‘అమ్మా ! నువ్వు ఇది ఊహించలేదుగా ?’, కమలా హారిస్
అమెరికా ఎన్నికల్లో జో బైడెన్ విజయం సాధించాక ఉపాధ్యక్షురాలిగా పదవిని చేపట్టబోతున్న కమలా హారిస్ ఈ విజయోత్సవసమయంలో తన తల్లిని స్మరించుకున్నారు. ‘నేనీ రోజు ఇక్కడ (అమెరికాలో) ఉన్నానంటే అది నా తల్లి శ్యామలా గోపాలన్ హారిస్ చలవే ! 19 ఏళ్ళ వయస్సులో ఇండియా నుంచి ఆమె ఇక్కడికి వచ్చినప్పుడు.. ఇలాంటి సందర్భాన్ని ఆమె ఊహించి ఉండక పోవచ్చు.. కానీ ఈ విధమైన మూమెంట్ ఇక్కడ సాధ్యమేనని ఆమె నమ్మింది’ అని కమలా హారిస్ తన […]
అమెరికా ఎన్నికల్లో జో బైడెన్ విజయం సాధించాక ఉపాధ్యక్షురాలిగా పదవిని చేపట్టబోతున్న కమలా హారిస్ ఈ విజయోత్సవసమయంలో తన తల్లిని స్మరించుకున్నారు. ‘నేనీ రోజు ఇక్కడ (అమెరికాలో) ఉన్నానంటే అది నా తల్లి శ్యామలా గోపాలన్ హారిస్ చలవే ! 19 ఏళ్ళ వయస్సులో ఇండియా నుంచి ఆమె ఇక్కడికి వచ్చినప్పుడు.. ఇలాంటి సందర్భాన్ని ఆమె ఊహించి ఉండక పోవచ్చు.. కానీ ఈ విధమైన మూమెంట్ ఇక్కడ సాధ్యమేనని ఆమె నమ్మింది’ అని కమలా హారిస్ తన కాబోయే కొత్త హోదాలో దేశప్రజలనుద్దేశించి వ్యాఖ్యానించారు. తనతల్లిని గురించి, మహిళా నల్లజాతీయులు, ఆసియన్లు, శ్వేత జాతీయులు, లాటినాలు, నేటివ్ అమెరికన్ మహిళల గురించి తాను ఆలోచించినప్పుడు ఈ విధమైన సరికొత్త సందర్భం దేశ చరిత్రకు మార్గాన్ని సుగమం చేయడం సుసాధ్యమేనని అనిపించిందని ఆమె పేర్కొన్నారు.
ఇండియన్ ఇమ్మి గ్రంట్ అయిన మహిళకు, జమైకాకు చెందిన వ్యక్తికి కమలా హారీస్ జన్మించారు. క్రిస్టియన్ అయినప్పటికీ ఆమె హిందూ దేవాలయాలను విజిట్ చేస్తూ వచ్చారు. తన రన్నింగ్ మేట్ గా (ఉపాధ్యక్షురాలిగా) కమలా హారిస్ ను జో బైడెన్ ప్రకటించినప్పుడు ఆమె తన భారతీయ మూలం గురించి, తమిళనాడు గురించి ప్రస్తావించారు.