Dinner: రాత్రి త్వరగా భోజనం చేస్తే కలిగే ప్రయోజనాలేంటో తెలిస్తే.. పొరపాటున కూడా లేట్‌ చేయరు..!
రాత్రిపూట తేలికపాటి ఆహారాన్ని తినండి. నిద్రవేళకు కనీసం 3 గంటల ముందు తినండి. మీకు రాత్రి ఆకలి అనిపిస్తే, ఒక గ్లాసు నీరు, ఏదైనా ఒక పండు తీసుకోండి. పడుకునే ముందు కెఫీన్, ఆల్కహాల్ వంటి పానీయాలను నివారించండి. మీరు ఆరోగ్యంగా ఉండాలంటే, ఈ చిట్కాలను అనుసరించండి. ముఖ్యంగా అర్ధరాత్రి తినడం మానుకోండి.
ఆరోగ్యంగా ఉండేందుకు పౌష్టికాహారం తీసుకోవడం చాలా ముఖ్యం. అయితే సరైన సమయంలో ఆహారం తీసుకోవడం కూడా అంతే ముఖ్యం. చాలా మంది ఫిట్‌నెస్ నిపుణులు రాత్రి 7 గంటలలోపు తినడం మంచిదని సిఫార్సు చేస్తున్నారు. రాత్రి 7 గంటల లోపు భోజనం చేయడం వల్ల కలిగే ప్రయోజనాలేంటో తెలుసుకుందాం.
రాత్రిపూట ఎక్కువ ఆహారం తీసుకోవడం వల్ల జీర్ణ సమస్యలు తలెత్తుతాయి. రాత్రి 7 గంటలలోపు తేలికపాటి భోజనం తినడం జీర్ణక్రియకు సహాయపడుతుంది. మలబద్ధకం వంటి సమస్యలు దూరమవుతాయి. రాత్రిపూట తినే చాలా ఆహారం శక్తిగా మారకుండా కొవ్వుగా నిల్వ చేయబడుతుంది.
రాత్రి 7 గంటలలోపు ఆహారం తీసుకోవడం వల్ల రాత్రిపూట ఆహారం తీసుకోవడం తగ్గించుకోవచ్చు. మీ ఈ అలవాటు బరువు తగ్గడంలో సహాయపడుతుంది. రాత్రిపూట ఎక్కువగా తినడం వల్ల నిద్రలేమి, నిద్రకు సంబంధించిన సమస్యలు వస్తాయి. రాత్రి 7 గంటలలోపు ఆహారం తీసుకుంటే నిద్రకు సరిపడా సమయం లభిస్తుంది.
మంచి రాత్రిపట్టేలా చేస్తుంది. రాత్రి 7 గంటలలోపు భోజనం చేయడం వల్ల రక్తంలో చక్కెర స్థాయిలు, రక్తపోటు నియంత్రణలో ఉంటాయి. ఇది మధుమేహం, గుండె జబ్బుల వంటి దీర్ఘకాలిక వ్యాధుల ప్రమాదాన్ని తగ్గిస్తుంది. సాయంత్రం 7 గంటలలోపు భోజనం చేసి, త్వరగా పడుకోవడం వల్ల ఉదయాన్నే తాజాగా, శక్తివంతంగా మేల్కొంటారు.
ప్రపంచవ్యాప్తంగా పోషకాహార నిపుణులు అర్ధరాత్రి ఆహారం తీసుకోవడాన్ని వ్యతిరేకిస్తున్నారు. ఎందుకంటే రాత్రిపూట పొద్దుపోయిన తర్వాత తినడం వల్ల మన శరీరం దాని ప్రధాన విధులను సర్దుబాటు చేస్తుంది. ఈ అంతర్గత గడియారాన్ని “సిర్కాడియన్ రిథమ్” అంటారు. ఇది నిద్ర, జీర్ణక్రియ, ఆహారానికి అనుగుణంగా సహాయపడుతుంది.
రోజులో మీ భోజనాన్ని ముందుగానే ప్లాన్ చేసుకోండి. రాత్రిపూట తేలికపాటి ఆహారాన్ని తినండి. నిద్రవేళకు కనీసం 3 గంటల ముందు తినండి. మీకు రాత్రి ఆకలి అనిపిస్తే, ఒక గ్లాసు నీరు, ఏదైనా ఒక పండు తీసుకోండి. పడుకునే ముందు కెఫీన్, ఆల్కహాల్ వంటి పానీయాలను నివారించండి. మీరు ఆరోగ్యంగా ఉండాలంటే, ఈ చిట్కాలను అనుసరించండి. ముఖ్యంగా అర్ధరాత్రి తినడం మానుకోండి.
మరిన్ని లైఫ్ స్టైల్ వార్తల కోసం క్లిక్ చేయండి..
