వామ్మో.. కలబందతో వీటిని కలిపి ముఖానికి రాయకండి.. అలా చేస్తే అంతే సంగతులు..

అలోవెరా చర్మంతో పాటు జుట్టుకు కూడా ప్రయోజనకరంగా పరిగణిస్తారు. చాలా మంది మహిళలు, పురుషులు తమ చర్మ సంరక్షణతో పాటు వారి జుట్టు సంరక్షణ దినచర్యలో దీనిని చేర్చుకుంటారు. ఇందులో ఉండే యాంటీ ఆక్సిడెంట్, యాంటీ బ్యాక్టీరియల్, యాంటీ ఫంగల్ గుణాలు అనేక చర్మ సమస్యలను దూరం చేస్తాయి. దీనితో పాటు, ఇది చర్మాన్ని తేమగా ఉంచడానికి పనిచేస్తుంది. ముఖంపై తేమను ఉండేలా చేయడంతోపాటు.. నిగారింపు వచ్చేలా చేస్తుంది. అలోవెరాలో విటమిన్ ఎ, ఇ తోపాటు.. పలు పోషకాలు కూడా ఉన్నాయి. ఇది మీ చర్మాన్ని ఆరోగ్యంగా ఉంచడంలో సహాయపడుతుంది. అయిత, కొంతమంది కలబందను నేరుగా ముఖానికి అప్లై చేస్తుంటారు. మరికొందరు మాత్రం కలబందను ఏదో ఒక దానిని కలిపి ముఖానికి అప్లై చేస్తారు. అలా చేయడం అస్సలు మంచిది కాదు.. చర్మ సంరక్షణ సమయంలో కొన్ని విషయాలపై ప్రత్యేక శ్రద్ధ తీసుకోవడం చాలా ముఖ్యం.. లేకుంటే మీ ముఖం దెబ్బతినే అవకాశం ఉంది. ఏయే పదార్థాలతో కలబందను కలిపి మీ ముఖంపై అప్లై చేయకూడదో ఇప్పుడు తెలుసుకోండి..

అలోవెరా చర్మానికి చాలా ఉపయోగకరంగా ఉన్నప్పటికీ, కొన్ని పదార్థాలతో కలిపి దీనిని ఉపయోగించడం మానుకోవాలి..

ఈ పదార్థాలను అలోవెరాతో కలిపి అప్లై చేయకండి..

నిమ్మరసం: మీ ముఖానికి పొరపాటున కూడా కలబంద జెల్ లో నిమ్మరసాన్ని కలిపి అప్లై చేయకండి. నిమ్మరసం మీ చర్మానికి హాని కలిగించే ఆమ్ల లక్షణాలను కలిగి ఉంటుంది. ఇది నేరుగా ప్రభావం చూపుతుంది. అదే సమయంలో, మీ చర్మం సున్నితంగా ఉంటే, మీ ముఖంతో ఏదైనా వర్తించే ముందు లేదా ఏదైనా ప్రయోగం చేసే ముందు ఖచ్చితంగా వైద్య నిపుణులను సంప్రదించడం మంచిది. సెన్సిటివ్ స్కిన్ ఉన్నవారు నిమ్మరసాన్ని ముఖానికి రాసుకుంటే దద్దుర్లు, చర్మం ఎర్రబడడం, దురద వంటి సమస్యలు వస్తాయి. వీటన్నింటికీ బదులుగా, చర్మ సమస్యలను నివారించడానికి అలోవెరా జెల్‌ను నేరుగా అప్లై చేసి 15 నిమిషాల తర్వాత మీ ముఖాన్ని శుభ్రం చేసుకోవాలి. ఇలా చేయడం వల్ల అనేక చర్మ సమస్యలకు పరిష్కారం లభిస్తుంది.

టూత్ పేస్టు: అనేక రకాల చర్మ సంరక్షణా విధానాలు, పలు బ్యూటీ టిప్స్  సోషల్ మీడియాలో వైరల్ అవుతున్నాయి. ఇందులో టూత్‌పేస్ట్ సహాయంతో మెరిసే చర్మాన్ని పొందవచ్చని వైరల్ చేస్తున్నారు.. అయితే, ఇది పూర్తిగా నకిలీదని వైద్యులు నిర్దారించారు. అటువంటి నివారణలను ఎప్పుడూ నమ్మవద్దు, అవి మీ చర్మాన్ని దెబ్బతీస్తాయని హెచ్చరిస్తున్నారు.

బేకింగ్ సోడా: బేకింగ్ సోడా తరచుగా దుస్తులపైనున్న మరకలను తొలగించడానికి లేదా దంతాల ఉన్న పసుపు రంగును తొలగించడానికి ఉపయోగిస్తారు. అయితే ఎవరైనా అలోవెరా జెల్‌తో బేకింగ్ సోడాను అప్లై చేయడం గురించి మీరు ఎప్పుడైనా చూశారా..? అందుకే.. పొరపాటున కూడా మీ ముఖానికి బేకింగ్ సోడాను అప్లై చేయకండి.. ఇలా చేయడం వల్ల ముఖం pH స్థాయిని అసమతుల్యం చేస్తుంది. ఇది మీ ముఖాన్ని దెబ్బతీస్తుంది.

మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి..