువాత అదే పాన్ లో ముందుగా కట్‌చేసుకున్న అంజీర్ పండ్లు, ఖర్జూర ముక్కలు వేసి 4 నుండి 5 నిమిషాలు అవి మెత్తబడే వరకు ఉడికించాలి. తరువాత తరిగిన డ్రై ఫ్రూట్స్, ఏలకుల పొడి వేసి బాగా కలపాలి.
• ఇప్పుడు స్టవ్ ఆఫ్ చేసి, మిశ్రమాన్ని కొద్దిగా చల్లారనివ్వండి, తర్వాత మీ చేతులకు నెయ్యి రాసుకుని చిన్న చిన్న లడ్డూల తయారు చేసుకోండి. మీకు ఇష్టమైతే, ఈ లడ్డులకు కాల్చిన నువ్వులు లేదా గసగసాలు జోడించవచ్చు.

ఎండిన అంజీర్, ఖర్జూరంతో తయారుచేసిన ఈ రుచికరమైన వంటకానికి చక్కెర లేదా బెల్లం అవసరం లేదు. బాదం, జీడిపప్పు, పిస్తాపప్పు, వాల్‌నట్స్ వంటి డ్రై ఫ్రూట్స్‌తో పాటు అంజీర్, ఖర్జూరం నిజమైన తీపి వీటికి రుచిని తెచ్చిపెడుతుంది. ఈ లడ్డులు మిమ్మల్ని ఆరోగ్యంగా ఉంచడమే కాకుండా.. మీకు తక్షన శక్తిని అందిస్తాయి.

గమనిక: పైన పేర్కొన్న అంశాలు నివేదికలు, ఇంటర్నెట్‌ నుంచి సేకరించిన వివరాల ఆధారంగా అందింజబడినవి. వీటిపై మీకు ఏవైనా సందేహాలు ఉన్నా.. వీటిని మీరు ఉపయోగించాలనుకున్న.. కచ్చితంగా వైద్యులను సంప్రదించండి.

మరిన్ని లైఫ్‌స్టైల్ వార్తల కోసం ఇక్కడ క్లిక్ చేయండి.