Amla Juice Benefits: రోజూ ఉసిరి రసం తాగితే ఇన్ని ప్రయోజనాలా..! ఈ విషయాలు తెలిస్తే మీరే ఆశ్చర్యపోతారు..
ఉసిరికాయల్లో ఎన్నో ఔషధ గుణాలు దాగున్నాయి. ఉసిరి విటమిన్ సి తోపాటు.. పలు పోషకాలకు మంచి మూలంగా పరిగణిస్తారు.
Updated on: Sep 04, 2022 | 1:45 PM
Amla Juice Health Benefits: ఉసిరికాయల్లో ఎన్నో ఔషధ గుణాలు దాగున్నాయి. ఉసిరి విటమిన్ సి తోపాటు.. పలు పోషకాలకు మంచి మూలంగా పరిగణిస్తారు. దీని వినియోగంతో జుట్టును బలోపేతం చేసుకోవచ్చు. దీంతోపాటు అనేక చర్మ సంబంధిత సమస్యలను తొలగించవచ్చు. ఇది కాకుండా ఉసిరికాయలో ఫైబర్, ఐరన్, జింక్, విటమిన్ బి కాంప్లెక్స్, కాల్షియం, యాంటీఆక్సిడెంట్లు వంటి అనేక పోషకాలు పుష్కలంగా ఉన్నాయి. ఇవి అనేక వ్యాధుల నుంచి మనల్ని దూరంగా ఉంచుతాయి. అంతే కాకుండా ఉసిరి రసం అనేక సమస్యలను అధిగమించేలా చేస్తుంది. ఉసిరి రసం వల్ల కలిగే ఆరోగ్య ప్రయోజనాల గురించి ఇప్పుడు తెలుసుకుందాం.
ఉసిరి రసం తాగడం వల్ల కలిగే ఆరోగ్య ప్రయోజనాలు..
అధిక బరువుకు చెక్: ఉసిరికాయ జ్యూస్‌ని రెగ్యులర్‌గా తాగడం వల్ల శరీర బరువు తగ్గుతుంది. ఇది మన శరీరాన్ని నిర్విషీకరణ చేసి.. ఎన్నో ప్రయోజనాలను చేకూర్చుతుంది. ఇందుకోసం ప్రతి రోజూ ఉదయం ఖాళీ కడుపుతో ఉసిరి రసాన్ని గోరువెచ్చని నీటితో తీసుకోవాలి. దీనివల్ల కొవ్వు వేగంగా కరుగుతుంది.
రక్తాన్ని శుభ్రం చేస్తుంది: ఉసిరి రసంలో యాంటీ ఆక్సిడెంట్ గుణాలు పుష్కలంగా ఉన్నాయి. ఇది కాకుండా, విటమిన్ సి కూడా ఇందులో ఉంటుంది. ఇది రక్తాన్ని శుభ్రపరచడంలో ప్రభావవంతంగా ఉంటుంది.
చర్మ సమస్యలు దూరం: ఉసిరికాయ జ్యూస్‌ని రెగ్యులర్‌గా తాగడం వల్ల చర్మ సంబంధిత సమస్యలను దూరం చేసుకోవచ్చు. ఇది చర్మంపై వచ్చే మొటిమలు, మచ్చల సమస్యలను తగ్గిస్తుంది. దీని కోసం క్రమం తప్పకుండా ఉసిరి రసం తాగాలి. ఇది కాకుండా ఉసిరి రసాన్ని నేరుగా చర్మంపై కూడా రాసుకోవచ్చు.
మలబద్ధకం నుంచి ఉపశమనం: ఉసిరి రసం మలబద్ధకం, కడుపు నొప్పి, అజీర్ణం, గ్యాస్ సమస్యల నుంచి ఉపశమనం కలిగిస్తుంది. దీంతో కడుపులో మంట, ఎసిడిటీ నుంచి ఉపశమనం లభిస్తుంది. ముఖ్యంగా మీ కడుపులో పురుగులు ఉన్నా.. నశించిపోతాయి.
కంటి చూపు: ఉసిరి రసం కంటి చూపును మెరుగుపరుస్తుంది. దీంతో కళ్ల నుంచి నీరు కారడం, దురద, మంట వంటి సమస్యలు దూరమవుతాయి. దీని కోసం క్రమం తప్పకుండా ఉసిరి రసం తాగండి.
మరిన్ని హెల్త్ వార్తల కోసం..
